ក្លិបមេឃខៀវ Manchester City បានចុះហត្ថលេខានាំយកខ្សែការពារ Abdukodir Khusanov ពី Lens ជាមួយនឹងកិច្ចសន្យារយៈពេល ៤ ឆ្នាំកន្លះ។ របាយការណ៍ពីក្លិបបានបញ្ជាក់ថា City បានចំណាយលើថ្លៃផ្ទេរ Abdukodir Khusanov គឺ ៣៣,៦​ លានផោនបូករួមទាំងប្រាក់ផ្សេងៗទៀត (add-ons)។ ​Abdukodir Khusanov នឹងក្លាយជាកីទ្បាករអ៊ូសបេគីស្ថានទី១ ដែលបានលេងនៅ Premier League។

Abdukodir Khusanov ដែលមានវ័យ ២០ ឆ្នាំត្រូវបានក្លិប Lens របស់បារាំង ចំណាយប្រាក់ត្រឹមតែ ៨៤,០០០ ផោនពីក្លិប Belarusian Energetik-BG U18 កាលពីខែមុន។ Khusanov បានអភិវឌ្ឍយ៉ាងឆាប់រហ័ស និងបានបង្ហាញខ្លួន ១៦ ប្រកួតក្រុមនៅ Ligue 1 នៅរដូវកាលនេះ ដោយស៊ុតបញ្ចូលទីគ្រាប់ដំបូងរបស់គេ សម្រាប់ក្រុមក្នុងការប្រកួត French Cup ជាមួយ Paris St-Germain ក្នុងខែធ្នូ៕

ប្រភព៖ BBC