ព័ត៌មានកីឡាអន្តរជាតិ

(English) សម្រាប់ឆ្នាំ ២០២៥ តារាឆ្នើមអាហ្សង់ទីន Lionel Messi កំពុងសម្លឹងទៅរកពានរង្វាន់សក្តានុពលចំនួន ៥ ដែលអាចធ្វីឱ្យរូបគេក្លាយ​ជា​កីឡាករ​ដំបូង​គេបង្អស់​ដែល​អាច​ឈ្នះ​ពាន​ចំនួន ៥០ ទាំងកម្រិតក្លិប និងអន្តរជាតិ។ កីឡាករដែលកើតនៅក្នុងទីក្រុង Rosario ឥឡូវនេះបានឈ្នះពានរង្វាន់មិនគួរឱ្យជឿចំនួន ៤៥រួចហើយ ក្នុងអាជីពរបស់គេជាមួយក្លិបផ្សេងៗដូចជាៈ Barcelona, ​​PSG និង Inter Miami រួមជាមួយនឹងពានរង្វាន់របស់គេជាមួយក្រុមជម្រើសជាតិអាហ្សង់ទីន។ ចំនួនសរុបនេះមិនគិតពីរង្វាន់បុគ្គលសំខាន់ៗរបស់គេទេ។

Inter Miami កំពុងរៀបចំមុនយុទ្ធនាការ MLS ថ្មីហើយ ប្រសិនបើគេអាចដណ្តើមយកពានរង្វាន់ទាំងអស់ដែលមានក្នុងឆ្នាំប្រតិទិនប្រកួតឆ្នាំនេះ Messi អាចឈានដល់ពានរង្វាន់៥០ ដ៏អស្ចារ្យ។ ពានរង្វាន់ទាំង៥ដែលក្លិប Inter Miami ត្រូវដណ្តីមយកក្នុងរដូវកាល ២០២៥ រួមមានៈពាន MLS, Leagues Cup, FIFA Club World Cup និង Concacaf Champions Cup ។ អាហ្សង់ទីន​នឹង​ត្រូវ​ប្រកួត​ជាមួយ​អេស្ប៉ាញ​ក្នុង​វគ្គ​ផ្តាច់ព្រ័ត្រ ប៉ុន្តែ​ការប្រកួតនេះ​មិន​ទាន់​បានបញ្ជាក់​កាលបរិច្ឆេទ​នៅឡើយទេ ហើយ​វា​អាច​នឹង​មាន​ហានិភ័យ​ដែល​អាច​នឹង​លេង​នៅ​ឆ្នាំ ២០២៦។

ការឈ្នះពានចំនួនប្រាំនៅឆ្នាំ២០២៥ គឺជាការប្រកួតប្រជែងដែលមានមហិច្ឆតាខ្ពស់ និងជាសមិទ្ធិផល របស់គេជាមួយ Inter Miami ដែលគេទើបតែបានឈ្នះពានពីរប៉ុណ្ណោះគឺ Leagues Cup ឆ្នាំ ២០២៣ និង ២០២៤ Supporters’ Shield។ Inter Miami ចាប់ផ្តើមរដូវកាល MLS របស់ពួកគេក្នុងខែកុម្ភៈ ហើយត្រូវជួបជាមួយក្លឹបយក្សម៉ិកស៊ិក Club America នៅសប្តាហ៍ក្រោយ ជាការប្រកួតមិត្តភាពមុនបើករដូវកាល៕

 

 

ព័ត៌មានកីឡាអន្តរជាតិ

(English) នៅក្នុងទីផ្សារដោះដូរខែមករា កីឡាករឆ្នីមៗមួយចំនួនតែងតែផ្លាស់ប្តូរក្លិបរបស់ពួកគេ ក៏ប៉ុន្តែអ្វីដែលគួរឱ្យភ្ញាក់ផ្អើលបំផុតនោះ អតីតតារាបាល់ទាត់របស់ Chelsea ម្នាក់បានផ្លាស់ប្តូរអាជីពតែម្តងគឺ ពីសមរភូមិវាលស្មៅទៅសមរភូមិប្រយុទ្ធព្រៃ Amazon។ អតីតខ្សែបម្រើស្លាបក្រុមតោខៀវ Chelsea លោក Florent Malouda បានទទួលយកតួនាទីថ្មីដ៏គួរឱ្យភ្ញាក់ផ្អើលមួយក្នុងនាមជាមន្ត្រីយោធានៅក្នុងក្រុមបំរុងពលរដ្ឋនៃកងវរសេនាធំថ្មើរជើងទី៣ នៅ French Guiana ដែលជាស្រុកកំណើតរបស់គាត់។

ថ្មីៗនេះគាត់បានបញ្ចប់ការហ្វឹកហាត់កងទ័ពជំហានដំបូងដែលពាក់ព័ន្ធនឹងការធ្វើដំណើរតាមដងទន្លេ ការតម្លេីង តង់ ការឆ្លងរបារឈើ និងចែករំលែកមេរៀនជីវិតជាមួយសហការីវ័យក្មេងៗ។ ទាហានបំរុងត្រូវបានទទួលស្គាល់ដោយរដ្ឋាភិបាលបារាំងថាជាកម្មវិធី ដែលអនុញ្ញាតឱ្យជនស៊ីវិលចូលរួមចំណែកដោយស្ម័គ្រចិត្តក្នុងការលើកកម្ពស់តម្លៃ និងបេសកកម្មរបស់ស្ថាប័នយោធា ដោយមិនចាំបាច់ជាបុគ្គលិកយោធាខ្លួនឯងនោះទេ។ ទោះបីជាគាត់ពាក់ឯកសណ្ឋានថ្មីក៏ដោយ ក៏គាត់នៅតែស្រលាញ់ Chelsea ដោយថ្មីៗនេះបានចែករំលែករូបថតមួយសន្លឹកក្នុងឈុតក្រៅផ្ទះរបស់ពួកគេ ដើម្បីបង្ហាញពីអាជីពដ៏អស្ចារ្យរបស់គាត់។ បុរសវ័យ៤៤ឆ្នាំដែលបានឈ្នះពានរង្វាន់ធំចំនួន ៦ ជាមួយក្រុមតោខៀវ រួមទាំងពានរង្វាន់ Premier League ឆ្នាំ២០១០ និងពានរង្វាន់ Champions League ឆ្នាំ២០១២៕

 

ព័ត៌មានកីឡាជាតិ

ប្រធានក្រុម Manchester City កីទ្បាករ Kyle Walker បានផ្លាស់ទៅកាន់ AC Milan ក្នុងលក្ខខណ្ឌខ្ចីជើងរហូតដល់ចប់រដូវកាលនេះ។ ខ្សែការពារសញ្ជាតិអង់គ្លេសវ័យ ៣២ ឆ្នាំរូបនេះក៏បានធ្វើតេស្ត៍លើសុខភាពជាមួយនឹងម្ចាស់ជើងឯក UEFA Champions League ចំនួន ៧ សម័យ កាលពីថ្ងៃថ្ងៃព្រហស្បតិ៍ ផងដែរ។

កិច្ចព្រមព្រៀងរបស់ Milan សម្រាប់ Walker រួមមានជម្រើសក្នុងការទិញកីឡាករវ័យ ៣៤ ឆ្នាំនៅពេលដែលកិច្ចសន្យាខ្ចីជើងរបស់គេផុតកំណត់នៅចុងបញ្ចប់នៃរដូវកាលនេះ។ Kyle Walker ដែលរួមចំណែកជួយឱ្យ City ឈ្នះ Premier League ៦ លើក នឹងចូលរួមជាមួយមិត្តរួមជាតិអង់គ្លេស Fikayo Tomori, Ruben Loftus-Cheek និង Tammy Abraham នៅឯកីទ្បដ្ឋាន San Siro។

Kyle Walker នឹងពាក់លេខ ៣២ នៅ AC Milan ហើយក៏អាចបង្ហាញខ្លួនឱ្យក្រុម ពេលលេងទល់នឹង Parma ក្នុងដី សម្រាប់ការប្រកួតលីគកំពូលអ៊ីតាលី Serie A នាថ្ងៃអាទិត្យនេះផងដែរ៕

ប្រភព៖ BBC

ព័ត៌មានកីឡាអន្តរជាតិ

Real Madrid បានក្លាយជាក្លិបបាល់ទាត់ដំបូងគេដែលរកចំណូលបានច្រើនជាង ១ ពាន់លានដុល្លារក្នុងមួយឆ្នាំ។ នេះបើយោងតាមការវិភាគរបស់ក្រុមហ៊ុនអង្កេតហេរញ្ញវត្ថុ Deloitte ដែលមានមូលដ្ឋាននៅប្រទេសអង់គ្លេស។ ប្រភពខាងលើដដែលបានបន្តថា​ក្លិប Real Madrid រកចំណូលបាន២៥៨លានដុល្លារពីការលក់សំបុត្រ ៣២៨លានដុល្លារពីសិទ្ធិផ្សព្វផ្សាយនិង៥០១លានដុល្លារ ពីការផ្សាយពាណិជ្ជកម្មសរុបជាង១ពាន់លានដុល្លារ។ ក្លិបយក្សអេស្ប៉ាញរក្សាតំណែងកំពូលដដែលបើធៀបទៅនឹងឆ្នាំចាស់ជាមួយនឹងប្រាក់ចំណូលជា ១,0៥លានដុល្លារពីរដូវកាល ២០២៣-២៤ ដែលពួកគេបានឈ្នះ La Liga និង Champions League។

ក្លិប ​Manchester City ឈរលំដាប់លេខ​ពីរ​ជា​ថ្មី​ម្ដង​ទៀត​ដោយ​មាន​ប្រាក់​ចំណូលជាង៨៧១លានដុល្លារ។ ពួកគេបានឈ្នះពាន Premier League លើកទីបួនជាប់គ្នាដែលមិនធ្លាប់មានពីមុនមក  ឈ្នះពាន Club World Cup និងពាន European Super Cup កាលពីរដូវកាលមុន។ Paris Saint Germain (៨៣៦លានដុល្លារ), Manchester United (៦៧៧លានដុល្លារ) និង Bayern Munich (៦៧២លានដុល្លារ) បញ្ចប់ចំណាត់ថ្នាក់កំពូលទាំង៥។ Aston Villa ចូល​ក្នុង​ចំណាត់​ថ្នាក់​កំពូល​ទាំង២០បន្ទាប់​ពី​ប្រកួត​នៅ​អឺរ៉ុប​កាល​ពី​រដូវ​កាល​មុន​ជា​លើក​ដំបូង​ចាប់​តាំង​ពី​ឆ្នាំ ២០១១។

តារាងចំណាត់ថ្នាក់ក្លឹបបាល់ដែលរកចំណូលបានសម្រាប់ឆ្នាំ២០២៣-២០២៤

ចំណាត់ថ្នាក់ ក្លិប សំបុត្រប្រកួត សិទ្ធផ្សព្វផ្សាយ ពាណិជ្ជកម្ម សរុបគិតជាយូរ៉ូ ១ Real Madrid 248,000 316,000 482,000 1,046,000 ២ Man City 88,000 343,000 407,000 838,000 ៣ Paris Saint-Germain 170,000 245,000 391,000 806,000 ៤ Man United 152,000 258,000 360,000 771,000 ៥ Bayern Munich 131,000 213,000 421,000 765,000 ៦ Barcelona 103,000 236,000 421,000 760,000 ៧ Arsenal 153,000 305,000 258,000 717,000 ៨ Liverpool 132,000 240,000 343,000 715,000 ៩ Tottenham 123,000 195,000 297,000 615,000 ១០ Chelsea 93,000 190,000 262,000 546,000 ១១ Borussia Dortmund 93,000 206,000 215,000 514,000 ១២ Atletico de Madrid 74,000 218,000 117,000 410,000 ១៣ AC Milan 87,000 161,000 150,000 398,000 ១៤ Internazionale 81,000 198,000 112,000 391,000 15 (17) Newcastle 68,000 215,000 90,000 372,000 ១៦ Juventus 55,000 100,000 201,000 356,000 ១៧ West Ham 52,000 195,000 76,000 322,000 ១៨ Aston Villa 53,000 215,000 43,000 310,000 ១៩ Marseille 68,000 117,000 102,000 287,000 ២០ Lyon 34,000 95,000 135,000 264,000

ព័ត៌មានកីឡាអន្តរជាតិ

(English) បើនិយាយពីចំនួនគ្រាប់បាល់ស៊ុតបញ្ចូលទីច្រីនបំផុតនៅក្របខណ្ឌ UEFA Champions League មិនទាន់មានកីឡាកររូបណាវ៉ាដាច់ខ្សែប្រយុទ្ធ Cristiano Ronaldo នៅឡើយទេ។ តែបើនិយាយពីកីឡាករបាល់ទាត់ដែលមានសមាមាត្រស៊ុតបញ្ចូលទីល្អបំផុតក្នុងប្រវត្តិសាស្ត្រ UCL  Ronaldo ឈរលំដាប់ទី ៤ ទៅវិញទេ។

យោងតាមគេហទំព័រ Givemesport.com ចេញផ្សាយកាលពីថ្ងៃពុធទី២២ ខែមករា ឆ្នាំ២០២៥ បានឱ្យដឹងថា Erling Haaland គឺជាបុរសតែម្នាក់គត់ក្នុងប្រវត្តិសាស្ត្រ UEFA Champions League ដែលមានអត្រាស៊ុតបញ្ចូលទីបានច្រើនជាងការប្រកួត។ Haaland រកបាន៤៧ គ្រាប់ក្នុង៤៦ ប្រកួតនៅក្នុង UCL ។ អត្រាស៊ុតបញ្ចូលទីរបស់គាត់គឺ ១,០២ ក្នុងមួយប្រកួត។ វាមិនមែនជារឿងចៃដន្យទេដែល Man City បានឈ្នះការប្រកួតនេះជាលើកដំបូងក្នុងប្រវត្តិសាស្ត្ររបស់ពួកគេក្នុងរដូវកាលដំបូងរបស់គាត់នៅឯ Etihad ។ ចំណែកឯចំណាត់ថ្នាក់ទី ២ បានទៅលេីខ្សែប្រយុទ្ធ Lewandowski ក្លិបBarcelona ដែលមានអត្រាស៊ុតបញ្ចូលទី ០,៨១នាំមុខ Messi (០,៧៩) ចំណាត់ថ្នាក់លេខ និង Ronaldo ចំណាត់ថ្នាក់ទី៤ ជាមួយនឹងអត្រាស៊ុតបញ្ចូលទី ០,៧៧ ក្នុងមួយប្រកួត៕

 

ព័ត៌មានកីឡាអន្តរជាតិ

ន័រវេសអាចក្លាយជាប្រទេសដំបូងគេនៅអឺរ៉ុបដែលបោះបង់ចោលប្រព័ន្ធជំនួយការអាជ្ញាកណ្តាលវីដេអូ (VAR) បន្ទាប់ពីការបោះឆ្នោតកាលពីថ្ងៃពុធដោយក្លិបបាល់ទាត់កំពូលរបស់ប្រទេស។ ក្លិបចំនួន១៩បានបោះឆ្នោតប្រឆាំងនឹងការបន្តប្រើប្រាស់ VAR ខណៈពេលដែលក្លិបចំនួន១៣ បានបោះឆ្នោតឱ្យរក្សាវា។ នេះបើយោងតាមសេចក្តីថ្លែងការណ៍របស់ Norsk Toppfotball ដែលជាអង្គការដែលតំណាងឱ្យក្លិបបាល់ទាត់ចំនួន៣២នៅក្នុងក្របខ័ណ្ឌកំពូលពីររបស់ប្រទេសន័រវេស។

ការសម្រេចចិត្តចុងក្រោយលើអនាគតរបស់ VAR នឹងធ្វើឡើងដោយសហព័ន្ធបាល់ទាត់ន័រវេសក្នុងខែមីនា។ លោក Cato Haug ប្រធានក្រុមហ៊ុន Norsk Topfotball បាននិយាយថា៖ យើងឃើញថាបច្ចេកវិទ្យាមានសក្តានុពល ប៉ុន្តែតាមរយៈការពិភាក្សានៅថ្ងៃនេះ និងការបោះឆ្នោតជាបន្តបន្ទាប់ យើងឃើញថាក្លិបរបស់យើងភាគច្រើនជឿថាកំណែបច្ចុប្បន្ននៃ VAR មិនដំណើរការល្អគ្រប់គ្រាន់ទេ។

អ្នកគាំទ្រន័រវេសបានរិះគន់ប្រព័ន្ធដោយនិយាយថាវាបំផ្លាញលំហូរពេលវេលានៃការប្រកួត។ ប្រទេសស៊ុយអែតដែលជាអ្នកជិតខាងបានបដិសេធមិនប្រីប្រាស់ប្រព័ន្ធ VAR ចំពេលមានការជំទាស់ស្រដៀងគ្នានេះ។ ទោះជាយ៉ាងណាក្តីនៅប្រទេសអង់គ្លេស ក្លឹបនៅ Premier League បានបោះឆ្នោតដើម្បីរក្សាប្រព័ន្ធនៅដើមឆ្នាំនេះ៕

ប្រភព៖ AP

ព័ត៌មានកីឡាអន្តរជាតិ

ក្លិបមេឃខៀវ Manchester City បានចុះហត្ថលេខានាំយកខ្សែប្រយុទ្ធសញ្ជាតិអេហ្ស៊ីប Omar Marmoush ពី Eintracht Frankfurt ក្នុងតម្លៃ ៧០ លានអឺរ៉ូ (៥៩ លានផោន) ជាមួយនឹងកិច្ចសន្យារយៈពេល ៤ ឆ្នាំ។ រូបគេនឹងលេងឱ្យក្លិបយក្សអង់គ្លេសខាងលើរហូតដល់ខែមិថុនា ឆ្នាំ២០២៩ បូករួមទាំងថ្លៃផ្សេងៗ (add-ons) ៤ លានផោនផងដែរ។

Omar Marmoush រកបាន ១៥ គ្រាប់ក្នុងការបង្ហាញខ្លួនឱ្យក្រុម Eintracht Frankfurt ចំនួន ១៧ ប្រកួតនៅក្នុងការប្រកួតក្របខណ្ឌ Bundesliga របស់ប្រទេសអាល្លឺម៉ង់ នារដូវកាលនេះ។ Marmoush ក៏ជាអ្នកទី ២ នៅក្នុងការប្រកួតក្របខណ្ឌ Bundesliga ដែលទាត់បញ្ចូលទីច្រើនគេ បន្ទាប់ពីប្រធានក្រុមជម្រើសជាតិអង់គ្លេស ខ្សែប្រយុទ្ធ Harry Kane ដែលទាត់បញ្ចូលទី ១៦ គ្រាប់ឱ្យក្រុម Bayern Munich៕

ប្រភព៖ BBC

ព័ត៌មានកីឡាអន្តរជាតិ

(English) យោងតាមគេហទំព័រ msn.com ចេញផ្សាយកាលពីថ្ងៃពុធទី២២ ខែមករា ឆ្នាំ២០២៥ បានឱ្យដឹងថា​សម្រាប់ឆ្នាំ២០២៥ នេះមានអ្នកចាំទីចំនួន ១០ រូបដែលមានតម្លៃខ្លួនខ្ពស់។

អ្នកចាំទីទាំង ១០ រូបនោះរួមមាន៖

១-អ្នកចាំទីហ្ស៊កហ្ស៊ី Giorgi Mamardashvili  របស់ Valencia មានតម្លៃខ្លួនជាង៤១លានដុល្លារឈរលំដាប់កំពូលតារាងក្នុងចំណោមអ្នកចាំទីដទៃទៀត។

២-អ្នកចាំទីសញ្ជាតិពីរព័រទុយហ្គាល់-ស្វ៊ីស Diego Costa  របស់ Porto តម្លៃជាង៤១លានដុល្លារ។

៣-អ្នកចាំទីអេស្ប៉ាញDavid Raya របស់ Arsenal តម្លៃជាង៤១លានដុល្លារ។

៤-អ្នកចាំទីស៊្វីស Gregor បរស់ Dortmundតម្លៃជាង៤១លានដុល្លារ។

៥-អ្នកចាំទីអ៊ីតាលី Gianluigi Donnarunmma របស់ Paris Saint Germain តម្លៃជាង៣៦លានដុល្លារ។

៦-អ្នកចាំទីអ៊ីតាលីGuglielmo Vicario របស់ Tottenham តម្លៃជាង៣៦លានដុល្លារ។

៧-អ្នកចាំទីកាំមេរ៉ូន Andre Onana របស់ Manchester united  តម្លៃជាង៣៦លានដុល្លារ។

៨-អ្នកចាំទីបារាំងMike Maignan របស់ Milan តម្លៃជាង៣៦លានដុល្លារ។

៩-អ្នកចាំទីបារាំង Lucas Chevalier របស់ Lille តម្លៃជាង៣១លានដុល្លារ។

១០-អ្នកចាំទីសញ្ជាតិប្រេស៊ីល-ព័រទុយហ្គាំល់ Ederson របស់ Manchester City តម្លៃជាង៣១លានដុល្លារ៕

ព័ត៌មានកីឡាអាស៊ី

(English) គ្រូជម្រើសជាតិហ្វូតសាលមីយ៉ាន់ លោក ប៊ុនឡេត ចំរើនវង្ស (Bunlert Charoenwong) បានសម្រេចចិត្តបញ្ចប់កិច្ចសន្យាជាមួយនឹងសហព័ន្ធកីទ្បាបាល់ទាត់មីយ៉ាន់ ដោយសារបរាជ័យក្នុងការចរចាក្នុងគម្រោងថ្មី ខណៈដែលកិច្ចសន្យារបស់លោកនឹងអស់សុពលភាពនៅខែមករា ឆ្នាំ២០២៦ ប៉ុន្តែត្រូវបានបញ្ចប់ភ្លាមៗតែម្តង។

លោក ប៊ុនឡេត ចំរើនវង្ស បាននិយាយថា៖ «ឥទ្បូវនេះ! ខ្ញុំបានបញ្ចប់កិច្ចសន្យាជាមួយនឹងសហព័ន្ធកីទ្បាបាល់ទាត់មីយ៉ាន់។ កិច្ចសន្យាចាស់ដែលនឹងផុតកំណត់នៅខែមករា ឆ្នាំ២០២៦។ ការ​ចរចា​កិច្ចព្រមព្រៀង​ថ្មី​ជាមួយ​សមាគម​បាល់ទាត់​មីយ៉ាន់ម៉ា​មិន​បាន​យល់ព្រម​តាម​សំណើ​របស់​យើង​ទេ​។ ដូច្នេះហើយ ពួកយើងក៏បានសម្រេចចិត្តបញ្ចប់កិច្ចសន្យា បន្ទាប់ពីរយៈពេល ៤ ឆ្នាំជាមួយនឹងក្រុម»។  លោកបន្ថែមទៀតថា៖ «ឥឡូវ​នេះ​មាន​ប្រទេស​ថ្មី ២-៣ មក​ជិត​យើង ហើយ​ត្រៀម​ខ្លួន​ជា​ស្រេច​ដើម្បី​អនុវត្ត​តាម​កិច្ច​ព្រមព្រៀង​ដែល​យើង​បាន​ស្នើ។ ខ្ញុំ​សូម​អរគុណ​មី​យ៉ាន់​ម៉ា​សម្រាប់​អ្វី​គ្រប់​យ៉ាង​ក្នុង​រយៈពេល​៤​ឆ្នាំ​កន្លង​មក​នេះ»។

គួរជម្រាបផងដែរថា លោក ប៊ុនឡេត ចំរើនវង្ស គឺជាគ្រូបង្វឹកជនជាតិបរទេសដំបូងរបស់ក្រុមជម្រើសជាតិហ្វូតសាលមីយ៉ាន់ ដែលដឹកនាំក្រុមទ្បើងទៅវគ្គផ្តាច់ព្រ័ត្រពានរង្វាន់ Asian Cup នៅប្រទេសថៃ ហើយត្រូវបានចាត់ទុកថាជាការប្រកួតវគ្គផ្តាច់ព្រ័ត្រលើកទីពីរក្នុងរយៈពេល ៦ ឆ្នាំសម្រាប់ក្រុមជម្រើសជាតិ។ លោក​ក៏​បាន​ដឹកនាំ​ក្រុម​បញ្ចប់​ក្នុង​ចំណាត់​ថ្នាក់​លេខ ៤ ក្នុង​ព្រឹត្តិការណ៍ AFF Futsal Championship ឆ្នាំ ២០២២ នៅប្រទេសថៃ ផងដែរ៕

ប្រភព៖ Ball Thai