ក្រុមបាល់ទាត់ជម្រើសជាតិឡាវអាយុក្រោម២៣ឆ្នាំបានត្រៀមខ្លួនកាន់តែល្អ ក្នុងសប្តាហ៍នេះជាមួយនឹងជ័យជម្នះ ២-០ លើខេត្តសាឡាវ៉ាន់ក្នុងការប្រកួតមិត្តភាពដែលធ្វើឡើងនៅកីឡដ្ឋានចំប៉ាសាក់មុនការប្រកួត AFF U23 Champions League 2022។
វគ្គទីមួយក្រុមទាំងពីរមិនបានស៊ុតបញ្ចូលទីនោះទេ តែចូលវគ្គទី២ក្រុម U23 ឡាវបានធ្វើការស៊ុតបញ្ចូលទីដោយកីឡាករ Thanouthong Kietnalonglop និង Thipphachanh Khambai ។ ក្រុម U23 ឡាវ នឹងប្រកួតមិត្តភាពជាលើកទីពីរជាមួយក្រុម Champasak FC នៅទីលានដដែលក្នុងរយៈពេលពីរថ្ងៃបន្ទាប់។
ក្រុមនេះកំពុងត្រៀមខ្លួនសម្រាប់ការប្រកួត AFF U23 Championship 2022 នៅកម្ពុជានៅថ្ងៃទី១៤-២៦ ខែកុម្ភៈ ឆ្នាំ២០២២។ U23 ឡាវ ស្ថិតក្នុងពូល B ជាមួយក្រុមការពារតំណែងជើងឯក ឥណ្ឌូនេស៊ី ម៉ាឡេស៊ី និងមីយ៉ាន់ម៉ា។
