Maguire ត្រូវបានគេផ្តល់នូវក្តីសង្ឃឹមថា គាត់អាចបង្ខំឱ្យវិលចូលក្រុម Man Utd វិញក្រោមការដឹកនាំរបស់ Ten Hag។
.jpg?format=jpg)
ខ្សែការពាររូបនេះបានបង្ហាញខ្លួននៅ Premier League ត្រឹមតែ 4 ដងប៉ុណ្ណោះក្នុងរដូវកាលនេះ ប៉ុន្តែបានចាប់ផ្តើមការប្រកួតទាំងអស់របស់អង់គ្លេសនៅ World Cup ខណៈដែលក្រុមតោបីអង់គ្លេសឈានដល់វគ្គ 1/4 ផ្តាច់ព្រ័ត្រ។ ពេលនេះ Ten Hag បានជំរុញឱ្យកីឡាករវ័យ 29 ឆ្នាំរូបនេះយកទម្រង់លេងដ៏ល្អនៅអង់គ្លេស មកប្រើប្រាស់សម្រាប់បិសាចក្រហម។
លោក Ten Hag បាននិយាយអំពីស្ថានភាពរបស់ Maguire ថា៖ «ខ្ញុំត្រូវបានគេសួរជាច្រើនដងហើយ។ វាច្បាស់ណាស់ថា គាត់ល្អគ្រប់គ្រាន់ក្នុងការលេងក្នុងកម្រិតខ្ពស់បំផុត”។
“គាត់មានការប្រកួតដ៏ល្អសម្រាប់ប្រទេសអង់គ្លេសស្ទើរតែគ្រប់ពេលវេលា ប៉ុន្តែនៅ Manchester ជាកន្លែងដែលគាត់ធ្វើមិនបានល្អ»។
«វាពិតជាលំបាក ប៉ុន្តែខ្ញុំចង់ឱ្យគាត់ខំប្រឹង ហើយគាត់ទទួលបានទំនុកចិត្តនោះ។ អ្នកបានឃើញរបៀបដែលគាត់កំពុងលេងឲ្យអង់គ្លេស។ យើងចង់ឱ្យគាត់នាំយក ទម្រង់លេងល្អបែបនោះនៅលើទីលានសម្រាប់ Manchester United ។ ខ្ញុំរំពឹងពីគាត់ ក្រុមក៏ដឹងពីអ្វីដែលពួកគេរំពឹងពីគាត់។ ប្រសិនបើគាត់ធ្វើបែបនេះ គាត់នឹងក្លាយជាកីឡាករដ៏អស្ចារ្យសម្រាប់យើង»។
Maguire នៅតែប្រឈមមុខនឹងការប្រជែងដណ្តើមយកតំណែងរបស់គាត់ក្នុងក្រុម United ខណៈដែល Lisandro Martinez និង Raphael Varane បានបង្កើតខ្លួនជាដៃគូខ្សែការពារកណ្តាលដែលពេញចិត្តរបស់ Ten Hag ។
ទោះបីជាយ៉ាងណាក៏ដោយ កីឡាករទាំងពីរនៅតែស្ថិតក្នុងសកម្មភាពប្រកួត World Cup មានន័យថា Maguire គួរតែទទួលបានឱកាស ដើម្បីទាមទារកន្លែងចាប់ផ្តើមនៅពេលដែល United ត្រលប់ទៅការប្រកួត Premier League នៅថ្ងៃទី 27 ខែធ្នូទល់នឹង Nottingham Forest ។
ការប្រកួតដំបូងរបស់ក្រុម បន្ទាប់ពីការប្រកួត World Cup គឺការប្រកួត League Cup ជុំទី 16 ជុំទី 16 ទល់នឹងក្រុម Burnley នៅថ្ងៃទី 21 ខែធ្នូ។ ក្រុមបិសាចក្រហមបន្ទាប់មកត្រូវជួបជាមួយ Nottingham Forest ក្នុងក្របខ័ណ្ឌ Premier League ប្រាំមួយថ្ងៃក្រោយមក។
