យោងតាមសារព័ត៌មាន Manchester Evening News លោក Erik ten Hag ត្រូវបានប្រគល់ភារកិច្ចឱ្យរៀបចំបញ្ជីកីឡាករដែលអាចលក់បានសម្រាប់ទីផ្សារដោះដូរកីឡាកររដូវក្តៅ។

Manchester United ត្រូវបានគេរាយការណ៍ថាកំពុងផ្តល់អាទិភាពដល់ការចុះហត្ថលេខាលើខ្សែប្រយុទ្ធត្រឹមត្រូវ និងខ្សែបម្រើវ័យក្មេងក្នុងរយៈពេលប្រាំមួយខែទៀត។ ហើយ​ដើម្បី​រៃអង្គាស​ប្រាក់​សម្រាប់គម្រោង​នោះ Ten Hag ត្រូវ​បាន​ណែនាំ​ឱ្យ​ដក​កីឡាករ​ពីរ​បី​នាក់​ចេញ។

Harry Maguire ត្រូវបានគេរំពឹងថានឹងសម្រេចចិត្តអនាគតរបស់គាត់នៅរដូវក្តៅនេះ បន្ទាប់ពីបានស្ថិត​នៅក្រៅការពេញចិត្ត ក្រោមការដឹកនាំរបស់គ្រូបង្វឹកសញ្ជាតិហូឡង់។ ទន្ទឹមនឹងនេះដែរ Scott McTominay បានទាក់ទាញចំណាប់អារម្មណ៍ពី Newcastle United ប៉ុន្តែគាត់មិនត្រូវបានអនុញ្ញាតឱ្យផ្លាស់ចេញក្នុងខែមករានេះទេ។

ក្រៅពីកីឡាករវ័យក្មេង Ten Hag ហាក់ដូចជាមិនមានជម្រើស​កីឡាករត្រូវ​លក់ចេញច្រើនដើម្បីដាក់ក្នុងបញ្ជីរបស់​គាត់នោះទេ ព្រោះថាបិសាចក្រហមច្បាស់ជាត្រូវការការពង្រឹងនៅក្នុងតំបន់សំខាន់ៗ។

ប្រភព៖ MEN