(Khmer) ក្លិបយក្សបារាំង Paris Saint Germian បានចុះហត្ថលេខានាំយកខ្សែប្រយុទ្ធ Khvicha Kvaratskhelia ពីក្លិប Napoli ជាមួយនឹងកិច្ចសន្យារយៈពេល ៤ ឆ្នាំ ខណៈដែលមិនទាន់មានព័ត៌មានលម្អិតអំពីតម្លៃផ្ទេរនៅទ្បើយទេ ប៉ុន្តែបើតាមរបាយការណ៍បានលើកឡើងថា PSG បានចំណាយប្រាប់ប្រមាណជាង ៧០ លានអឺរ៉ូ  ជាមួយការបូកបន្ថែមនៅលក្ខណ្ឌផ្សេងទៀត ទៅកាន់ Kvaratskhelia ក្នុងនាមជាកីឡាករដំបូងត្រូវបានក្លិបយកបាននាទីផ្សារដោះដូរខែមករា ឆ្នាំ ២០២៥។

យ៉ាងណា មុនពេលសម្រេចចិត្តមកកាន់ក្លិប Paris Saint Germian កីទ្បាករសញ្ជាតិហ្សកហ្ស៊ីវ័យ ២៣ ឆ្នាំរូបនេះបានផ្សារភ្ជាប់នឹងផ្លាស់ទៅកាន់ក្លិប Liverpool និង Chelsea ក្នុងទីផ្សារដោះដូរកីទ្បាករ ក្រោយពីមិនមានការសម្រេចបន្តកិច្ចសន្យាថ្មីជាមួយក្លិប Napoli។  Khvicha Kvaratskhelia បានចូលរួមជាមួយនឹងក្លិប Napoli ក្នុងឆ្នាំ ២០២២ ពីក្លិបហ្សកហ្ស៊ី Dinamo Batumi ក្នុងតម្លៃ ៩ លានផោន ហើយបានបង្ហាញទម្រង់លេងយ៉ាងល្អជាមួយការរកបាន ៥៤គ្រាប់ពីការលេង ១០៧ប្រកួត និងធ្លាប់ជាប់ឈ្មោះជាកីឡាករលេងល្អប្រចាំខែនៅលីគ Serie A Player of the Month ចំនួន ៤លើកផងដែរ៕

ប្រភព៖ BBC