ការ​ប្រកបអាជីពលើកទីពីរដ៏ជូរចត់របស់ Cristiano Ronaldo នៅ Manchester United បានបញ្ចប់ក្នុងទម្រង់ដ៏គួរឱ្យភ្ញាក់ផ្អើលបន្ទាប់ពីការសម្ភាសន៍របស់គាត់ជាមួយ Piers Morgan កាលពីឆ្នាំមុន។

កិច្ចសន្យារបស់គាត់ត្រូវបានបញ្ចប់ ហើយកីឡាករវ័យ 37 ឆ្នាំរូបនេះបានចូលរួមជាមួយក្រុម Al-Nassr របស់អារ៉ាប៊ីសាអូឌីត។ ចាប់តាំងពីការចាកចេញរបស់ Ronaldo មក Man Utd នៅតែគ្មាននរណាងអាចបញ្ឈប់បាននៅលើទីលានបានដោយទទួលបានជ័យជម្នះ 9 លើកជាប់ៗគ្នា។

ដូច្នេះ តើ United បានចាញ់ការប្រកួតតាំងពី Ronaldo ចាកចេញឬ? ចម្លើយគឺសាមញ្ញ! ទេ (NO)។ ការប្រកួតចុងក្រោយដែលបិសាចក្រហមចាញ់គឺ 3-1  Aston Villa ដែលការ​ប្រកួតនោះ Cristiano ជាប្រធានក្រុមដោយចៃដន្យ។ បិសាចក្រហមក៏បានស៊ុតបញ្ចូលទីបានច្រើនជាងមុនផងដែរចាប់តាំងពី Ronaldo ចាកចេញមក ខណៈដែលជាក់ស្តែងពីការស៊ុតបញ្ចូលទីបាន 23 គ្រាប់ក្នុងរយៈពេលត្រឹមតែ 9 ប្រកួតប៉ុណ្ណោះ។

ប្រភព៖ Transfermarkt