(Khmer) PSG បានធ្លាក់ចេញពីការប្រកួត Champions League ម្តងទៀតនៅជុំទី 16។ វាជាលើកទីប្រាំហើយដែលក្រុម Parisians ត្រូវបានជ្រុះចេញពីការប្រកួតពានទ្វីបអឺរ៉ុបលំដាប់ខ្ពស់បំផុតនៅដំណាក់កាលនោះ។
អតីតកីឡាករជម្រើសជាតិអង់គ្លេស Jamie Carragher មិនអាចជឿថា ក្រុមដែលសម្បូរលុយមួយនេះអាចឈ្នះពានកម្រិតខ្ពស់បំផុតនៅអឺរ៉ុបដូចក្រុមដទៃទៀតនោះទេ ហើយ PSG ក៏អាចកែប្រែភាពខ្លាំងដល់ថ្នាក់ឈ្នះពាន UCL ក្នុងពេលឆាប់ៗនេះដែរ។ អតីតខ្សែការពាររូបនេះបានជំរុញឱ្យ Kylian Mbappe ចាកចេញពី Parisians ប្រសិនបើគាត់មានបំណងធ្វើឱ្យមានការរីកចម្រើនពិតប្រាកដក្នុងអាជីពរបស់គាត់។
Carragher បាននិយាយថា៖ «ខ្ញុំបាននិយាយពីមុនហើយ អំពី Kylian Mbappe គាត់ត្រូវតែចាកចេញ។ ពួកគេគ្មានកន្លែងណាមួយអាច ឈ្នះឬក៏ថា ជិតឈ្នះ Champions League នោះទេ។ ខ្ញុំមិនគិតថាវានឹងប្រសើរឡើងនៅរដូវកាលក្រោយប្រសិនបើក្រុមនោះនៅតែបន្ត»។
“He’s got to leave…The quicker he’s at Real Madrid the better”@Carra23 has his say on Kylian Mbappe. pic.twitter.com/80JT28HCZQ
— CBS Sports Golazo ⚽️ (@CBSSportsGolazo) March 8, 2023
អតីតខ្សែការពារ Liverpool រូបនេះបានបញ្ចប់ថា៖«គាត់គួរតែផ្ទេរទៅ Real Madrid ឱ្យលឿនជាងនេះ»។
Mbappe អាចសម្រេចចិត្តចាកចេញពីទីក្រុងប៉ារីសនៅដើមឆ្នាំក្រោយ។ កាលពីរដូវក្ដៅមុន គាត់បានធ្វើឲ្យអ្នករាល់គ្នាភ្ញាក់ផ្អើលដោយធ្វើដំណើរត្រឡប់មកវិញដើម្បីបន្តកុងត្រាជាមួយ PSG។ ទោះបីជាយ៉ាងណាក៏ដោយ ឥឡូវនេះវាច្បាស់ណាស់ថា Mbappe ត្រូវការ Real Madrid ច្រើនជាង Real Madrid ត្រូវការ Mbappe ។
ប្រភព៖ CBS Sport
