ខ្សែប្រយុទ្ធ Son Heung-min បានចុះកិច្ចសន្យាថ្មីបន្តលេងឱ្យក្លិបមាន់ខ្នាយមាស Tottenham Hotspur រហូតដល់ឆ្នាំ ២០២៦។ កីទ្បាករសញ្ជាតិកូរ៉េខាងត្បូងវ័យ ៣២ ឆ្នាំរូបនេះបានចូលរួមជាមួយនឹង Spurs នៅឆ្នាំ ២០១៥ ផ្ទេរពី Bayer Leverkusen និងរកបាន ១៦៩ គ្រាប់ក្នុងការបង្ហាញខ្លួនចំនួន ៤៣១ ប្រកួតឱ្យក្លិប។ នៅ Premier League រូបគេបង្ហាញខ្លួនសរុប ៣២០ ប្រកួត រកបាន ១២៥ គ្រាប់ និងបញ្ជូនបាល់បាន ៦៨ លើក។

Son ជាតួអង្គដ៏សំខាន់របស់ Spurs ក្នុងការជួយឱ្យក្រុមទ្បើងវគ្គផ្តាច់ព្រ័ត្រ UEFA Champions League ឆ្នាំ២០១៩ ជាលើកដំបូងរបស់ក្លិប ប៉ុន្តែកាលនោះពួកគេបានបរាជ័យក្រោមថ្វីជើងរបស់ Liverpool។ រយៈពេល ៩ ឆ្នាំហើយ ដែល Son រួមរស់ជាមួយនឹង Spurs ហើយក៏មិនទាន់ឈ្នះពានរង្វាន់មួយទ្បើយ។ គួរជម្រាបថា បច្ចុប្បន្ន Spurs កំពុងឈរលេខរៀងទី ១២ នៅ Premier League ខណៈដែល Son ស៊ុតបញ្ចូលទីបាន ៥ គ្រាប់និង ៦ បាល់បញ្ជូនក្នុងចំណោមការបង្ហាញខ្លួន ១៧ ប្រកួត៕

ប្រភព៖ BBC

លោក Didier Deschamps គ្រូបង្វឹកក្រុមជម្រើសជាតិដែលបម្រើការយូរបំផុតរបស់ប្រទេសបារាំង នឹងមិនបន្តកិច្ចសន្យារបស់គាត់ដែលនឹងផុតកំណត់នៅឆ្នាំ២០២៦ នោះទេ។ លោក Deschamps បានដឹកនាំក្រុមជម្រើសជាតិបារាំងតាំងពីឆ្នាំ២០១២ ជាមួយនឹងជោគជ័យជាច្រើនក្នុងអំឡុងពេលកាន់តំណែងរបស់គាត់។

សមិទ្ធិផលមួយក្នុងចំណោមសមិទ្ធិផលដ៏គួរឱ្យកត់សម្គាល់បំផុតរបស់លោក Deschamps គឺការដឹកនាំប្រទេសបារាំងឱ្យឈ្នះការប្រកួត World Cup ឆ្នាំ២០១៨។លោក​ក៏​បាន​ដឹក​នាំ​ក្រុម​ឲ្យ​ឈាន​ទៅ​វគ្គ​បន្ត​ក្នុង​ការ​ប្រកួត World Cup ឆ្នាំ ២០២២។ លើសពីនេះទៀតលោក Deschamps ក៏បានដឹកនាំក្រុមជម្រីសជាតិបារាំងឈ្នះពាន UEFA Nations League ឆ្នាំ ២០២១។

ការសម្រេចចិត្តរបស់លោក Deschamps ក្នុងការចុះចេញពីតំណែង បន្ទាប់ពីការប្រកួតបាល់ទាត់ពិភពលោកឆ្នាំ២០២៦ នឹងនាំមកនូវការបញ្ចប់នូវជំពូកដ៏អស្ចារ្យមួយនៅក្នុងប្រវត្តិសាស្ត្របាល់ទាត់របស់បារាំង៕

ប្រភព៖ Reuters

ក្លិប PSM Makassar ស្ថិតក្នុងនិន្នាការមិនល្អសោះ​នៅ​ចុងឆ្នាំ២០២៤។ ពួកគេបានចាញ់ 2-1 ក្រោមស្នាដៃក្រុម Persita Tangerang កាលពីថ្ងៃអាទិត្យ (12/29/2024)។

លើសពីនេះទៀត PSM Makassar ត្រូវបានពិន័យសម្រាប់ការចាញ់ 3-0 ទៅ Barito Putera; ការ​កាត់​បី​ពិន្ទុ និង​ពិន័យ​ជា​ប្រាក់ 90 លាន​រូពីពីបទបន្លំកីឡាករលើទីលាន។

ជាលទ្ធផល PSM Makassar បានបញ្ចប់ជុំទីមួយនៃលីគកំពូលឥណ្ឌូណេស៊ី Liga 1 រដូវ​កាល 2024/2025 ក្នុងចំណាត់ថ្នាក់ទី 11 ជាមួយនឹង 24 ពិន្ទុ។

ដូច្នេះហើយ PSM Makassar បាន​កំណត់គោលដៅ​ថា ជំណួប​ជាមួយស្វាយរៀងក្នុងការប្រកួតលើកទី៣ នៃពានរង្វាន់ក្លិបជើងឯកអាស៊ានឆ្នាំ២០២៤/២០២៥ (ACC) ជាកន្លែងស្ដារមុខមាត់របស់ខ្លួនឡើង​វិញ។

ជ័យជំនះគឺជាគោលដៅរបស់​ពួកគេ ទោះបីជាពួកគេកំពុងដើរតួជាភ្ញៀវនៅឯពហុកីឡដ្ឋានជាតិអូឡាំពិកកម្ពុជា សម្រាប់​ការ​ប្រកួតនៅថ្ងៃពុធនេះក៏ដោយ។ ។ PSM Makassar ត្រូវការ​បី​ពិន្ទុ​ដើម្បី​រក្សា​ឱកាស​ឡើង​ទៅ​វគ្គ​៨​ក្រុម​ចុងក្រោយ។

ពេល​នេះក្រុមរបស់​លោក Bernardo Tavares កំពុងឈរកំពូលតារាងពូល A ដោយមាន 4 ពិន្ទុពីការឈ្នះមួយ និងស្មើមួយ។ ប្រធានក្រុម Akbar Tanjung បាន​និយាយថា៖ «សង្ឃឹម​ថា​ក្នុង​ការ​ប្រកួត​លើក​ក្រោយ​ យើង​អាច​ទទួល​បាន​លទ្ធផល​ដែល​ចង់​បាន (ឈ្នះ)»។ យ៉ាង​ណា​មិញ ការ​នាំ​យក​បី​ពិន្ទុ​មក​ផ្ទះ​នឹង​មិន​ងាយ​ស្រួល​ឡើយ។ ស្វាយរៀង ជាជើងឯកលីគកំពូលកម្ពុជា ឆ្នាំ២០២៣/២០២៤»។

«ការលេងដ៏ជាប់លាប់របស់ពួកគេនៅតែបន្តក្នុងរដូវកាលនេះ។ តាម​ពិត​ទៅ ពួក​គេ​បច្ចុប្បន្ន​កំពុង​តែ​ស្ថិត​ក្នុង​ចំណាត់​ថ្នាក់​លេខ​២​ក្នុង​តារាង​ដែល​មាន​៣៧​ពិន្ទុ។ ៣ពិន្ទុតាមពីក្រោយក្រុមកំពូលតារាងលីគកំពូលកម្ពុជា ភ្នំពេញក្រោន»។

នៅក្នុង ACC ក្រុមរបស់លោក Pep Munoz ស្ថិតក្នុងចំណាត់ថ្នាក់ទី 4 ដោយមានបីពិន្ទុ។

អ្នក​សង្កេត​ការណ៍​កីឡា​បាល់​ទាត់ឥណ្ឌូណេស៊ីលោក Basri Badussalam នៅ​តែ​វិភាគថា PSM Makassar នឹងឈ្នះ​លើ​ក្រុម​ស្វាយរៀង។

ការ​វិភាគនេះ​ មើល​​តាម​ការ​ប្រកួត​ដែល​ក្រុម​ទាំង​ពីរ​បាន​ឆ្លង​កាត់រួច​មក​ហើយ។ PSM Makassar ត្រូវ​បាន​គេ​ចាត់​ទុក​ថា​ល្អ​ជាង ​ព្រោះ​ការ​ប្រកួត​ League 1 មាន​ការ​ប្រកួត​ប្រជែង​ជាង​លីគ​កម្ពុជា។

លោក​បាន​មាន​ប្រសាសន៍ថា៖ «​ខ្ញុំ​គិត​ថា PSM Makassar នៅ​តែ​អាចឈ្នះ ​ក្រុម​ស្វាយរៀង​បាន»។

យោងតាមគេហទំព័រGoal.com ចេញផ្សាយកាលពីថ្ងៃ អង្គារ​ទី៧ ខែមករា ឆ្នាំ២០២៥ បានឱ្យដឹងថាខ្សែប្រយុទ្ធកូរ៉េខាងត្បូង Heung-min Son ទទួលបានប្រាក់ខែខ្ពស់ជាងគេបំផុតនៅក្នុងក្លិបមាន់ខ្នាយមាស Tottenham។ ប្រភពខាងលើដដែលនេះបានឱ្យដឹងថា Son ទទួលបានប្រាក់ឈ្នួល ២៤២ ៧១១ ដុល្លារក្នុងមួយសប្តាហ៍ឬស្មើនឹងជាង ១២ លានដុល្លារក្នុងមួយឆ្នាំ។

ខ្សែប្រយុទ្ធដ៏លេចធ្លោរបស់អាស៊ីរូបនេះនៅសល់កុងត្រារយៈពេល ១ ឆ្នាំទៀតជាមួយក្លឹបដែលមានមូលដ្ឋាននៅទីក្រុងឡុង។ ចំណែកឯកីឡាករដែលទទួលបានប្រាក់ឈ្នួលខ្ពស់លំដាប់ទី២គឺខ្សែបម្រើអង់គ្លេស James Maddison។  ខ្សែបម្រវ័យ២៧ឆ្នាំទទួលបានប្រាក់ឈ្នួលប្រចាំសប្តាហ៍ជាង ២១៧ ១៦៣ដុល្លារឬស្មើនឹងជាង ១១លានដុល្លារក្នុងមួយឆ្នាំ។ James Maddisonនៅសល់កុងត្រា៤ឆ្នាំទៀតជាមួយTottenahm។

ជាបន្តបន្ទាប់កីឡាករ​ខ្សែប្រយុទ្ធ Timo Werner និង Cristian Romero ក៏ទទួលបានប្រាក់ខែខ្ពស់ដូចគ្នាគឺ ២១០ ៧៧៦ម៉ឺនដុល្លារឬស្មជាង១០លានដុល្លារក្នុងមួយឆ្នាំ។ ក្លិប Tottenham ចំណាយ ជាង ២ លាន ៥៧ ម៉ឺនដុល្លារទៅលើប្រាក់ឈ្នួលកីឡាករក្នុងមួយសប្តាហ៍ឬស្មើនឹងជាង ១៣៣លាន ដុល្លារក្នុងមួយឆ្នាំ៕

ខ្សែប្រយុទ្ធ Luis Suarez របស់ក្លិប Inter Miami និងភរិយា បានចូលរួមបំពេញបេសកកម្មជួយបុរសម្នាក់ដែលប៉ុនប៉ងធ្វើអត្តឃាតបន្ទាប់ពីក្រុមជួយសង្គ្រោះប្រើរយៈពេលជាង២០ម៉ោង។ Suarez និងប្រពន្ធរបស់គាត់ Sofia Balbi បានចេញទៅដើរលេងនៅ Solymar promenade កាលពីថ្ងៃសុក្រ ហេីយពួកគេបានឃើញហេតុការណ៍នេះ។

បុរស​អាយុ​៤៩​ឆ្នាំ​ម្នាក់​បាន​ឡើង​ដើមឈើ​កម្ពស់​៦​ម៉ែត្រ​ដោយមាន​ខ្សែពួរនិង​គំរាម​លោតសម្លាប់ខ្លួន​។គាត់បានទាមទារឱ្យដៃគូរបស់គាត់ដែលជាស្ត្រីវ័យ៥៣ ឆ្នាំមកកន្លែងកើតហេតុ។ នៅក្នុងហេតុការណ៍នេះ ខ្សែប្រយុទ្ធវ័យ ៣៧ ឆ្នាំបាននិយាយទៅកាន់បុរសនោះដោយលើកទឹកចិត្តគាត់ឱ្យចុះមក។អង្គការក្រៅរដ្ឋាភិបាលដែលមានឯកទេសខាងចិត្តវិទ្យា និង Suarez នៅទីបំផុតបានបញ្ចុះបញ្ចូលបុរសនោះចុះពីដើមឈើដោយសុវត្ថិភាព។

Andrea ដែល​មក​ពី​ក្រុម​ដែល​បាន​ជួយ​សង្គ្រោះ​​បាន​ប្រាប់​ប្រព័ន្ធ​ផ្សព្វផ្សាយ​ក្នុង​ស្រុក​ថា៖ Suarez ដែល​ជា​កីឡាករ​ដ៏ល្បី​របស់​អ៊ុយរូហ្គាយ​បាន​មក​ជួយពួក​យើង។បច្ចុប្បន្ន​បុរស​រូប​នេះ​ត្រូវ​បាន​ប្រគល់​ឱ្យ​អង្គភាពជំនាញ​ថែទាំ​។ អតីតខ្សែប្រយុទ្ធរបស់ Liverpool និង Barcelona បានក្លាយជាវីរបុរសដែលមិននឹកស្មានដល់នៅដែលគាត់ត្រលប់មកប្រទេសកំណើតអ៊ុយរូហ្គាយ៕

ប្រភព៖ The Sun

នាថ្ងៃទី០៦ ខែមករា ឆ្នាំ២០២៥ សហព័ន្ធកីទ្បាបាល់ទាត់ឥណ្ឌូនេស៊ី (PSSI) បានធ្វើការប្រកាសអំពីចែកផ្លូវគ្នាជាមួយនឹងគ្រូបង្វឹករបស់ក្រុមជម្រើសជាតិ លោក Shin Tae Yong បន្ទាប់ពីដឹកនាំក្រុមធ្លាក់ចេញពីវគ្គចែកពូល B នៃពានរង្វាន់ ASEAN Cup ឆ្នាំ ២០២៤ កន្លងទៅ។ ក្រោយពីប្រកាសចែកផ្លូវគ្នាជាមួយនឹងគ្រូបង្វឹកសញ្ជាតិកូរ៉េខាងត្បូងវ័យ ៥៤ ឆ្នាំរូបនេះ សហព័ន្ធកីទ្បាបាល់ទាត់ឥណ្ឌូនេស៊ី (PSSI) ក៏បានតែងតាំងលោក Patrick Kluivert ជាគ្រូបង្វឹកថ្មីរបស់ក្រុមជម្រើសជាតិវិញ។

យ៉ាងណា PSSI បានទម្លាយ​មូលហេតុ​ដែលចែកផ្លូវគ្នាជាមួយនឹងលោក Shin Tae Yong ថា៖ លោក Erik Thohir ក៏បានបង្ហាញពីចេតនារបស់លោកក្នុងការបណ្តេញ Shin Tae Yon ចេញពីតំណែងផងដែរ បន្ទាប់ពីចប់ការប្រកួតជម្រុះ World Cup ឆ្នាំ២០២៦ ប្រចាំតំបន់អាស៊ី ជុំទី៣ ដែលបានចាញ់ ក្រុមជម្រើសជាតិចិន ១-២ កាលពីថ្ងៃទី ១៥ ខែតុលា ឆ្នាំ ២០២៤ មកម្ល៉េះ ប៉ុន្តែនៅពេលនោះ មិនមែនជាពេលវេលាត្រឹមត្រូវ និងសបស្របនោះទេ។

លោក Erik Thohir បានទុក​ថា​បើបណ្ដេញលោក Shin Tae Yon នៅពេលនោះ វាអាចប៉ះពាល់ដល់ក្រុមទាំងមូល ដោយសារតែរយៈពេលនៃ FIFA Day គឺខ្លីពេករហូតដល់លោក Shin Tae Yong ដឹកនាំក្រុមប្រមូលបាន ៣ពិន្ទុពី ២ប្រកួត (ឈ្នះ១ចាញ់ ១) ក្នុងខែវិច្ឆិកា ឆ្នាំ ២០២៤ ដែលជាកម្មវិធីចុងក្រោយសម្រាប់វគ្គជម្រុះ World Cup។

ជាមួយគ្នានោះ លោក Eric Thohir ក៏​បាន​បង្ហើប​ប្រាប់ផងដែរ​ដែរថា លោកក៏បានស្វែងរកគ្រូបង្វឹកថ្មី​តាំងពីខែវិច្ឆិកាឆ្នាំមុនមកម្ល៉េះ មុនពេលលោក Patrick Kluivert អតីតខ្សែប្រយុទ្ធ Barcelona និងជម្រើសជាតិហូឡង់ នឹងមកទទួលដឹកនាំក្រុមជម្រើសជាតិដែលនឹងបង្ហាញខ្លួនជាផ្លូវការនៅថ្ងៃទី ១២ ខែមករានេះ៕

ប្រភព៖ Ballthai

នៅទីបំផុត! ក្លិប AC Milan បានវាយបកយកឈ្នះលើ Inter Milan ដោយបញ្ចប់លទ្ធផល ៣-២ និងគ្រងជើងឯកពានរង្វាន់ Coppa Italia ជាលើកទី ៨ ក្នុងប្រវត្តិសាស្រ្តរបស់ក្លិប។

Inter Milan ដឹកនាំដោយលោក Simone Inzaghi ជាគ្រូបង្វឹកបាននាំមុនលើ AC Milan ចំនួន ២ គ្រាប់មុននៅនាទី ៤៥+១ (តង់ទី១) ដោយកីទ្បាករ Lautaro Martínez និងនាទី ៤៧ (តង់ទី២) ដោយកីទ្បាករ Mehdi Taremi មុនពេល AC Milan ដឹកនាំដោយលោក Sérgio Conceição ជាគ្រូបង្វឹកថ្មី បានវាយបកសម្រុកយ៉ាងខ្លាំងទៅលើគូរប្រជែងរហូតដល់បាន ៣ គ្រាប់មកវិញ ធ្វើបានដោយកីទ្បាករ Theo Hernández នៅនាទី៥២, Christian Pulisic នៅនាទី៨០ និង Tammy Abraham នៅនាទី ៩០+៣។

លទ្ធផលបែបនេះបានធ្វើឱ្យក្រុម AC Milan បានគ្រងជើងឯកពានរង្វាន់ Coppa Italia ជាលើកទី ៨ ក្នុងប្រវត្តិសាស្រ្តរបស់ក្លិបចាប់តាំងពីឆ្នាំ ១៩៨៨ មកម្ល៉េះ។ គួរជម្រាបថា មុនពេលគ្រងជើងឯកពានរង្វាន់ Coppa Italia ឆ្នាំ២០២៤ ក្រុម AC Milan បានផ្តួលក្រុមខ្លាំងៗដូចជា Juventus នៅវគ្គពាក់កណ្តាលផ្តាច់ព្រ័ត្រ ដោយបញ្ចប់លទ្ធផល ២-១ និងក្រុម Inter Milan នៅវគ្គផ្តាច់ព្រ័ត្រ ៣-២៕

បន្ទាប់ពីសម្រាកអស់រយៈពេល 3 ខែ ព្រឹត្តិការណ៍ជើងឯកក្លិបអាស៊ានឆ្នាំ 2024-25 ដែលត្រូវបានគេស្គាល់ជាផ្លូវការថា Shopee Cup បានត្រលប់មកវិញក្នុងខែមករានេះ។

ក្រុមចំនួន 12 កំពុងប្រជែងគ្នាដណ្តើមយកឱកាស ក្លាយជាម្ចាស់ជើងឯកក្លិបដំបូងរបស់អាស៊ីអាគ្នេយ៍ក្នុងរយៈពេលពីរទសវត្សរ៍ ដោយពាន​រង្វាន់នេះបានរស់ឡើងវិញក្នុងរដូវកាលនេះ បន្ទាប់ពីបានធ្វើឡើងចុងក្រោយក្នុងឆ្នាំ 2005។

ក្នុងខែនេះនឹងឃើញការប្រកួតថ្ងៃទី 3 និងទី 4 ប្រព្រឹត្តទៅនៅថ្ងៃទី 8 ដល់ថ្ងៃទី 9 ខែមករា និងថ្ងៃទី 22 ដល់ថ្ងៃទី 23 រៀងគ្នា។

បច្ចុប្បន្នក្រុមចំនួន ៣ គឺ PSM Makassar (ឥណ្ឌូនេស៊ី), BG Pathum United (ថៃ) និង Dong A Thanh Hoa (វៀតណាម) កំពុងមាន ៤ ពិន្ទុនៅលើកំពូលតារាងពូល A នាំមុខព្រះខ័នរាជស្វាយរៀង (កម្ពុជា), Terengganu (ម៉ាឡេស៊ី) និង Shan United (មីយ៉ាន់ម៉ា)។

ទន្ទឹម​នឹង​នេះ ក្រុម​ពីរ​បាន​លេង​យ៉ាង​ល្អ​ឥត​ខ្ចោះ​ក្នុង​ពូល B ដោយ​ឈ្នះ​ទាំងពីរ​គឺ Cong An Hanoi (វៀតណាម) និង Kuala Lumpur City (ម៉ាឡេស៊ី) Buriram United (ថៃ) និង Borneo Samarinda (ឥណ្ឌូណេស៊ី) សុទ្ធតែទទួលបានជ័យជម្នះរៀងៗខ្លួន ខណៈដែល Kaya FC-Iloilo (ហ្វីលីពីន) និង Lion City Sailors (សិង្ហបុរី) នឹងសម្លឹងរកកៅអីឡើងទោវគ្គបន្ត​ផងដែរ។

ថ្ងៃទី 8 ខែមករា

-Shan United ទល់នឹង Terengganu (ម៉ោង 6 ល្ងាច ម៉ោងក្នុងស្រុក ទីក្រុងយ៉ាងហ្គោន)

-BG Pathum United ទល់នឹង Dong A Thanh Hoa (ម៉ោង ៧យប់ ម៉ោងក្នុងស្រុក ខេត្ត ផាធុម ថានី)

-ព្រះខ័នរាជស្វាយរៀង ប៉ះ PSM Makassar (៧:៣០នាទីយប់ ម៉ោងក្នុងស្រុក ភ្នំពេញ)

ថ្ងៃទី 9 ខែមករា

-Kaya FC-Iloilo vs. Cong An Hanoi (ម៉ោង ៧យប់ ម៉ោងក្នុងស្រុក ទីក្រុងម៉ានីល)

-Lion City Sailors ទល់នឹង ទីក្រុង Kuala Lumpur (7:45 យប់ ម៉ោងក្នុងស្រុក សិង្ហបុរី)

-Buriram United ទល់នឹង Borneo Samarinda (៧:៣០ យប់ ម៉ោងក្នុងស្រុក ខេត្តបូរីរម្យ)

ថ្ងៃទី 22 ខែមករា

-Dong A Thanh Hoa vs ព្រះខ័នរាជស្វាយរៀង (ម៉ោង ៦ល្ងាច ម៉ោងក្នុងស្រុក ខេត្ត Thanh Hóa)

-Shan United ទល់នឹង BG Pathum United (ម៉ោង 6:30 ល្ងាច ម៉ោងក្នុងស្រុក ទីក្រុង Yangon)

-Terengganu ទល់នឹង PSM Makassar (ម៉ោង ៩យប់ ម៉ោងក្នុងស្រុក រដ្ឋ Terengganu)

ថ្ងៃទី 23 ខែមករា

Lion City Sailors ទល់នឹង Buriram United (ម៉ោង 7:30 យប់ ម៉ោងក្នុងស្រុក សិង្ហបុរី)

Borneo Samarinda ទល់នឹង Kaya FC-Iloilo (ម៉ោង ៨យប់ ម៉ោងក្នុងស្រុក កោះបាលី)

Kuala Lumpur ទល់នឹង Cong An Hanoi (ម៉ោង 9 យប់ ម៉ោងក្នុងស្រុក ទីក្រុង Kuala Lumpur)

សហព័ន្ធកីឡាបាល់ទះកម្ពុជាបានរៀបចំសន្និសីទសារព័ត៌មាន ស្ដីពីការរៀបចំព្រឹត្តិការណ៍ប្រកួតកីឡាបាល់ទះ «តេជោលីគ» (Techo Volleyball Cambodia League) រដូវកាល ២០២៤~២០២៥ ។

ដោយមានការធ្វើបទបង្ហាញដោយលោកបណ្ឌិត អាំង សិរីពិសិដ្ឋ អនុប្រធាន និងជាអគ្គលេខាធិការ តំណាងឯកឧត្តមអភិសន្តិបណ្ឌិត ស សុខា ប្រធានសហព័ន្ធកីឡាបាល់ទះកម្ពុជា នៅរសៀលថ្ងៃចន្ទ ៨កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៦ ខែមករា ឆ្នាំ២០២៤ វេលាម៉ោង១៤:០០នាទី។

កម្មវិធីនេះមានការចូលរួមពីអគ្គលេខាធិការរង មន្ត្រីសហព័ន្ធ អ្នកឧបត្ថម្ភគាំទ្រ លោក Frank Josef Brune តំណាង​ម្ចាស់​ក្រុមហ៊ុនស្រាបៀ Ganzberg Beer និងការចូលពីប្រតិភូដឹកនាំកីឡាករ និងកីឡាករមកពីសមាគម-ក្លិបកីឡាបាល់ទះទាំងអស់​ដែល​ចូលរួម។

ក្លិបទាំង៨ដែល​ចូល​រួម​ប្រកួទប្រជែងមាន៖

-សមាគមកីឡាបាល់ទះវិសាខា

-សមាគមកីឡាបាល់ទះក្រសួងមហាផ្ទៃ

-ក្លិបបាល់ទះបញ្ជាការដ្ឋានអង្គរក្ស

-ក្លិបបាល់ទះកងពលធំអន្តរាគមន៍លេខ៣

-ក្លិបបាល់ទះស្នងការដ្ឋាននគរបាលរាជធានីភ្នំពេញ

-ក្លិបបាល់ទះស្នងការដ្ឋាននគរបាលខេត្តតាកែវ

-ក្លិបបាល់ទះស្នងការដ្ឋាននគបាលខេត្តពោធិ៍សាត់

-ក្លិបបាល់ទះស្នងការដ្ឋាននគបាលខេត្តស្វាយរៀង និង

-អ្នកសារព័ត៌មាននានា។

ព្រឹត្តិការណ៍ប្រកួតនេះនឹងប្រព្រឹត្តទៅចាប់ពី១០ ខែមករា ដល់ថ្ងៃទី២៣ ខែកុម្ភៈ ឆ្នាំ២០២៥ (ប្រកួតថ្ងៃសុក្រ សៅរ៍ អាទិត្យ) នៃសប្ដាហ៍នីមួយៗ។