លោក Jamie Carragher បានជ្រើសរើសយកតារា ឆ្នើមក្លិប Manchester City គឺ Kevin de Bruyne ជា កីឡាករម្នាក់ដែលលោកចង់ឃើញលេងនៅ Liverpool។

ខ្សែបម្រើសញ្ជាតិបែលហ្ស៊ិកខាងលើ បានដើរតួយ៉ាងសំខាន់ក្នុងភាពជោគជ័យរបស់ Man City នាប៉ុន្មានឆ្នាំចុងក្រោយនេះតាមរយៈភាពច្នៃប្រឌិតរបស់គេចេញពីតំបន់បម្រើ។ នៅពេលដែលត្រូវបានសួរថាតើអ្នកណាដែល លោក Carragher ចង់ចុះហត្ថលេខាសម្រាប់ក្រុមរបស់លោក Jurgen Klopp ប្រសិនបើលុយ ឬ ការប្រកួតប្រជែងមិនមែនជាបញ្ហាចោទ គឺ លោកបានជ្រើសរើស De Bruyne។

លោក Carragher បាននិយាយថា៖”ខ្ញុំគ្រាន់តែគិតថា De Bruyne គឺ ពិតជាគួរឲ្យចាប់អារម្មណ៍ណាស់។ ខ្ញុំ គិត ថា គាត់ ជា កីឡាករ ល្អ បំផុត ម្នាក់ ក្នុង ពិភពលោក។ ប្រាកដ ណាស់ ក្នុង រយៈ ពេល ពីរ ឬ បី ឆ្នាំ ចុង ក្រោយ នេះ គាត់ ជា កីឡាករ ខ្សែ បម្រើ ល្អ ជាងគេបំផុត នៅលើលោក”៕