(Khmer) ខ្សែប្រយុទ្ធ Romelu Lukaku បានសារភាព ថារូបគេសម្រេចចិត្តខុសហើយដែលផ្លាស់មកកាន់ Chelsea។
កីឡាករសញ្ជាតិប៊ែលហ្សិកខាងលើ បានចាកចេញពី Inter Milan មកកាន់ Chelsea វិញកាលពីដើមរដូវកាលក្នុងតម្លៃខ្លួន ៩៧.៥លានផោន ហើយស្រាប់តែពេលនេះ រូបគេមានបំណងចង់វិលត្រឡប់ទៅលេងនៅលីគកំពូលអ៊ីតាលី Seria A វិញ។
Lukaku បានរៀបរាប់ថា៖
«ខ្ញុំមិនមានបញ្ហាអ្វីទេ ប៉ុន្តែខ្ញុំមិនសប្បាយចិត្តជាមួយ Chelsea ឡើយ។ លោក Thomas Tuchel បានប្រើប្រាស់ប្រព័ន្ធលេងផ្សេង ប៉ុន្តែ ក្នុងនាមជាកីឡាករអាជីព ខ្ញុំនឹងមិនចុះចាញ់ឡើយ៕
នៅពេលនេះ វាជាពេលវេលាដ៏ត្រឹមត្រូវបំផុតក្នុងការចែករំលែកអារម្មណ៍ពិតរបស់ខ្ញុំ គឺ Inter Milan តែងតែស្ថិតនៅក្នុងបេះដូងរបស់ខ្ញុំ ហើយ ខ្ញុំដឹងថា ខ្ញុំនឹងធ្វើត្រឡប់ទៅទីនោះវិញនៅថ្ងៃណាមួយ៕»
