(Khmer) ខ្សែប្រយុទ្ធ Cristiano Ronaldo និង ជាប្រធានក្រុមជម្រើសជាតិព័រទុយហ្កាល់ មានពាក្យពេជន៍ផ្ញើសារទៅកាន់អ្នកគាំទ្របន្ទាប់ពីរូបគេបានរួមចំណែកជួយក្រុមទទួលបានជ័យជម្នះកាលពីយប់មិញ។

ព័រទុយហ្កាល់ បានយកឈ្នះ ក្រុមជម្រើសជាតិម៉ាសេដូនៀ ក្នុងលទ្ធផល ២ទល់នឹង០ ពីការស៊ុតបញ្ចូលទីរបស់ Bruno Fernandes ទាំងពីរគ្រាប់ដើម្បីធានាកៅអីឡើងទៅលេងក្នុងជុំផ្តាច់ព្រ័ត្រ World Cup 2022 ដែលរៀបចំនៅប្រទេសកាតា។

Ronaldo បាននិយាយថា៖«គោលដៅរបស់យើងធ្វើបានសម្រចហើយ។ យើងបានទៅលេង World Cup នាប្រទេសកាតា។ ពួកយើងកំពុងស្ថិតនៅក្នុងកន្លែងដ៏ត្រឹមត្រូវ។ សូមអរគុណទៅកាន់អ្នកគាំទ្រព័រទុយហ្កាល់ ចំពោះការគាំទ្រពេញទំហឹងរបស់ពួកគេ។ ស៊ូស៊ូ ព័រទុយហ្កាល់»៕