ជាប្រតិកម្មទៅនឹងការប្រកួត Europa League ជុំទី 16 ដែលផ្គូផ្គង Man United ទល់នឹង Real Betis លោក Ten Hag បាននិយាយថា៖ «ខ្ញុំទើបតែលឺ ហើយយើងបានលេងទល់ពួកគេនៅក្នុងការ​ប្រកួតក្រោយសម្រាករដូវរងា ហើយអ្នកដឹងពីអ្វីដែលអ្នកទទួលបានពីបាល់ទាត់អេស្ប៉ាញ»។

«យើងបានជួបវាហើយកាលពីម្សិលមិញ។ វាគឺជាក្រុមលេង ជាក្រុមដែលមានជំនាញ ដូច្នេះយើងត្រូវតែលេងឱ្យអស់ពីសមត្ថភាព។ យើងក៏បានលេងជាមួយក្រុម Real Sociedad ក្នុងរដូវកាលនេះ ដូច្នេះហើយយើងដឹងតែនៅពេលដែលអ្នកលេងឱ្យអស់ពីសមត្ថភាពរបស់អ្នក ទើបអ្នកមានឱកាសបន្តមានជីវិត និងដើម្បីឈានទៅជុំបន្ទាប់»។

«ដូច្នេះ យើង​នឹង​ចូល​កាន់​តែ​ជ្រៅ​នៅ​ពេល​យើង​ប្រឈម​មុខ​នឹង​ពួកគេ។ ដំបូង​យើង​ត្រូវ​លេង​ដោយ​ថាមពល និង​ការ​ផ្តោត​អារម្មណ៍​ទៅ​ក្នុង​ការ​ប្រកួត​បន្ទាប់ និង​ហ្គេម ​បន្ទាប់​ពី​នោះ​ព្រោះ​ដំបូង​យើង​មាន Carabao Cup, FA Cup និង​បន្ទាប់​មក Premier League ដែល​យើងត្រូវបន្ត​លេង»។

មុនឈាន​ដល់​វគ្គ​នេះ Man Utd បាន​យក​ឈ្នះ​ក្រុម Barcelona ក្នុង​លទ្ធផល ៤-៣។ ការប្រកួតជើងទី 1 គ្រោងធ្វើនៅថ្ងៃព្រហស្បតិ៍ ទី 9 ខែមីនា ខណៈដែលការប្រកួតជើងទី២ធ្វើឡើងនៅប្រទេសអេស្ប៉ាញនៅថ្ងៃព្រហស្បតិ៍ទី 16 ខែមីនា។

ប្រភព៖ Man United FC