ព័ត៌មានកីឡាអន្តរជាតិ

អតីតខ្សែប្រយុទ្ធជម្រើសជាតិបារាំង Arsenal និង FC Barcelona លោក Thierry Henry អាចត្រូវបានគេប្រគល់តំណែងកៅអីគ្រូបង្វឹកក្រុមជម្រើសជាតិ។ Thierry Henryគឺជាបេក្ខភាពឈានមុខគេមួយរូបក្នុងចំណោមបេក្ខភាពនាំមុខគេពីររូបសម្រាប់តំណែងក្រុមជម្រើសជាតិបែលហ្ស៊ិកបន្ទាប់ ពីប្រទេសនេះបណ្តេញលោក Domenico Tedesco ចេញពីតំណែងក្នុងពេលឆាប់ៗនេះ។ Henry ដែលពីមុនមានបទពិសោធន៍ជាជំនួយការគ្រូបង្វឹករបស់បែលហ្ស៊ិកក្រោមការដឹកនាំរបស់លោក Roberto Martinez ត្រូវបានគេរំពឹងថានឹងប្រជែងតំណែងជាមួយលោក Rudi Garcia ដើម្បីជំនួស Tedesco ។

វីរបុរសក្រុមកាំភ្លើងធំ Arsenal ធ្លាប់បានគ្រប់គ្រងក្លឹប Monaco និង Montreal Impact នៅ មុនពេលបង្វឹកក្រុមបាល់ទាត់ជម្រើសជាតិបារាំងអាយុក្រោម២១ ឆ្នាំ។ លោកបានចាកចេញពីតួនាទីរបស់ខ្លួនជាមួយក្រុមជម្រើសជាតិបារាំងបន្ទាប់ពីបានឈ្នះមេដាយប្រាក់នៅអូឡាំពិក។ Tedesco នឹង​ត្រូវ​បណ្តេញ​ចេញ​បន្ទាប់​ពី​យុទ្ធនាការ Euro ២០២៤ ខក​ចិត្ត​ដែល​បាន​ឃើញ​បែលហ្ស៊ិក​ធ្លាក់​ចេញ​ក្នុង​ជុំ​ទី ១៦ ដោយ​បារាំង។ បន្ទាប់ពីការចូលកាន់តំណែងពី Martinez បន្ទាប់ពីការប្រកួត World Cup ឆ្នាំ ២០២២ លោក Tedesco បានដឹកនាំប្រទេសបែលហ្ស៊ិក ១៤ ប្រកួតមិនដែលចាញ់ដែលកំពុងធ្វើដំណើរទៅកាន់ Euro កាលពីរដូវក្តៅមុន។ យ៉ាង​ណា​មិញ បិសាច​ក្រហម​បាន​ឈ្នះ​តែ​មួយ​ប្រកួត​ក្នុង​ចំណោម​ការ​ប្រកួត​ទាំង​បួន​របស់​ពួក​គេ​ក្នុង​ប្រទេស​អាឡឺម៉ង់​មុន​នឹង​ត្រូវ​ធ្លាក់​ចេញ៕

 

ព័ត៌មានកីឡាអន្តរជាតិ

តារាបាល់ទាត់ព័រទុយហ្គាល់ Cristiano Ronaldo បានចំណាយប្រាក់ ៧៥ លានដុល្លារទិញយន្តហោះឯកជនដ៏កម្រមួយ។ យន្តហោះថ្មីនេះមានល្បឿនជិត ១០០០ គីឡូម៉ែត្រក្នុងមួយម៉ោង និងអាចផ្ទុកមនុស្សបានចំនួន ១៩ នាក់ដែលងាយស្រួលឱ្យរូបគេធ្វើដំណើរទៅកាន់មជ្ឈិមបូព៌ាដែលជាកន្លែងគេកំពុងលេងនៅទីនោះ។

តាមពិតទៅ Cristiano Ronaldo មានយន្តហោះ Gulfstream G200 តម្លៃ ២៤លានដុល្លាររួចហើយ ដែលរូបគេបានទិញកាលពីឆ្នាំ ២០១៥។  សម្រាប់យន្តហោះថ្មីនេះ កីឡាករវ័យ៣៩ ឆ្នាំអាចធ្វើដំណើរប្រកបដោយផាសុកភាពជាមួយដៃគូរបស់គេគឺនាង Georgina Rodriguez និងកូនៗរបស់ពួកគេ។ យន្តហោះនេះមានកន្លែងគេងសម្រាប់អ្នកដំណើរ ១០ នាក់នៅលើយន្តហោះ ហើយត្រូវបានបំពាក់ដោយគ្រឿងបរិក្ខារដូចជា ឡចំហាយអគ្គិសនី វ៉ាយហ្វាយ ទូរស័ព្ទ ប្រព័ន្ធពហុព័ត៌មាន មីក្រូវ៉េវ និងទូទឹកកក៕

ប្រភព៖ Liget.ng

ព័ត៌មានកីឡាអន្តរជាតិ

ខ្សែបម្រើប្រយុទ្ធ Ahmed Diallo បានក្លាយជាកីទ្បាករចុងក្រោយរបស់ក្លិបបិសាចក្រហម Manchester United ដែលរកបាន Hat-Trick នៅក្នុងការប្រកួត English Premier League បន្ទាប់ពីពួកគេបានយកឈ្នះលើ Southampton ក្នុងលទ្ធផល ៣-១ កាលពីរាត្រីថ្ងៃទី១៦ ខែមករា ឆ្នាំ២០២៥។

ការរកបាន Hat-Trick របស់កីទ្បាករសញ្ជាតិកូតឌីវ័រវ័យ ២២ ឆ្នាំរូបនេះបានធ្វើឱ្យរូបគេក្លាយជាកីទ្បាករចុងក្រោយរបស់ United បន្ទាប់ពី Cristiano Ronaldo ដែលធ្វើបានពេលលេងទល់នឹងក្រុម Norwich City (៣-២) កាលពីថ្ងៃទី១៦ ខែមេសា ឆ្នាំ២០២២។ មិនត្រឹមតែប៉ុណ្ណោះ រូបគេក៏ក្លាយជាកីទ្បាករវ័យក្មេងទី ២ របស់ United ដែលរកបាន Hat-trick នៅ Premier League ក្នុងវ័យ ២២ ឆ្នាំ ១៩៨ ថ្ងៃ បន្ទាប់ពីវីរៈបុរស United គឺ Wayne Rooney ធ្វើបានដូចគ្នានៅអាយុ ២១ឆ្នាំ ៤ថៃ្ង ពីប្រកួតទល់នឹងក្រុម Bolton Wanderers ដែល United បានយកឈ្នះក្នុងលទ្ធផល ៤-០ កាលពីថ្ងៃទី២៨ ខែតុលា ឆ្នាំ២០០៦។ យ៉ាងណាក៏ដោយ កំណត់ត្រារបស់ Ahmad ដែលរកបាន Hat-trick ក្នុងរយៈពេល ១២ នាទី ៧ វិនាទី ត្រូវបានគេចាត់ទុកថាលឿនជាងគេទី ១១ នៅក្នុង Premier League ។ កំណត់ត្រានៃការស៊ុតបញ្ចូលទីលឿនបំផុតនៅ Premier League នៅតែជារបស់ខ្សែបម្រើស្លាបសេណេហ្គាល់ Sadio Mane ដែលធ្វើវាបានត្រឹមតែ ២ នាទី ៥៦ វិនាទី កាលនៅ Southampton ពេលលេងទល់នឹង Aston Villa (៦-១) កាលពីថ្ងៃទី១៦ ខែឩសភា ឆ្នាំ២០១៥៕ ប្រភព៖ Main Stand

ព័ត៌មានកីឡាជាតិ

ក្លិបព្រះខ័នរាជស្វាយរៀង បានធ្វើការប្រកាសនាំយកកីទ្បាករកូនកាត់ខ្មែរ-បារាំង លូកាស អាតធ័រ ពី Jura Dolois នៃលីគទី ៥ របស់ប្រទេសបារាំង ជាផ្លូវការ។ លូកាស អាតធ័រ ដែលមានវ័យ ២៦ ឆ្នាំរូបនេះធ្លាប់មានបទពិសោធន៍ជាច្រើនលេងនៅសហរដ្ឋអាម៉េរិក និងបារាំង ចន្លោះពីឆ្នាំ ២០១៨ ដល់ ២០២៤ ផងដែរ។

ការចូលរួមជាមួយនឹងក្រុមការពារតំណែងជើងឯកលីគកំពូលកម្ពុជា គឺមកពេញចំណុចខ្វះខាតតំបន់បម្រើ បន្ទាប់ពីកីទ្បាករ គឹម សុខយុទ្ធ បានរបួសសរសៃពួរ អំទ្បុងពេលបំពេញភារកិច្ចនៅ AFF  ឱ្យក្រុមជម្រើសជាតិកម្ពុជា កាលពីខែធ្នូ ឆ្នាំ២០២៤ ហើយ គឹម សុខយុទ្ធ ក៏ត្រូវសម្រាកព្យាបាលរបួសខាងលើនេះរយៈពេល ៣ ខែផងដែរ ។

កីទ្បាករកូនកាត់ខ្មែរ-បារាំង លូកាស អាតធ័រ ត្រូវបានគេរំពឹងថានឹងបង្ហាញខ្លនឱ្យក្រុមលើកដំបូង ពេលប៉ះគ្នាជាមួយក្រុមភ្នំពេញក្រោន នៅថ្ងៃទី២៦ ខែមករា ឆ្នាំ២០២៥ ខាងមុខនេះ សម្រាប់ការប្រកួតលីគកំពូលកម្ពុជា Cambodia Premier League រដូវកាល ២០២៤-២៥។

គួរជម្រាបឱ្យដឹងថា ក្រុមព្រះខ័នរាជស្វាយរៀង ដឹកនាំដោយគ្រូបង្វឹកសញ្ជាតិអេស្ប៉ាញ លោក José Muñoz កំពុងតែជួបវិបត្តិនឹងកីទ្បាករសំខាន់ៗជាច្រើនជួបបញ្ហារបួសជាបន្តបន្ទាប់ ក្រោយពីកាលវិភាគប្រកួតមមាញឹកច្រ់ើន ដោយសារនៅរដូវកាលនេះ ពួកគេចូលរួមប្រកួតប្រជែងដណ្តើមពានរង្វាន់ច្រើននៅក្នុងស្រុក និងអន្តរជាតិ៕

ព័ត៌មានកីឡាអន្តរជាតិ

ក្លិបអធិរាជ-ស Real Madrid បានទ្បើងទៅវគ្គ ៨ ក្រុមចុងក្រោយ នៃពានរង្វាន់ Copa del Rey បន្ទាប់ពីយកឈ្នះលើ Celta Vigo យ៉ាងតាងតឹងក្នុងម៉ោងបន្ថែម ១២០ នាទីដោយលទ្ធផល ៥-២ កាលពីយប់មិញ។

ជ័យជម្នះរបស់ Real Madrid លើ Celta Vigo ៥-២ នេះមិនមែនបានមកងាយៗទេ ដោយសារធ្វើភ្លាត់ឱ្យគេតាមស្មើនៅនាទី ៩០+១ ដោយការទាត់បាល់ពិន័យ ១១ ម៉ែត្ររបស់ Marcos Alonso។ យ៉ាងណា នៅម៉ោងបន្ថែម ១៥ នាទី ២ ដង ក្រុមរបស់លោក Carlo Ancelotti ក៏បានវាយបកមកវិញ រហូតដល់បាន ៣ គ្រាប់ទៀត។

គួរជម្រាបថា ការចាប់ឆ្នោតនៅវគ្គ ៨ ក្រុមចុងក្រោយ នៃពានរង្វាន់ Copa del Rey នឹងធ្វើទ្បើងនៅថ្ងៃទី២០ ខែមករា ឆ្នាំ២០២៥ ខាងមុខនេះរួមមាន៖ Barcelona, Atletico Madrid, Valencia, Leganes, Osasuna, Valencia និង Getafe ជាដើម៕

ព័ត៌មានកីឡាអន្តរជាតិ

ខ្សែប្រយុទ្ធ Alexander Isak របស់ក្លិប Newcastle United ក្លាយ​ជា​កីឡាករ​ទី ​៤ ​ក្នុង​ប្រវត្តិសាស្ត្រក្របខណ្ឌលីគកំពូលអង់គ្លេស English​ Premier League បន្ទាប់ពីស៊ុតបញ្ចូលទីបាន ២ គ្រាប់នៅក្នុងការប្រកួតក្នុងផ្ទះជាមួយនឹងក្រុម Wolves កាលពីរាត្រីថ្ងៃពុធ ។

គ្រាប់បាល់នេះហេីយដែលធ្វីឱ្យ Isak ក្លាយជាកីឡាករទី ៤ ក្នុងប្រវត្តិសាស្ត្រ Premier League ដែលអាចមានសមត្ថភាពស៊ុតបញ្ចូលទីបាន ៨ ប្រកួតជាប់គ្នា។ ខ្សែ​ប្រយុទ្ធ​ស៊ុយអែត​វ័យ ​២៥ ​ឆ្នាំ​បាន​ស៊ុត​បាល់​បញ្ចូល​ទី​ទៅលើគូប្រកួត​នៅ​នាទី​៣៤និង៥៧។ គួរជម្រាបថា ជ័យជម្នះរបស់ក្រុម Newcastle United លើ Wolves ក៏បានធ្វើឱ្យពួកគេរំគិលខ្លួនទ្បើងមកចំណាត់ថ្នាក់លេខ ៤ វិញ ដោយមាន ៣៨ ពិន្ទុលើស Chelsea ១ ពិន្ទុ បន្ទាប់ពីពួកគេស្មើគ្នា ២-២  Bournemouth កាលពីរាត្រីថ្ងៃពុធដូចគ្នា៕

ព័ត៌មានកីឡាអន្តរជាតិ

លោក Jurgen Klopp បានសន្យាថានឹងរៀបចំពិធីជប់លៀងសម្រាប់អតីតមិត្តរួមក្រុម Liverpool របស់រូបលោកទាំងអស់ ប្រសិនបើពានរង្វាន់របស់ Manchester City ចំនួន ២ ត្រូវបានដកហូត។ លោក Jurgen Klopp កំពុងតាមដានយ៉ាងដិតដល់ចំពោះស្ថានភាពនៃការតស៊ូផ្លូវច្បាប់របស់ Man City ដើម្បីបង្ហាញថាខ្លួនគ្មានកំហុសពីបទចោទប្រកាន់រំលោភលើបទប្បញ្ញត្តិផ្នែកហិរញ្ញវត្ថុចំនួន ១១៥ ករណីដែលកំពុងបើកសវនាការ។

សាលក្រមលើសំណុំរឿង FFP របស់ Man City ត្រូវបានគេរំពឹងថានឹងចេញជាផ្លូវការនៅ មុនចុងបញ្ចប់នៃរដូវកាល ២០២៥-២៦។ ក្លិបមេឃខៀវ Manchester City អាច​នឹង​ត្រូវ​ដក​យកពាន Premier League ចំនួន ២ ត្រឡប់មកវិញ ប្រសិន​បើ​រក​ឃើញ​ថា​មាន​កំហុស​។ នោះមានន័យថា Liverpool អាចទទួលបានពានរង្វាន់រដូវកាល ២០១៧-១៨ និង ២០២១-២២ ខណៈដែលពួកគេបានបញ្ចប់ក្នុងនាមជាជើងឯករង។

ស្របពេលដែលសំណុំរឿងកំពុងដំណើរការ លោក Klopp បានសន្យាថានឹងរៀបចំពិធីជប់លៀងដ៏ធំមួយជាមួយកីឡាករក្លិប Liverpool ប្រសិនបើរឿងនោះកើតឡើងមែន។ លោកបានអះអាងថា ខ្ញុំបានពិភាក្សាគ្នារួចហេីយ នៅពេលខ្ញុំចាកចេញ។ លោកបន្តថា ប្រសិនបើវានឹងកើតឡើង ខ្ញុំបានប្រាប់មនុស្សទាំងអស់ដែលចង់មកថា គ្រាន់តែកក់ជើងហោះហើរទៅកាន់ទីក្រុង Mallorca ខ្ញុំនឹងទិញស្រាបៀរជប់លៀងពួកគេ។ ពួកយើងនឹងមានក្បួនដង្ហែរផ្ទាល់ខ្លួននៅក្នុងសួនរបស់ខ្ញុំ៕

 

ព័ត៌មានកីឡាជាតិ

ខ្សែប្រយុទ្ធ ចាន់ វឌ្ឍនាកា បានប្រាប់អំពីស្ថានភាពបញ្ហារបួសថារូបគេកំពុងតែស្ថិតក្រោមការតាមដាន និងរង់ចាំថតស្គេន (MRI) នាថ្ងៃទី១៦ ខែមករា ឆ្នាំ២០២៥។ ការលើកទ្បើងបែបនេះ នៅលើគណនីហ្វេសប៊ុកផ្ទាល់ខ្លួន បន្ទាប់ពីរូបគេហាក់បីជាមានបញ្ហារបួសជង្គង់ខាងឆ្វេង អំទ្បុងពេលការប្រកួតជើងទី១ វគ្គ១៦ ក្រុមចុងក្រោយ នៃពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៨ ឆ្នាំ២០២៤-២៥ ដែលបឹងកេត បានយកឈ្នះលើកំពង់ចាម ដោយបញ្ចប់លទ្ធផល ១-៨ កាលពីថ្ងៃទី១៥ ខែមករា ឆ្នាំ២០២៥។

ហេតុការណ៍ខាងលើនេះកើតទ្បើង បន្ទាប់ពីរូបគេញក់ចុះញក់ទ្បើងជាមួយនឹងកីទ្បាករកំពង់ចាម រហូតដល់ភ្នាត់ដោយខ្លួនឯង និងដេកដួលលើស្មៅតែម្តង។ បញ្ហាខាងលើនេះធ្វើឱ្យ ចាន់ វឌ្ឍនាកា បង្ខំចិត្តផ្លាស់ប្តូរចេញភ្លាមៗតែម្តងនៅទី ៤១ ជំនួសមកវិញដោយកីទ្បាករ អ៊ាវ សុវណ្ណារ៉ា។ ចាន់ វឌ្ឍនាកា ក៏រកបាន ១ គ្រាប់ឱ្យបឹងកេតផងដែរ នៅក្នុងជំនួបខាងលើនេះ។

យ៉ាងណា ក្រោយពីបញ្ចប់ការប្រកួត ចាន់ វឌ្ឍនាកា ក៏បានប្រាប់ពីស្ថានភាពរបួសនៅលើគណនីហ្វេសប៊ុកផ្ទាល់ខ្លួនថា៖ «ជម្រាបសួ ពុកម៉ែ បងប្អូន អុំពូមីងយាយតា អរគុណ ពុកម៉ែ បងប្អូន អុំពូមីងយាយតា នៅការបារម្ភ និង ជូនពរមកកាន់រូបខ្ញុំក្រោយមានការដួលនៅក្នុងទីលាននៅប្រកួតល្ងាចមុិញ ស្ថានភាពខ្ញុំពេលនេះគឺស្ថិតនៅក្រោមការតាមដាន និង រង់ចាំថតស្គេន (MRI) នៅថ្ងៃស្អែក អរគុណគ្រប់គ្នាដែលបារម្ភ និង ជូនពរមកកាន់ខ្ញុំ»។ គួររំលឹកថា ចាន់ វឌ្ឍនាកា ធ្លាប់រងរបួសដាច់សរសៃពួរជង្គង់ ACL ខាងស្តាំម្តងរួចមកហើយ កាលពីឆ្នាំ ២០២២ អំទ្បុងពេលប្រកួតទល់នឹងក្រុមវិសាខា នៅក្នុងពានរង្វាន់ Prince Beer Pre-Season Cup៕

ព័ត៌មានកីឡាអន្តរជាតិ

ក្នុងចំណោមខ្សែបម្រើកំពូលទាំង ២០ កីឡាករ Rodri ត្រូវបានគេចាត់ទុកថាជាខ្សែបម្រើល្អបំផុតលើពិភពលោកសម្រាប់ឆ្នាំ​ ២០២៥។ នៅពេលរូបគេមកដល់ក្លិប Manchester City ដំបូងពី Atletico Madrid មនុស្សជាច្រើនបានរំពឹងថារូបគេនឹងក្លាយជាកីឡាករជំនួស Fernandinho ផ្ទុយ​ទៅ​វិញឥទ្ធិពល​របស់​កីឡាករ​អេស្ប៉ាញរូបនេះ​គឺ​មិន​អាច​ប្រៀប​ផ្ទឹម​បាន។

ក្នុងរយៈពេលប៉ុន្មានឆ្នាំចុងក្រោយនេះ រូបគេបានបន្ថែមការរកគ្រាប់បាល់បញ្ចូលទីក្នុងការប្រកួត ជាពិសេសការស៊ុតបញ្ចូលទីជួយឱ្យ City ឈ្នះពានរង្វាន់ Champions League លើកដំបូងមិនធ្លាប់មានទល់នឹង Inter ក្នុងឆ្នាំ២០២៣ ។ Rodri បានឈ្នះពានជាមួយក្រុមជម្រីសជាតិអេស្ប៉ាញ។ រូបគេក៏បានដើរតួយ៉ាងសំខាន់ក្នុងការឈ្នះជើងឯក Premier League លើកទីបួនជាប់ៗគ្នារបស់ City ដែលនាំឱ្យរូបគេទទួលបាន Ballon d’Or ឆ្នាំ២០២៤ ។

ចំណែកឯខ្សែបម្រីល្អចំណាត់ថ្នាក់ទី២បានទៅលីកីឡាករអង់គ្លេស Jude Bellingham ក្លិប Real Madrid និងកីឡាករន័រវែស Martin Odegaard របស់ក្លឹបArsenal។ គួររឭកថាការវាយតម្លៃចំណាត់ថ្នាក់នេះដោយផ្អែកទៅលើកត្តាមួយចំនួនដូចជាៈទម្រង់លេងនាពេលថ្មីៗពានរង្វាន់កិត្តិយសបុគ្គលក្នុងឆ្នាំ ២០២៤ ពានរង្វាន់ក្រុមនៅឆ្នាំ ២០២៤ សារៈសំខាន់ចំពោះក្លិបសារៈនិងសំខាន់ចំពោះក្រុមជម្រើសជាតិ៕