(Khmer) ការ​ប្រកួត​បើក​ឆាក​ពូល A រវាង​ក្រុមទីម័រខាងកើត U23 និង​ហ្វីលីពីនU23 ទើប​តែបញ្ចប់​មុននេះបន្តិច​ដោយ​ក្រុមទាំង២​ស្មើ​គ្នា​ក្នុងលទ្ធផល​២ទល់២​ក្នុងការ​ប្រកួត​នៅ​ពហុកីឡដ្ឋានជាតិមរតកតេជោ នា​ទីក្រុងភ្នំពេញ។

២​គ្រាប់​របស់​ទីម័រខាងកើត​រក​បាន​ដោយ​កីឡាករពាក់អាវលេខ១០ ឈ្មោះ Mouzinho Barreto de Lima គឺ​ជាកីឡាករដែលស៊ុតបញ្ចូល​ទី​មុន​គេ​ក្នុងពហុកីឡដ្ឋានមរតកតេជោ ក្រោយ​ស៊ុត​ប៉េណាល់​ទី​បាន​សម្រេច​ក្នុង​នាទី​ទី៦។ ជិត​ចប់​វគ្គ​ទី​មួយ​ទៅ​ហើយ U23 ហ្វីលីពីន​ Ouano ស៊ុត​គ្រាប់​តាមស្មើ​នៅ​នាទី​៤៥ ហើយ​ចប់​វគ្គ​ទី​១​លទ្ធផលបណ្ដោះអាសន្ន១-១។

ចូលវគ្គទី​២​ក្រុម​ទីម័រU23 ធ្វើ​ការ​នាំ​មុខ​កីឡាករហ្វីលីពីន U23 បន្ត​ទៀត​ដោយ​កីឡាករ Soares នាទី៥៦ ប៉ុន្តែ​Ouano របស់​ហ្វីលីពីន​បន្ថែមទី​២​របស់​ខ្លួនក្នុងការ​ប្រកួត​នេះតាម​ស្មើទីម័រជាថ្មីនៅ​នាទី៦២ ហើយ​លទ្ធផល​២ទល់២​បន្ត​ដល់​ចប់​ការ​ប្រកួតតែម្ដង។