ខ្សែការពារសញ្ជាតិអ៊ុយរូហ្គាយ Jose Gimenez ប្រឈមមុខនឹងការពិន័យឬព្យួរ 15 ប្រកួត បន្ទាប់ពីប្រើកែងវាយក្បាលអាជ្ញាកណ្តាលក្នុងការប្រកួតចុងក្រោយក្នុងពូល H ទល់នឹងហ្គាណាក្នុងការប្រកួត World Cup ឆ្នាំ 2022។
Viene sanción severa para José Maria Giménez, agredido a un representante de FIFA. #PorLasQueMueres⚽️ pic.twitter.com/N5xWGk6WUK
— #PorLasQueMueres (@Salcedo_Hugo) December 3, 2022
អ៊ុយរូហ្គាយបានយកឈ្នះហ្គាណា 2-0 តាមរយៈគ្រាប់បាល់របស់ Giorgian De Arrascaeta ប៉ុន្តែពួកគេបានបរាជ័យក្នុងការឈានទៅវគ្គ 16 ក្រុមចុងក្រោយ បន្ទាប់ពីកូរ៉េខាងត្បូងបានផ្តួលក្រុមព័រទុយហ្គាល់ 2-1 ។
ការប្រកួតរវាងក្រុមទាំងពីរត្រូវបានកត់សម្គាល់ ដោយការសម្រេចចិត្តដ៏ចម្រូងចម្រាសមួយចំនួនដែលធ្វើឡើងដោយអាជ្ញាកណ្តាល ជាពិសេសបន្ទាប់ពី Hwang Hee-chan ស៊ុតបញ្ចូលទីគ្រាប់ទីពីរឱ្យកូរ៉េខាងត្បូង(ការប្រកួតផ្សេងគ្នា)។
កីឡាករឆ្នើមរបស់អ៊ុយរូហ្គាយមួយចំនួនដូចជា Edinson Cavani និង Jose Gimenez បានខឹងសម្បារនឹងអាជ្ញាកណ្តាលលោក Daniel Siebert បន្ទាប់ពីគាត់មិនបានផ្តល់បាល់ប៉េណាល់ទីនៅពេល Cavani ត្រូវបានកីឡាករហ្គាណាធ្បើឱ្យដួលនៅតំបន់ពិន័យ។
បន្ទាប់ពីដឹងថា អ៊ុយរូហ្គាយ ត្រូវបានធ្លាក់ចេញពីការប្រកួត World Cup ដោយសារគ្រាប់បាល់ស៊ុតបញ្ចូលទី កីឡាករបានបញ្ចេញកំហឹងរបស់ពួកគេទៅកាន់លោក Siebert ។ Gimenez បានប្រើកែងដៃវាយ Siebert នៅផ្នែកខាងក្រោយក្បាល ខណៈដែលគាត់ទាមទារឱ្យមានការពន្យល់អំពីមូលហេតុដែលអាជ្ញាកណ្តាលមិនបានផ្តល់បាល់ពិន័យដែលអាចនាំពួកគេឡើងទៅកាន់វគ្គបន្ទាប់។
It could be a lengthy ban incoming for #URU‘s Jose Gimenez after a video showed him elbowing FIFA’s competition director https://t.co/lStzCezjA7
— talkSPORT (@talkSPORT) December 4, 2022
លើសពីនេះ កីឡាករវ័យ 27 ឆ្នាំរូបនេះក៏បាននិយាយពាក្យជេរប្រមាថទៅលើអាជ្ញាកណ្តាល ដែលត្រូវបានថតដោយកាមេរ៉ាមួយក្នុងចំណោមកាមេរ៉ានៅក្នុងកីឡដ្ឋាន។
ដកស្រង់ពីរបាយការណ៍របស់ Mirror កីលាកររូបនេះនិយាយថា៖ «”They (referees) are a bunch of thieves. All illegitimate children. Yes please record me. Illegal child!,” ។ ខ្ញុំសូមរក្សាសិទ្ធមិនប្រែសម្រួលពាក្យទាំងនេះ។ ក្រៅពី Gimenez កីឡាករពីររូបទៀតគឺ Cavani និង Luis Suarez ក៏ប្រឈមនឹងការដាក់ទណ្ឌកម្មពី FIFA ផងដែរ បន្ទាប់ពីទាត់ប្រអប់ VAR មុនពេលចាកចេញពីទីលាន។ Suarez ក៏បានរិះគន់អាជ្ញាកណ្តាលថាមិនបានផ្ដល់បាល់ប៉េណាល់ទី ព្រោះបើតាមរូបគេ Cavani ត្រូវបានកីឡាករហ្គាណាធ្វើឱ្យដួលយ៉ាងច្បាស់។
គាត់បាននិយាយថា៖«ខ្ញុំឃើញឧបទ្ទវហេតុដែលពាក់ព័ន្ធនឹង Cavani គួរតែត្រូវបានទាត់បាល់ពិន័យ ពីព្រោះគាត់ត្រូវបានគេធ្វើឱ្យដួល។ នេះមិនមែនជាលេសទេ។ គណៈកម្មាធិការអាជ្ញាកណ្តាលចាំបាច់ត្រូវផ្តល់ការពន្យល់លម្អិតអំពីឧបទ្ទវហេតុនេះ»។
