អ្នកចាំទី អេឡិច យូ បានបង្ហើបប្រាប់ក្រុមការងារ B8-Sport.com ថារូបគេទទួលបានឱកាសចូលរួមជាមួយក្លិប Toulouse FC B អស់រយៈពេលជាង ៣ខែមកហើយ។
កូនកាត់ខ្មែរ-បារាំង កីឡាករ អេឡិច យូ (Alex You) រៀបរាប់ថា៖ «ក្លិប Toulouse FC B ជាក្លិបដំបូង ដែលខ្ញុំបានចូលរួមហ្វឹកហាត់តាំងពីកុមារភាព ដោយមើលឃើញថាចង់ពង្រឹងកាយសម្បទារបន្ថែមក៏សម្រេចចិត្តស្នើសុំអតីតគ្រូរបស់ខ្ញុំនៅទីនោះ ហើយរូបគាត់ក៏បានយល់ព្រមតាមការស្នើសុំនេះ។ និយាយរួមទៅខ្ញុំបានហ្វឹកហាត់ និងធ្វើការប្រកួតមិត្តភាពនានា អស់រយៈពេលជាង ៣ខែមកហើយ។»
អតីតអ្នកចាំទីរបស់ក្លិបភ្នំពេញក្រោន បឹងកេត និង ព្រះខ័នរាជស្វាយរៀង បានបញ្ជាក់បន្ថែមថា៖ «ឈ្មោះរបស់ខ្ញុំក៏ត្រូវបានបញ្ចូលទៅកាន់ក្លិប Toulouse FC ឈុតធំផងដែរ ក្នងករណីប្រសិនបើអ្នកចាំទីនៅក្នុងក្រុមឈុតធំទទួលរងពិន័យ ឬក៏មានរបួស ខ្ញុំនឹងអាចត្រូវបានក្រុមការងារគ្រូបង្វឹកជ្រើសរើសយកទៅជួយក្រុមឈុតធំ។»
?? Here’s how the league table looks after last night’s action! — How did your team do? ?#Ligue1UberEats ✨ pic.twitter.com/9qQ9SZ6BAL
— Ligue 1 English (@Ligue1_ENG) September 12, 2022
បច្ចុប្បន្នភាព ក្លិប Toulouse FC ឈរនៅចំណាត់ថ្នាក់លេខ១១ ហើយបានឡើងមកកាន់ក្របខណ្ឌលីគកំពូលបារាំង Ligue1 ក្នុងរដូវកាល២០២២-២៣ បន្ទាប់ពីពួកគេជាម្ចាស់ជើងឯកក្របខណ្ឌ Ligue2 កាលពីរដូវកាលមុន។
