(Khmer) CRISTIANO RONALDO កំពុងធ្វើដំណើរត្រលប់មកចក្រភពអង់គ្លេសវិញនៅថ្ងៃនេះ មុនពេលការពិភាក្សារបស់ Manchester United ទាក់ទងនឹងអនាគតរបស់គាត់។

ខ្សែប្រយុទ្ធសញ្ជាតិព័រទុយហ្គាល់រូបនេះមិនបានបង្ហាញខ្លួនសម្រាប់ការហ្វឹកហាត់មុនបើករដូវកាល ហើយបានរំលងដំណើរទេសចរណ៍របស់បិសាចក្រហមនៅប្រទេសថៃ និងអូស្ត្រាលី។

ឥឡូវនេះ Erik ten Hag និងកូនក្រុមត្រលប់ពីអូស្រ្តាលីវិញហើយ Ronaldoក៏ កំពុងត្រលប់ទៅ Manchester ដើម្បីព្យាយាមដោះស្រាយអនាគតរបស់គាត់។យោងតាមសារព័ត៌មាន The Athletic កីឡាករវ័យ 37 ឆ្នាំរូបនេះនឹងជួបជាមួយអ្នកចាត់ការថ្មីលោក Ten Hag ទល់មុខនៅប៉ុន្មានថ្ងៃខាងមុខនេះ ទោះបីជាមិនទាន់ច្បាស់ថា Ronaldo នឹងត្រលប់មកហ្វឹកហាត់ជាមួយមិត្តរួមក្រុមឬយ៉ាងណា។

អតីតតារា Real Madrid និង Juventus ចង់ចាកចេញពី Old Trafford ដោយបានជូនដំណឹងដល់ United អំពីចេតនារបស់គាត់នៅដើមរដូវក្តៅនេះ។ទោះជាយ៉ាងណាក៏ដោយ ក្រុមបិសាចក្រហមបានបដិសេធដោយទទូចថា កីលាករលេខ 7 របស់ពួកគេគឺមិនមែនសម្រាប់លក់នៅនោះទេ។

ប្រធានក្លឹបបិសាចក្រហមរីករាយដែល Ronaldo ត្រលប់មកចក្រភពអង់គ្លេសវិញ ហើយចាត់ទុកវាជា “សញ្ញាវិជ្ជមាន”។ តារាឆ្នើមរបស់ United បាន​ឈប់​សម្រាកនៅថ្ងៃនេះ ខណៈដែលពួកគេបានហោះហើរពីប្រទេសអូស្ត្រាលី ប៉ុន្តែគ្រោងនឹងត្រលប់មក Carrington វិញនៅថ្ងៃស្អែក(ថ្ងៃនេះ)។

និយាយអំពីស្ថានភាព Ronaldo មកពីអូស្ត្រាលីកាលពីសប្តាហ៍មុន Ten Hag បាននិយាយថា៖ “ខ្ញុំដឹងច្បាស់ហើយ គាត់ក៏មានជម្រើស (មួយឆ្នាំទៀត)។

“បាទ (គាត់អាចនៅលើសពីរដូវកាលនេះ) ប៉ុន្តែនិយាយឱ្យត្រង់ទៅ ខ្ញុំបានចុះហត្ថលេខានៅទីនេះរយៈពេល 3 ឆ្នាំហើយ ប៉ុន្តែនៅក្នុងបាល់ទាត់វាមានរយៈពេលខ្លីផងដែរ។ យើងត្រូវតែឈ្នះតាំងពីដំបូង ដូច្នេះខ្ញុំមិនមើលទៅឆ្ងាយនោះទេ”។

“ខ្ញុំមានយុទ្ធសាស្ត្រ វាជាដំណើរការមួយ វាត្រូវការពេលវេលា ប៉ុន្តែនៅទីបញ្ចប់ យើងត្រូវធ្វើឱ្យប្រាកដថា តាំងពីដើមដំបូងមានក្រុមឈ្នះ”។

Ronaldo ត្រូវបានទាក់ទងជាមួយ Chelsea នៅដើមរដូវក្តៅនេះ ដោយម្ចាស់ក្លឹបតោខៀវថ្មី Todd Boehly បានជួបភ្នាក់ងារ Jorge Mendes ដើម្បីពិភាក្សាអំពីការផ្ទេរដ៏មានសក្តានុពល។ ការផ្លាស់ប្តូរទៅកាន់កីឡដ្ឋាន Stamford Bridge ត្រូវបានច្រានចោលជាបន្តបន្ទាប់ ប៉ុន្តែ Thomas Tuchel មិនចាប់អារម្មណ៍ក្នុងការធ្វើការជាមួយម្ចាស់ពានរង្វាន់ Ballon d’Or ប្រាំសម័យកាលនោះទេ។

Real Madrid ក៏បានដកខ្លួនចេញពីចុះហត្ថលេខាលើអតីតតារារបស់ពួកគេឡើងវិញផងដែរ បើទោះបីជា Ronaldo អាចត្រលប់ទៅរដ្ឋធានីអេស្ប៉ាញវិញជាមួយ Atletico ក៏ដោយ។ Diego Simeone ចង់ធ្វើការជាមួយតារាព័រទុយហ្គាល់ បើទោះបីជា Atleti នឹងត្រូវលក់កីឡាករ ដើម្បីផ្តល់ប្រាក់ឈ្នួលដល់ CR7 ដែលទទួលបាន £480,000 ក្នុងមួយសប្តាហ៍នៅ Man Utdក៏ដោយ។

អ្នកគាំទ្រក្រុម Atletico មួយផ្នែកមិនចង់បាន Ronaldo ទេ ប៉ុន្តែចាប់ផ្តើមយុទ្ធនាការមួយនៅលើបណ្តាញសង្គម ដោយសុំឱ្យក្រុមរបស់ពួកគេជៀសវាងការចុះហត្ថលេខាលើគូប្រជែងចាស់របស់ពួកគេ។