លោក Florentino Perez ដែលជាប្រធានក្លិបរបស់ Real Madrid បានលើកឡើងថា Toni Kroos ជា កីឡាករដែលកើតមកដើម្បីលេងឲ្យក្រុមអធិរាជស។

កីឡាករសញ្ជាតិអាល្លឺម៉ង់ខាងលើ ត្រូវបាន Real Madrid ចុះហត្ថលេខានាំយកមកកាន់ទឹកដីអេស្ប៉ាញនៅក្នុងឆ្នាំ២០១៤ ពី Bayern Munich ក្នុងតម្លៃ២៥លានអឺរ៉ូ ហើយ រូបគេបានរួមចំណែកជួយក្រុមឈ្នះពានរង្វាន់ធំៗជាច្រើនដូចជា Champions League ៣ដង,FIFA Club World Cup ៣ដង, UEFA Super Cup ២ដង, La Liga ២ដង និង Super Copa ២ដង។

លោក Perez បាននិយាយថា៖”Kroos មានស្ទីលលេងមួយដែលតែងតែទាក់ចិត្តអ្នកគាំទ្រឲ្យមកទស្សនាការលេងរបស់គេផ្ទាល់នៅឯកីឡដ្ឋាន។ សម្រាប់ខ្ញុំ គេជាកីឡាករម្នាក់ដែលកើតមកដើម្បីលេងឲ្យ Real Madrid”៕