(Khmer) កីឡាករ Anthony Martial បានរងរបួសសរសៃពួរកាលពីចុងសប្តាហ៍ ហើយគាត់នឹងមិនមានវត្តមានសម្រាប់ការប្រកួត FA Cup វគ្គផ្តាច់ព្រ័ត្រដ៏ធំនោះទេ នេះបើយោងតាមការបញ្ជាក់របស់ Manchester United ។

សេចក្តីថ្លែងការណ៍របស់ក្លឹបបានសរសេរថា៖ «Martial នឹងនៅក្រៅទីលានការប្រកួតវគ្គផ្តាច់ព្រ័ត្រ Emirates FA Cup នៅថ្ងៃសៅរ៍ជាមួយ Manchester City ដោយសាររបួស។ កីឡាករអន្តរជាតិបារាំងបានរងរបួសសរសៃពួរក្នុងការ​ប្រកួតបញ្ចប់រដូវ​កាលនេះ ដែល Man Utd យកជ័យជម្នះ 2-1 កាលពីថ្ងៃអាទិត្យជាមួយនឹងក្រុម Fulham នៅ Old Trafford ។​

«ចាប់តាំងពីពេលនោះមក ការវាយតម្លៃរបស់​វេជ្ជបណ្ឌិតបានបង្ហាញឱ្យឃើញពីការរហែកសាច់ដុំដែលធ្វើឱ្យកីឡាករវ័យ 27 ឆ្នាំចាកចេញពីការប្រកួតនៅកីឡដ្ឋាន Wembley» ៕