ម្ចាស់ជើងឯក World Cup បារាំងនឹងប៉ះអាហ្សង់ទីននៅថ្ងៃអាទិត្យ បន្ទាប់ពីទទួលបានកៅអីវគ្គផ្តាច់ព្រ័ត្រនៅថ្ងៃពុធ។

នៅសល់​តែមួយជំហានទៀតប៉ុណ្ណោះក្រុមមាន់​គកបារាំង​មួយនេះ​នឹង​លើក​ពាន​ World Cup ជាលើក​ទី៣​ក្នុង​ប្រវត្តិសាស្រ្តរបស់ខ្លួន បើទោះជាមានកីឡាកររបួសជាច្រើនក៏ដោយ។

ខ្សែបម្រើ Paul Pogba និង N’Golo Kante ត្រូវបានដកចេញពីការប្រកួតដោយ​សារតែរបួស ខណៈដែល Karim Benzema មាន​ឈ្មោះ​ក្នុងបញ្ជីចុងក្រោយមុនពេលគាត់ត្រូវបានដកចេញដោយសារ​បួសដូចគ្នា។

យោងតាមកាសែត Marca ប្រធានាធិបតីបារាំងលោក Emmanuel Macron ចង់ឱ្យកីឡាកររូប​នេះចូលរួមសម្រាប់ការបង្ហាញខ្លួន​នៅថ្ងៃអាទិត្យ។ វត្តមានលេង​លើទីលានរបស់ Benzema នៅក្នុងប្រទេសកាតា នៅតែមិនអាចកើត​ឡើង ទោះបីជាយើងអាចឃើញអំណាចនៃការបញ្ចុះបញ្ចូលរបស់ប្រធានាធិបតីបារាំងក៏ដោយ។

ប្រសិនបើគាត់អាចបញ្ចុះបញ្ចូល Kylian Mbappe ឱ្យបន្តនៅ PSG ចុះហេតុអ្វីមិនធ្វើបែបនេះ? ទោះបីជា Benzema មិនមកកាតាទេ តារា Real Madrid នឹងក្លាយជាម្ចាស់ជើងឯកពិភពលោក បើ​បារាំង​យក​ឈ្នះ​អាហ្សង់ទីន​មែន។

ប្រភព៖ Marca