(Khmer) លោក David Beckham បានថ្លែងសារទទូចឲ្យកីឡាករ Cristiano Ronaldo បន្តលេងនៅ Manchester United។

អនាគតរបស់ Ronaldo នៅកីឡដ្ឋាន Old Trafford ហាក់ស្រពេចស្រពិលខ្លាំងមែនទែនបន្ទាប់ពី Man Utd មិនមានកៅអីលេងក្នុងពានរង្វាន់ Champions League រដូវកាលក្រោយ ខណៈ ពាក្យចចាមអារ៉ាមមួយចំនួនបានចុះផ្សាយថា គេអាចនឹងវិលត្រឡប់មកកាន់ Real Madrid។

Beckham បាននិយាយថា៖«ខ្ញុំក៏សង្ឃឹមថា Ronaldo នឹងបន្តលេងនៅ Man Utd ហើយ វាជារឿងដ៏សំខាន់សម្រាប់អ្នកគាំទ្រ។ គាត់នៅតែបន្តបង្ហាញការលេងបានល្អតាមរយការរកគ្រាប់បាល់ និង បង្កើតឱកាស ទោះបីគាត់មានវ័យជ្រេបន្តិចមែន។ ខ្ញុំសង្ឃឹមថា គាត់នឹងបន្តលេងនៅទីនេះមួយឆ្នាំ ឬ ពីរឆ្នាំទៀត»៕