យោងតាមអ្នកកាសែត Romain Molina មូលហេតុមួយក្នុងចំណោមហេតុផលដែល Kylian Mbappe មិនសប្បាយចិត្តចំពោះស្ថានភាពរបស់គាត់នៅ PSG គឺថាក្លឹបបរាជ័យក្នុងការចុះហត្ថលេខាលើកីឡាករដែលគាត់ចង់បានកាលពីរដូវក្តៅមុន។

គាត់ត្រូវបានគេសន្យាថាក្លឹបយក្ស Ligue 1 នឹងទៅទិញ Robert Lewandowski, Bernardo Silva និង Milan Skriniar ។ ទោះជាយ៉ាងណាក៏ដោយ Lewandowski តែងតែមាន Barcelona ជាគោលដៅអាទិភាពរបស់គាត់ ហើយនៅទីបំផុតបានចូលរួមជាមួយក្លិបមានមូលដ្ឋាន​ក្នុងទឹកដី Catalans ។

Bernardo Silva ដែលត្រូវបានផ្សារភ្ជាប់យ៉ាងខ្លាំងជាមួយ Barcelona ត្រូវបានគេរាយការណ៍ថាចង់ចាកចេញពី Man City ប៉ុន្តែបានបញ្ចប់ដោយស្នាក់នៅទីក្រុង Manchester ដដែល។

ទីបំផុត Skriniar បានបន្តការស្នាក់នៅជាមួយ Inter Milan ដដែលបើទោះបីជា PSG បានព្យាយាមយ៉ាងខ្លាំង ដើម្បីឈានដល់កិច្ចព្រមព្រៀងសម្រាប់ការផ្ទេររបស់គាត់ក៏ដោយ។

នៅទីបញ្ចប់ PSG បានចុះហត្ថលេខាលើកីឡាករចំនួន 7 នាក់ ហើយបានចំណាយប្រាក់ជិត 150 លានអឺរ៉ូកាលពីរដូវក្តៅមុន ប៉ុន្តែវាហាក់ដូចជា Mbappe មិនចាប់អារម្មណ៍ចំពោះយុទ្ធនាការផ្ទេររបស់ក្លឹបនោះទេ។

ប្រភព៖ Romain Molina