យើងបានដឹងហើយថា គ្រូជំនួយជម្រើសជាតិកម្ពុជាលោក ភា សុភ័ត្រាគឺជាគ្រូបង្វឹកបាល់ទាត់ពហុជំនាញ ទាំងបង្វឹកកីឡាករ វិភាគការប្រកួត អត្ថាធិប្បាយកីឡាបាល់ទាត់ កីឡាកាស និងកីឡាស៊ូម៊ូរបស់ជប៉ុន ហើយកាលពីប៉ុន្មានថ្ងៃមុនបានចូលរួមធ្វើជាគណៈកម្មការក្នុងកម្មវិធី I can Your Voice រដូវកាលទី៣ក្នុងស្ថានីយ៍ទូរទស្សន៍ហង្សមាសទៀតផង។
វាគឺជាបទពិសោធន៍ថ្មីសម្រាប់លោកដេលធ្លាប់តែជំនាញខាងកីឡាបាល់ទាត់ តែពេលនេះបានឈានជើងចូលក្នុងវិស័យសិល្បៈបន្ថែមទៀត។ កម្មវិធី I Can Your Voice គឺជាកម្មវិធីសីល្បៈដេលតម្រូវឱ្យគណៈកម្មការ៥រូបនិងតារាកិត្តិយស១រូប ទស្សន៍ទាយសំឡេងបេក្ខជនដែលដាក់ពាក្យមកច្រៀង។
ក្នុងកម្មវិធីនេះ អតីតគ្រូបង្វឹកក្លិបកងយោធិពលខេមរៈភូមិន្ទរូបនេះបានមកធ្វើជាគណៈកម្មការជាមួយតារាចម្រៀង និងតារាសម្ដែងផ្សេងទៀតដូចជា លោកពូ ក្រឹម អ្នកស្រី គ្រត ខាត់ សុឃីមជាដើម។
នៅខែឧសភាខាងមុខនេះ លោកនិងក្រុមការងារជម្រើសជាតិកម្ពុជាត្រូវដឹកនាំក្រុមជម្រើសជាតិ U23 ប្រមូលផ្ដុំហ្វឹកហាត់និងត្រៀមចូលរួមក្នុងការប្រកួតលើវិញ្ញាបាល់ទាត់បុរសក្នុងព្រឹត្តិការណ៍ SEA Games នៅប្រទេសវៀតណាម ខណៈដែល U23 កម្ពុជាស្ថិតក្នុងពូល B ជាមួយ U23 ថៃ ម៉ាឡេស៊ី សិង្ហបុរី និងឡាវ។
ចង់ដឹងច្បាស់មើលវីដេអូខាងក្រោម៖
