ខ្សែបម្រើ Pedri របស់ Barcelona មិនចង់ឲ្យមហាជនប្រៀបធៀបសមត្ថភាពរបស់ខ្លួនជាមួយនឹងសិស្សច្បង Lionel Messi ឡើយ។

កាលពីយប់មិញនេះ Pedri បានរកគ្រាប់បាល់បញ្ចូលទីយ៉ាងស្អាតតាមរយៈការញាក់ដាច់កីឡាករ ២-៣ រូប រួមចំណែកជួយ Barcelona យកឈ្នះ Galatasaray ក្នុងលទ្ធផល ២ទល់នឹង១ ដើម្បីកក់កៅអីឡើងទៅកាន់វគ្គ៨ក្រុមចុងក្រោយ។

Pedri បាននិយាយថា៖«ប្រសិនបើគ្រាប់បាល់របស់ខ្ញុំដូចទៅនឹងស្ទីលរបស់ Lionel Messi? Messi រកគ្រាប់បាល់បានស្អាតជាងនេះច្រើនណាស់។ ការដែលប្រៀបធៀបខ្ញុំទៅនឹងគាត់ គឺ ជារឿងដ៏ឆ្កួត»៕