ads

ព័ត៌មានចុងក្រោយ

មើលបន្ត
Thumbnail
ព័ត៌មានកីឡាអន្តរជាតិ
០២-មេសា-២០២៥
(English) EPL នឹងដាក់ឱ្យប្រើប្រាស់បច្ចេកវិទ្យា Offside ពាក់កណ្តាលស្វ័យប្រវត្តិ

(English) ក្របខណ្ឌបាល់ទាត់កំពូលអង់គ្លេស English Premier League នឹងដាក់ឱ្យប្រើប្រាស់បច្ចេកវិទ្យា Offside ពាក់កណ្តាលស្វ័យប្រវត្តិនៅថ្ងៃសៅរ៍ ទី១២ ខែមេសា ឆ្នាំ២០២៥ (ការប្រកួតជុំទី៣២)។ ការសម្រេចដាក់ឱ្យប្រើប្រាស់នេះ បន្ទាប់ពីការសាកល្បងទទួលបានជោគជ័យទាំងការមិនផ្សាយផ្ទាល់នៅក្នុង PL និងប្រតិបត្តិការផ្សាយផ្ទាល់ក្នុង FA Cup នៅរដូវកាលនេះ។ បច្ចេកវិទ្យាពាក់កណ្តាលស្វ័យប្រវត្តិ Offside នឹងធ្វើឱ្យធាតុសំខាន់ៗធ្វើការសម្រេចចិត្តក្រៅប្រព័ន្ធដោយស្វ័យប្រវត្តិ ដើម្បីគាំទ្រដល់វីដេអូ ជំនួយការអាជ្ញាកណ្តាល (VAR)។

វាកាន់តែមានប្រសិទ្ធភាពនៃបន្ទាត់ offside និម្មិត ដោយប្រើការតាមដានកីឡាករ និងបង្កើតក្រាហ្វិចនិម្មិត ដើម្បីធានាបាននូវបទពិសោធន៍នៃការចាក់ផ្សាយនៅក្នុងកីទ្បដ្ឋាន និងអ្នកគាំទ្រកាន់តែប្រសើរឡើង។ បច្ចេកវិជ្ជារក្សាបាននូវភាពសុចរិតនៃដំណើរការ ខណៈពេលដែលបង្កើនល្បឿន ប្រសិទ្ធភាព និងភាពស៊ីសង្វាក់នៃការសម្រេចចិត្តក្រៅប្រព័ន្ធ។ EPL បានសហការជាមួយ PGMOL និងក្រុមហ៊ុនទិន្នន័យកីឡា និងបច្ចេកវិទ្យា Genius Sports ដើម្បីបង្កើតប្រព័ន្ធបច្ចេកវិទ្យាពាក់កណ្តាលស្វ័យប្រវត្តិថ្មី៕

ប្រភព៖ BBC

 

Thumbnail
ព័ត៌មានកីឡាអន្តរជាតិ
០២-មេសា-២០២៥
(English) ហេតុអ្វី Bayern មិនបន្តកុងត្រាថ្មីឱ្យកីឡាករសំណព្វចិត្ត Thomas Muller…?

(English) ក្លិប Bayern Munich នឹងមិនបន្តកុងត្រាថ្មីឱ្យកីឡាករសំណព្វចិត្ត Thomas Muller ទៀតទេ។ កិច្ចសន្យាបច្ចុប្បន្នរបស់ Muller មានសុពលភាពត្រឹមខែមិថុនា ហើយក្លិបទំនងជាមិនពិភាក្សាបន្តកុងត្រាថ្មីដល់កីឡាករវ័យ ៣៥ ឆ្នាំរូបនេះទេ។ គម្រោងមិនបន្តកុងត្រាថ្មីនេះ ត្រូវបានទស្សនាវដ្តីអាល្លឺម៉ង់ SportBild និង Kicker រាយការណ៍ថា Bayern ចង់រក្សាទុកកញ្ចប់ប្រាក់ឈ្នួលដ៏សន្ធឹកសន្ធាប់របស់រូបគេជាជាងផ្តល់ជូនកុងត្រាថ្មី។

SportBild បានរាយការណ៍ថាសមាជិកក្រុមប្រឹក្សាភិបាលរបស់ក្លិប Bayern លោក Max Eberl បានជូនដំណឹងដល់តំណាងកីឡាករកាលពីពីរសប្តាហ៍មុនថា ក្លិបបានសម្រេចចិត្តមិនបន្តកិច្ចសន្យាថ្មីផ្ទុយពីមិត្តរួមក្រុមរបស់រូបគេមួយចំនួនដូចជា Manuel Neuer, Alphonso Davies, Jamal Musiala និង Joshua Kimmich ទើបតែបានប្រកាសកុងត្រាថ្មីកាលពីពេលថ្មីៗនេះ។

Müller ត្រូវបានគេរាយការណ៍ថាចង់លេងជាមួយក្លិប Bayerrn មួយរដូវកាលទៀត។ Müller បានបង្ហាញខ្លួនជាលើកដំបូងនៅ Bayern ក្រោមការដឹកនាំរបស់លោក Jurgen Klinsmann ក្នុងឆ្នាំ២០០៨។ ចាប់តាំងពីពេលនោះមក រូបគេបានបង្ហាញខ្លួនច្រើនជាងកីឡាករផ្សេងទៀតនៅក្នុងក្លិបគឺ ៧៤២ នៅគ្រប់ការប្រកួតទាំងអស់ ជាមួយនឹងការស៊ុតបញ្ចូលទីបាន ២៤៧ គ្រាប់ រួមទាំង Super Cup និង Club World Championships ។

រូបគេបានបន្តឈ្នះជើងឯក Bundesliga ចំនួន ១២ដង និង Champions League ចំនួន ២ ដង ហើយគាត់អាចនឹងឈ្នះច្រើនជាងនេះទៀត ដោយសារតែ Bayern នាំមុខមុនដោយ ៦ ពិន្ទុជាមួយនឹង ៧ ប្រកួតដែលនៅសល់ ហើយត្រូវជួបជាមួយ Inter Milan ក្នុងវគ្គ 1/4 នៃ Champions League។ ទីក្រុង Munich ធ្វើជាម្ចាស់ផ្ទះវគ្គផ្តាច់ព្រ័ត្រនៅខែឧសភា។ Müller បានចូលនិវត្តន៍ពីបាល់ទាត់អន្តរជាតិ បន្ទាប់ពីការប្រកួតជើងឯកអឺរ៉ុបកាលពីឆ្នាំមុន ដោយបានបង្ហាញខ្លួនចំនួន ១៣១ លើកសម្រាប់ប្រទេសអាល្លឺម៉ង់។ រូបគេពាក់លេខ ១៣ ហើយតែងតែនិយាយថា វាជាលេខសំណាងរបស់គេ៕

ប្រភព៖ AP

Thumbnail
ព័ត៌មានកីឡាអន្តរជាតិ
០២-មេសា-២០២៥
(English) ច្បាស់ហើយ! Erling Haaland នឹងអវត្តមាន ៧ សប្តាហ៍ទ្បើងទៅ ដោយសារបួសកជើងធ្ង.ន់ធ្ង​​.រ

(English) ម៉ាស៊ីនរកគ្រាប់បាល់របស់ក្លិបមេឃខៀវ Manchester City ខ្សែប្រយុទ្ធ Erling Haaland នឹងត្រូវសម្រាកព្យាបាលរបួសកជើងរយៈពេល ៧ សប្តាហ៍ទ្បើងទៅ។ នេះបើយោងតាមការបញ្ជាក់របស់លោក Pep Guardiola។ កីទ្បាករអន្តរជាតិន័រវេសវ័យ ២៤ ឆ្នាំរូបនេះបានបង្ខំចិត្តផ្លាស់ប្តូរចេញនៅនាទី ៦១ បន្ទាប់ពីរបួសខាងលើ ក្នុងការប្រកួត FA Cup កាលពីសប្តាហ៍មុន ដែល Manchester City បានយកឈ្នះលើ Bournemouth ២-១ ដើម្បីទ្បើងវគ្គពាក់កណ្តាលផ្តាច់ព្រ័ត្រ។

យ៉ាងណា បញ្ហាខាងលើនេះ លោក Pep Guardiola បានបញ្ជាក់ថា៖ ក្រុមវេជ្ជបណ្ឌិតបានប្រាប់ខ្ញុំថា Erling Haaland នឹងត្រូវអវត្តមានយ៉ាងហោចណាស់ក៏ ៥ ទៅ ៧ សប្តាហ៍ឯណោះ។ ដូច្នេះហើយ ខ្ញុំសង្ឃឹមថារូបគេនឹងជាសះស្បើយទាន់ពេលនាចុងរដូវកាល និងអាចលេងបាននៅ Club World Cup ផងដែរ។

សូមបញ្ជាក់ថា ក្រុមរបស់លោក Pep Guardiola បានជួបបញ្ហានឹងកីទ្បាករសំខាន់ៗជាច្រើនរងរបួសក្នុងរដូវកាលនេះ។ ក្រុមរបស់លោកក៏កំពុងឈរនៅលេខរៀងទី ៥ ក្នុងក្របខណ្ឌ Premier League ដោយតាមពីក្រោយក្រុម Chelsea ចំនួន ១ ពិន្ទុក្នុងការប្រជែងដណ្តើមយកកៅអី Champions League នារដូវកាលក្រោយ៕

ប្រភព៖ BBC

Thumbnail
ព័ត៌មានកីឡាអន្តរជាតិ
០១-មេសា-២០២៥
(English) គ្រូ Man Utd មិនអនុញ្ញាតឱ្យ Bruno Fernandes ចាកចេញពីក្លិបទ្បើយ

(English) គ្រូបង្វឹករបស់ក្លិប Manchester United លោក Ruben Amorim បានប្រាប់ Bruno Fernandes ថានឹងមិនអនុញ្ញាតឱ្យគាត់ចាកចេញពីក្លិបនៅរដូវក្តៅនេះទេ។ ប្រធានក្រុមបិសាចក្រហម Bruno Fernandes ដែលទើបតែតកុងត្រាថ្មីជាមួយនឹងក្លិបរហូតដល់ឆ្នាំ ២០២៧ កាលពីខែសីហា ត្រូវបានចាត់ទុកថាជាកីទ្បាករស្នូលដ៏សំខាន់របស់ក្លិបក្នុងរដូវកាលនេះ។

ជាការពិតណាស់ ការលើកទ្បើងបែបនេះ គឺដោយសារកាលពីចុងសប្តាហ៍មុន មាន​របាយការណ៍​បាន​លេច​ឡើង​ទាក់ទង​នឹង​កីឡាករ​វ័យ ៣០ ឆ្នាំរូបនេះជាមួយនឹងការផ្លាស់ទៅកាន់ Real Madrid។ យ៉ាងណា មុនពេលការប្រកួតជាមួយនឹង Nottingham Forest ក្នុងការប្រកួត EPL នារាត្រីថ្ងៃអង្គារ៍នេះ លោក Ruben Amorim បានថ្លៃងនៅក្នុងសន្និសីទសារព័ត៌មានអំពីរឿងខាងលើថា៖ «វានឹងមិនកើ់តទ្បើងទេ។ គាត់ (Bruno Fernandes) មិនទៅណាទេ ព្រោះខ្ញុំបានប្រាប់គាត់រួចហើយ»។

Bruno Fernandes រកបាន ១៦ គ្រាប់ឱ្យ United រាល់ការប្រកួតទាំងអស់ក្នុងរដូវកាលនេះ ខណៈដែលគ្មានកីទ្បាកររបស់ United ផ្សេងទៀតធ្វ់ើបានដូចរូបគេទ្បើយ។ មុនពេល FIFA Day រូបគេក៏រកបាន ៥ គ្រាប់ រួមទាំង Hat-trick ក្នុងការប្រកួត Europa League ក្នុងវគ្គ ១៦ ចុងក្រោយទល់នឹងក្រុម Real Sociedad ផងដែរ៕

ប្រភព៖ BBC

Thumbnail
ព័ត៌មានកីឡាអន្តរជាតិ
០១-មេសា-២០២៥
(English) Isco ចង់ឱ្យ Real Betis បន្តការខ្ចីជើង Antony ពី Man Utd ទៀត

(English) ខ្សែបម្រើ Isco បាននិយាយថា៖ Real Betis គួរតែផ្តល់មូលនិធិដើម្បីបន្តការខ្ចីជើងខ្សែបម្រើស្លាប Antony ពី Manchester United ។ ខ្សែបម្រើស្លាបប្រេស៊ីល Antony បានស៊ុតបញ្ចូលទីបាន ៤ គ្រាប់ និងបញ្ជូនបាល់ឱ្យមិត្តរួមក្រុមចំនួន ៤ ដងក្នុងចំណោម ១២ ប្រកួត ចាប់តាំងពីចូលរួមជាមួយក្រុម Betis ក្នុងខែមករា រហូតដល់ចុងបញ្ចប់នៃរដូវកាលនេះ។

ប្រភពរបស់ United បាននិយាយថា Betis កំពុងបង់ប្រាក់អប្បបរមា ៨៤% នៃប្រាក់ឈ្នួលរបស់ Antony ដែលច្រើនជាង ១០០,០០០ ផោនក្នុងមួយសប្តាហ៍។ Betis បានចាញ់តែពីរប្រកួតប៉ុណ្ណោះក្នុងចំណោម ១២ ប្រកួតរបស់ពួកគេចាប់តាំងពីការមកដល់របស់ Antony ហើយការទទួលជ័យជម្នះលើក្រុម Sevilla កាលពីថ្ងៃអាទិត្យគឺជាលើកទី ៦ ជាប់ៗគ្នាក្នុង La Liga ។

Isco បានប្រាប់ DAZN ថា៖ «យើងត្រូវតែប្រមូលមូលនិធិ ដូច្នេះគាត់អាចស្នាក់នៅយ៉ាងហោចណាស់មួយឆ្នាំទៀត។ យើង​បាន​កត់​សម្គាល់​ឃើញ​ការ​ផ្លាស់​ប្តូរ​ចាប់​តាំង​ពី​គាត់​បាន​មក​ដល់ គាត់​ផ្តល់ឱ្យយើង​ជា​ច្រើន។ ខ្ញុំសប្បាយចិត្តដែលមាន Antony នៅទីនេះ។ គាត់ធ្វើឱ្យយើងភ្ញាក់ផ្អើលជាមួយនឹងភាពថ្លៃថ្នូរ និងបំណងប្រាថ្នារបស់គាត់ក្នុងការជួយ»។

Betis ស្ថិត​នៅ​លេខ​រៀង​ទី​ ៦ ​ក្នុង​តារាងពិន្ទុ La Liga ដោយ​ក្រុម​កំពូល​ទាំង​បួន​មាន​សិទ្ធិ​ទៅ​លេង Champions League។ Antony បានចូលរួមជាមួយ United ពី Ajax ក្នុងតម្លៃ ៨១ លានផោនក្នុងឆ្នាំ ២០២២ ដែលជាការចុះហត្ថលេខាដែលថ្លៃបំផុតទី ២ របស់ពួកគេ បន្ទាប់ពី Paul Pogba។ រូបបានស៊ុតបាល់បញ្ចូលទី ១២ គ្រាប់ក្នុង ៩៦ ប្រកួតសម្រាប់ United ប៉ុន្តែមានតែមួយគ្រាប់គត់នៅក្នុង Premier League ចាប់តាំងពីខែមេសា ឆ្នាំ ២០២៣៕

ប្រភព៖ BBC

Thumbnail
ព័ត៌មានកីឡាអន្តរជាតិ
០១-មេសា-២០២៥
(English) កីទ្បាកររបស់ Sheffield Wednesday មិនទទួលបានប្រាក់ខែទ្បើយ ដោយសារក្លិបជួបបញ្ហាហិរញ្ញវត្ថុ

(English) ក្លិប Sheffield Wednesday បានរាំងស្ទះក្នុងការបើកប្រាក់ខែឱ្យកីទ្បារបស់ពួកគេសម្រាប់ខែមីនា ដោយសារបញ្ហាលំហូរសាច់ក្នុងក្លិបអង់គ្លេសមួយនេះ កំពុងតែជួបប្រទះវិបត្តិហិរញ្ញវត្ថុនាពេលថ្មីៗនេះ។

ក្លិបបាននិយាយថា៖ វាជា “បញ្ហាបណ្តោះអាសន្ន” ដោយសារតែបំណុលដែលអ្នកជំនួញជនជាតិថៃអាយុ ៥៦ ឆ្នាំគ្រប់គ្រង់ដោយក្រុម Thai Union Group ដែលជាអ្នកផលិតត្រីធូណាកំប៉ុងដ៏ធំបំផុតរបស់ពិភពលោក។ បច្ចុប្បន្ន Sheffield Wednesday កំពុងឈរនៅលេខរៀងទី ១២ ក្នុងក្របខណ្ឌលីគទី ២ របស់ប្រទេសអង់គ្លេស Championship ដែលនឹងត្រូវប៉ះគ្នាជាមួយនឹង Hull City នៅរាត្រីថ្ងៃសៅរ៍ ចុងសប្តាហ៍នេះ។  ​គួរបញ្ជាក់ថា នៅសេចក្តីថ្លែងការណ៍របស់ក្លិបបាននិយាយថា៖ Sheffield Wednesday អាចបញ្ជាក់ពីបញ្ហាបណ្តោះអាសន្នជាមួយនឹងការផ្តល់ប្រាក់ខែកីឡាករសម្រាប់ខែមីនា៕

ប្រភព៖ BBC

Thumbnail
ព័ត៌មានកីឡាអន្តរជាតិ
៣១-មិនា-២០២៥
(English) តើ Man City ចំណាយលុយអស់ប៉ុន្មានលើមេធាវីក្នុងសំណុំរឿង ១១៥ ករណី?

(English) ក្លិប Manchester City បានចំណាយប្រាក់អស់ជាង ៣៩ លានដុល្លារលើថ្លៃសេវាផ្លូវច្បាប់ (មេធាវី) នៅដំណាច់ឆ្នាំ​២០២៣-២៤។ តួលេខនោះគឺកើនឡើងជាង ១៣ លានដុល្លារបើធៀបទៅនឹង ១២ ខែមុនស្មើនឹងជាង ២៦ ម៉ឺនដុល្លារ ក្នុងមួយសប្តាហ៍។ វាត្រូវបានគេរំពឹងថាវិក័យប័ត្រចំណាយសម្រាប់រដូវកាលនេះនឹងលើសពីចំនួននោះ ហើយនៅតែជាចំនួនខ្ពស់បំផុតនៅឡើយ។

មួយភាគធំនៃប្រាក់ដែលបានចំណាយប្រហែលជាបានទៅមេធាវីលោក Lord Pannick ។ មេធាវីដ៏គួរឱ្យគោរពដែលត្រូវបានជួលដោយក្លឹបកាលពីខែកុម្ភៈឆ្នាំមុនដើម្បីដឹកនាំក្រុមច្បាប់របស់ពួកគេត្រូវបានគេរាយការណ៍ថាគិតប្រាក់ប្រហែល ជាង៦០០០ដុល្លារក្នុងមួយម៉ោងសម្រាប់សេវាកម្មរបស់គាត់។ ចំនួនប្រាក់ដែលក្លិប Manchester​ City បានចំណាយក្នុងការប្រយុទ្ធប្រឆាំងនឹងការចោទប្រកាន់ វានឹងមិនថ្លៃទេ ប្រសិនបើពួកគេត្រូវបានជម្រះពីការចោទប្រកាន់ទាំងអស់។

ចាប់តាំងពីខែកុម្ភៈឆ្នាំ២០២៣ ក្លិប Manchester City ត្រូវបានចោទប្រកាន់ដោយ Premier League ជាមួយនឹងការចោទ ១១៥ ករណីបំពានច្បាប់ហិរញ្ញវត្ថុរបស់លីក។ អស់រយៈពេលពីរឆ្នាំមកនេះ អ្នកគាំទ្របាល់ទាត់ជុំវិញពិភពលោកបាននឹងកំពុងរង់ចាំសាលក្រមដោយអន្ទះសារចង់ឃើញថាតើ Man City នឹងត្រូវដាក់ទណ្ឌកម្មបែបណា ការពិន័យជាប្រាក់ និងការដកហូតពាន ប្រសិនបើពួកគេត្រូវបានរកឃើញថាមានទោស។ City បដិសេធ​ការ​ប្រព្រឹត្ត​ខុស​លើ​ការ​ចោទ​ប្រកាន់​ទាំង ១១៥ ប៉ុន្តែ​អាច​ប្រឈម​នឹង​ការ​ផ្ដន្ទាទោស​យ៉ាង​ធ្ងន់ធ្ងរ ប្រសិន​បើ​ការ​ចោទ​ប្រកាន់​ត្រូវ​បាន​បញ្ជាក់៕

Thumbnail
ព័ត៌មានកីឡាអន្តរជាតិ
៣១-មិនា-២០២៥
(English) ប្រទេស ៤៣ អាចត្រូវហាមឃាត់ពីការប្រកួត FIFA World Cup ២០២៦

(English) តាមសេចក្តីរាយការណ៍កាលពីពេលថ្មីៗនេះបានឱ្យដឹងថា ប្រធានាធិបតីសហរដ្ឋអាមេរិក លោក ដូណាល់ ត្រាំ បានរៀបចំបញ្ជីប្រទេសមួយចំនួនជាបីកម្រិត អាចនឹងរារាំងមិនឱ្យចូលប្រកួតបាល់ទាត់ពិភពលោកឆ្នាំ ២០២៦។

FIFA World Cup ឆ្នាំ២០២៦ រៀបចំដោយសហម្ចាស់ផ្ទះសហរដ្ឋអាមេរិក កាណាដា និងម៉ិកស៊ិក នៅចន្លោះថ្ងៃទី ១១ ខែមិថុនា ដល់ថ្ងៃទី ១៩ ខែកក្កដា ឆ្នាំក្រោយ។ ស្ថាប័នគ្រប់គ្រងបាល់ទាត់ពិភពលោក FIFA បានដកប្រទេសចំនួន ៣ រួចហើយ។ រុស្សីត្រូវបានហាមប្រាមពីការប្រកួតដោយសារតែការលុកលុយអ៊ុយក្រែន ប្រទេសកុងហ្គោដោយសារតែការជ្រៀតជ្រែករបស់រដ្ឋាភិបាលក្នុងបញ្ហាកីឡាបាល់ទាត់ និងប៉ាគីស្ថានចំពោះការខកខានក្នុងការធ្វើបច្ចុប្បន្នភាពរដ្ឋធម្មនុញ្ញ PFF របស់ខ្លួន ។ ប្រសិនបើការហាមប្រាមការធ្វើដំណើររបស់រដ្ឋបាលលោកត្រាំ ត្រូវបានអនុម័ត ប្រទេសជាច្រើនដែលរំពឹងថានឹងមានវត្តមាននៅ World Cup ឆ្នាំក្រោយនឹងត្រូវបានហាមឃាត់មិនឱ្យចូលរួមប្រកួតប្រជែង រួមទាំងប្រទេស Venezuela និង Cameroon ផងដែរ។ អ៊ីរ៉ង់ ដែល​បាន​កក់​សំបុត្រ​រួច​ហើយ នឹង​គ្មាន​កន្លែង​នៅ​ក្នុង​ការ​ប្រកួត​នោះ​ទេ បើ​ទោះ​ជា​ពួក​គេ​មាន​វគ្គ​បញ្ចប់វគ្គជម្រុះ​​នៅ​កំពូល​តារាង ក្នុង​ពូល Aក៏ដោយ។

យោងតាមកាសែត New York Times ការហាមឃាត់ការធ្វើដំណើរបានបែងចែកប្រទេសជាបីក្រុមផ្សេងគ្នា។ ក្រុមទីមួយប្រឈមនឹងការហាមឃាត់ការធ្វើដំណើរទាំងស្រុង។ ទីពីរមានការចេញទិដ្ឋាការសម្រាប់ពលរដ្ឋរបស់ខ្លួនមានកម្រិតធ្ងន់ធ្ងរខណៈក្រុមទីបីត្រូវបានផ្តល់រយៈពេល៦០ថ្ងៃដើម្បីដោះស្រាយបញ្ហាជាក់លាក់។ អ៊ីរ៉ង់ រួមជាមួយនឹងប្រទេសមួយចំនួនដូចជាកូរ៉េខាងជើង និងវេណេហ្ស៊ុយអេឡា នឹងស្ថិតនៅក្រោមការហាមឃាត់ការធ្វើដំណើរទាំងស្រុង ដែលធ្វើឲ្យការចូលរួមក្នុងការប្រកួតរបស់ពួកគេស្ថិតក្នុងហានិភ័យធ្ងន់ធ្ងរ។

ប្រទេសផ្សេងទៀតដូចជា Burkina Faso, Cape Verde និង Sudan ក៏អាចមានលក្ខណៈសម្បត្តិគ្រប់គ្រាន់ដែរសម្រាប់ការចូលរួមប្រកួត ប៉ុន្តែអាចប្រឈមមុខនឹងការដកចេញដ៏មានសក្តានុពល។ ទោះបីជាវានៅតែមិនច្បាស់ថាតើបញ្ជីរាយនាមនឹងត្រូវបានបញ្ចប់ ឬផ្លាស់ប្តូរក៏ដោយ ក៏ beIN Sports រាយការណ៍ថា ការពិភាក្សារវាងរដ្ឋាភិបាលសហរដ្ឋអាមេរិក និង FIFA កំពុងដំណើរការរួចហើយក្នុងការស្វែងរកដំណោះស្រាយ៕

Thumbnail
ព័ត៌មានកីឡាអន្តរជាតិ
៣១-មិនា-២០២៥
(English) Leipzig បណ្តេញគ្រូបង្វឹកចេញពីតំណែងភ្លាមៗ បន្ទាប់ពីចាញ់ Monchengladbach

(English) ក្លិប Leipzig បានបញ្ចប់តួនាទីលោក Marco Rose ជាគ្រូបង្វឹក បន្ទាប់ពីចាញ់ Borussia Monchengladbach ១-០ នៅក្នុងការប្រកួតលីគកំពូលអាល្លឺម៉ង់ Bundesliga កាលពីថ្ងៃសៅរ៍មុន។ ជាមួយនឹងការបញ្ចប់តួនាទីលោក Marco Rose ក្លិបក៏បានតែងតាំងលោក Zsolt Low ជាគ្រូបង្វឹកបណ្តោះអាសន្នរហូតដល់បញ្ចប់រដូវកាលនេះ។

Marco Rose ដែលមានវ័យ ៤៨ ឆ្នាំរូបនេះបានចំណាយពេលនៅ Leipzig ពីរឆ្នាំកន្លះ ដោយរួមចំំណែកដឹកនាំក្លិបឈ្នះពាន German Cup កាលពីឆ្នាំ ២០២៣។ ចំណែកឯ លោក Zsolt Low ធ្លាប់ធ្វើជាគ្រូជំនួសរបស់លោក Thomas Tuchel នៅ Chelsea, Bayern Munich  និង Paris St-Germain ផងដែរ។ គួរជម្រាបថា បន្ទាប់ពីចាញ់ Borussia Monchengladbach បានធ្វើឱ្យពួកគេធ្លាក់ទៅកាន់លេខរៀងទី ៦ ជាបណ្តោះអាសន្ន ស្របពេលនៅសល់ ៧ប្រកួតទៀត ដើម្បីលេងបិទរដូវកាលនេះ៕

ប្រភព៖ BBC

ads