(Khmer) Liverpool ត្រូវ​ប៉ះ Manchester United ក្នុង​ការ​ប្រកួត Premier League ដ៏​ធំ​បំផុត​ចុង​សប្តាហ៍នេះ។ វាក៏ជាហ្គេមដែលលោក Jurgen Klopp មិនអាចបញ្ឈប់ការស្រមើស្រមៃចង់ឈ្នះបានដែរ។

គ្រូបង្វឹក Liverpool រូបនេះបាននិយាយនៅក្នុងសន្និសីទសារព័ត៌មានមុន​ការ​ប្រកួតថា៖ «បាល់ទាត់គឺជារឿងសំខាន់បំផុតសម្រាប់ 95, 98 នាទី។ ពិភពលោកទាំងមូលនឹងមើលវា ហើយខ្ញុំនឹងមើលវា»។

Klopp និយាយថា៖«ខ្ញុំចង់ឈ្នះ ដូច្នេះខ្ញុំមិនចាំបាច់សម្លឹងមើលមុខអ្នក បន្ទាប់ពីការបរាជ័យនោះទេ ប៉ុន្តែលើសពីនេះទៅទៀត វាមានហេតុផលចំនួន 5 លានដែលខ្ញុំចង់ឈ្នះការ​ប្រកួតនេះ»។

អ្នកចាត់ការសញ្ជាតិអាឡឺម៉ង់រូបនេះបានណែនាំថា ការលើកទឹកចិត្តមួយក្នុងចំណោមការ​រំពឹងជាច្រើនក្នុងការយកឈ្នះលើក្រុម Man United ក្រៅពីការប្រកួតប្រជែងរាប់​ទសវត្សគឺ Liverpool នឹងកាត់​បន្ថយគម្លាតបានបីពិន្ទុក្នុងចំណោមក្រុមកំពូលទាំងបួន។ លោក Klopp បាននិយាយថា៖

«យើងអាចកាត់បន្ថយវាមកត្រឹមបីពិន្ទុ»។

«​វា​ជា​រឿង​ធម្មតា​ ដូច​ក្នុង​ការ​ប្រកួត​ផ្សេង​ទៀត​ បើ​យើងឈ្នះ​យើង​បាន​៣ពិន្ទុ តែ​បើ​យើងចាញ់​យើង​អស់​បីពិន្ទុ»។

Liverpool បាន​ពង្រឹង​ទម្រង់​លេង​របស់​ខ្លួន​ក្នុង​ក្រប​ខ័ណ្ឌ Premier League បន្ទាប់​ពី​ឈ្នះ​៣​ប្រកួត​ក្នុង​ចំណោម​៤​ប្រកួត​ចុង​ក្រោយ​របស់​ពួក​គេ។ ពួកគេក៏បានរក្សា Clean Sheet ក្នុងការប្រកួតទាំងបួននោះផង​ដែរ។

ប្រភព៖ Liverpool FC