អ្នកចាំទី Thiabaut Courtois បានលើកឡើងថា កីឡាករ Karim Benzema ជា ខ្សែប្រយុទ្ធលេខ៩ដែលល្អជាងគេនៅលើលោក។

Benzema ស៊ុតបញ្ចូលទី៣គ្រាប់ម្នាក់ឯងកាលពីយប់មិញដើម្បីជួយក្រុមវាយបកទទួលបានជ័យជម្នះក្នុងលទ្ធផល ៣ទល់នឹង១ និង សរុបទាំងពីរជើង ៣ទល់នឹង២ ទទួលបានកៅអីទៅកាន់វគ្គ៨ក្រុមចុងក្រោយ។

Courtois បាននិយាយថា៖«Benzema គឺជាកីឡាករខ្សែប្រយុទ្ធលេខ៩ ល្អបំផុតក្នុងពិភពលោក។ Lewandowski ក៏រកបាន ៣ គ្រាប់ដែរកាលពីម្សិលមិញ ប៉ុន្តែ ២ គ្រាប់ជាបាល់ប៉េណាល់ទី។ ថ្ងៃនេះ Benzema បង្ហាញពីមូលហេតុដែលគាត់គួរតែបញ្ចប់ចំណាត់ថ្នាក់ល្អក្នុងការប្រជែងយកពាន Ballon d’Or ឆ្នាំនេះ»៕