(Khmer) នៅសល់តែ៣៧ថ្ងៃទៀតប៉ុណ្ណោះ ព្រឹត្តិការណ៍ ស៊ីហ្គេម ឆ្នាំ២០២៣នៅប្រទេសកម្ពុជានឹងឈានមកដល់ថ្ងៃបើក ខណៈដែលវិញ្ញសាបាល់ទាត់នឹងលេងនៅមុនថ្ងៃបើកព្រឹត្តិការណ៍នេះ ដូច្នេះកីឡដ្ឋានចំនួនបួនបានត្រៀមខ្លួនរួចជាស្រេចសម្រាប់បម្រើការឱ្យការប្រកួតដែលមានក្រុមបាល់ទាត់បុរស និងក្រុមបាល់ទាត់នារី។
កីឡដ្ឋានដែលនឹងទទួលរ៉ាប់រងការប្រកួតវិញ្ញសាបាល់ទាត់បុរសមានដូចជា៖
១-ពហុកីឡដ្ឋានជាតិអូឡាំពិក
ពហុកីឡដ្ឋានជាតិអូឡាំពិក គឺជាពហុកីឡដ្ឋានរដ្ឋ មានទីតាំងនៅចំកណ្ដាលទីក្រុងភ្នំពេញ។ ពហុកីឡដ្ឋាននេះមានលទ្ឋភាពទទួលទស្សនិកជនបានប្រមាណ៥ម៉ឺននាក់ (ចំណុះអតិបរមា ៧មុឺននាក់)។ កីឡដ្ឋានមានវ័យចំណាស់មួយនៅកម្ពុជាមួយនេះ ទើបតែបំពាក់កន្លែងអង្គុយថ្មី និងកែលម្អស្មៅធម្មជាតិ រួចរាល់សម្រាប់ត្រៀមទទួលការប្រកួតលើវិញ្ញាសាបាល់ទាត់បុរសនេះឯង។
២- កីឡដ្ឋានព្រីនស៍ (ក្លិបវិសាខា)
កីឡដ្ឋានមានមូលដ្ឋាននៅតំបន់ក្រុងរណប ហ្គ្រែនភ្នំពេញមួយនេះទើបតែធ្វើការកែលម្អស្មៅធម្មជាតិរួចរាល់ ដែលអាចផ្ទុកអ្នកទស្សនាបាន១៥០០០នាក់ ។បន្ទាប់ពីការប្រកួតពានរង្វាន់ Cambodian Premier League រដូវកាល២០២២ មកដល់ពេលនេះ កីឡដ្ឋានបានត្រៀមរួចរាល់សម្រាប់ប្រកួតហើយគេដឹងថា ក្រុមដែលស្ថុតក្នុងពូល B នៃវិញ្ញាសាបាល់ទាត់បុរសនឹងប្រកួតនៅកីឡដ្ឋាននេះ។
កីឡដ្ឋានដែលនឹងទទួលរ៉ាប់រងការប្រកួតវិញ្ញសាបាល់ទាត់នារីមានដូចជា៖
១-កីឡដ្ឋានកងយោធិពលខេមរភូមិន្ទ (ស្ដាតចាស់)
កីឡដ្ឋាន ខេមរភូមិន្ទ (កីឡដ្ឋានកងយោធពលខេមរភូមិន្ទ) ដែលត្រូវបានគេស្គាល់ថា ស្តាតចាស់ ឬកីឡដ្ឋាន Lambert គឺជាកីឡដ្ឋានមួយក្នុងរាជធានីភ្នំពេញ ប្រទេសកម្ពុជា។ វាមានសមត្ថភាពអ្នកទស្សនា 8,000 ទៅ១០០០០នាក់ ពេលបំពាក់កៅអីរួច។ វាជាកីឡដ្ឋានរបស់ក្រុមបាល់ទាត់ TIFFY ARMY FC នៃលីគកំពូលកម្ពុជា។ កីឡដ្ឋាននេះក៏រៀបចំការប្រកួតរបស់ក្រុមបាល់ទាត់ជម្រើសជាតិកម្ពុជាផងដែរ។
២- កីឡដ្ឋាន ស្មាត អ អេស អិន (ភ្នំពេញក្រោន)
កីឡដ្ឋាន SMART RSN គឺជាកីឡដ្ឋានបាល់ទាត់ក្នុងទីក្រុងភ្នំពេញ ប្រទេសកម្ពុជា និងជាផ្ទះរបស់ក្លឹបបាល់ទាត់ភ្នំពេញក្រោន។ កីឡដ្ឋាន SMART RSN ដែលមានកៅអីទាំងអស់ត្រូវដាក់ឈ្មោះតាមម្ចាស់ក្លឹបគឺលោក រិទ្ធី សំណាង។
កីឡដ្ឋាននេះត្រូវបានបើកលើកដំបូងជាមួយនឹងការប្រកួត RSN Youth Cup ក្នុងខែមិថុនា ឆ្នាំ 2015 ជាមួយនឹងការប្រកួតអន្តរជាតិចំនួន 4 ក្រុម រួមមាន Frenz United របស់ម៉ាឡេស៊ី និង Chonburi និង Muangthong United មកពីប្រទេសថៃ។ កីឡដ្ឋានមួយនេះទើបតែទទួលរ៉ាប់រងការប្រកួតពានរង្វាន់ AFC Women U-20 Asian Cup 2024 កាលពីខែមុន។
សម្រាប់កីឡដ្ឋានមរតកតេជោ នឹងទុកសម្រាប់ធ្វើកម្មវិធីបើក-បិទ ព្រឹត្តិការណ៍ស៊ីហ្គេម ការប្រកួតវគ្គបាក់កណ្ដាលផ្ដាច់ព្រ័ត្រ និងវគ្គផ្ដាច់ព្រ័ត្រ វិញ្ញសាបាល់ទាត់បុរស ផងដែរ៕
