Manchester United និង Omonia Nicosia ប្រកួត​ក្នុង​ការ​ប្រកួត​វគ្គ​ចែក​ពូល UEL កាលពីយប់មិញ។ វា​ជា​ការ​ប្រកួត​ដ៏​រំភើប​មួយ​ដែល​ក្រុម​ទាំង​ពីរ​បាន​បង្ហាញ​ទម្រង់​លេង​ដ៏​អស្ចារ្យ​មួយ​ចំនួន​នៅ​លើ​ទីលាន។ ទីបំផុត! ម្ចាស់​ផ្ទះបាន​យក​ឈ្នះ១ទល់​០​នៅនាទី៩០+៣។

Cristiano Ronaldo គឺជាអ្នកដឹកនាំក្រុម Manchester United ១១នាក់ដំបូងក្នុងតំបន់ប្រយុទ្ធ។ កីឡាករល្អបំផុតរូប​នេះបានធ្វើការជាមួយ Rashford និង Antony ខណៈដែលអ្នកទាំងពីរបានចាប់ផ្តើមនៅលើស្លាបសងខាង។

Manchester United បាន​ដាក់សម្ពាធ​លើ​ខ្សែ​ការពារ Omonia Nicosia ពេញ​មួយ​ប្រកួត ខណៈ​ពួកគេ​សម្លឹង​រក​គ្រាប់​បាល់។ Francis Uzoho អ្នកចាំទីរបស់ Omonia Nicosia បានបង្ហាញពីតម្លៃរបស់គាត់ ខណៈដែលគាត់បានបដិសេធមិនឱ្យខ្សែប្រយុទ្ធរបស់ក្រុម Manchester United មានឱកាសស៊ុតបញ្ចូលទីបាន​សម្រេច។

នៅតង់ទីពីរ លោក Ten Hag បានធ្វើការកែសម្រួលយុទ្ធសាស្ត្រផ្សេងៗ ដោយដាក់ចូល Jadon Sancho និង Eriksen ។ ការប្រកួតបានបញ្ចប់ក្នុងលទ្ធផល 1-0 ដោយ Manchester United រកបានមួយគ្រាប់។ បន្ទាប់​ពី​លទ្ធផល​នៃ​ការ​ប្រកួត​ថ្ងៃ​នេះ ខាង​ក្រោម​នេះ​ជា​កំហុស​បច្ចេកទេស​ចំនួន 2 ដែល Ten Hag បាន​ធ្វើ​បើ​ទោះ​បី​ជា​ឈ្នះ​ក្នុង​ថ្ងៃ​នេះ​ក៏​ដោយ។

1) ដាក់ឱ្យ Eriksen អង្គុយកៅអីបម្រុង

ភាពច្នៃប្រឌិតរបស់ Eriksen នឹងធ្វើឱ្យមានភាពខុសប្លែកគ្នាយ៉ាងខ្លាំងបើ​គាត់​បានចូល​លេងតាំងក្នុងតង់ទី 1 ខណៈដែលគាត់បានធ្វើឱ្យ Omonia Nicosia មានបញ្ហាជាច្រើន។ ការ​បាញ់​បាល់ចំងាយ​ឆ្ងាយ និង​អំណាច​បាញ់​របស់​គាត់ ​អាច​បំផ្លាញ​ការ​ការពារ​របស់​ក្រុមគូប្រកួត ព្រោះ​ការ​ចូល​លេង​យឺត​ពេលរបស់​គាត់​មិន​សូវ​មាន​ប្រសិទ្ធភាព។

2) ដាក Antony ចេញ

Ten Hag គួរតែទុក Antony នៅលើទីលានជាមួយខ្សែប្រយុទ្ធផ្សេងទៀត ព្រោះនេះនឹងបង្កើនសម្ពាធលើតំបន់ការពារ Omonia ។ ក្នុងការ​ប្រកួតនេះ ខ្សែប្រយុទ្ធកាន់តែច្រើនដាក់សម្ពាធក្នុងតំបន់ការពារ​គូប្រកួតកាន់​តែច្រើន។