ថ្លែងទៅកាន់ Sky Sports បន្ទាប់ពីការប្រកួត Liverpool នៅ Old Trafford លោក Erik ten Hag បាននិយាយថា “ពួកយើង(Manchester United )លេងបាល់ទាត់បានល្អណាស់”។
«យើងត្រូវតែលេងជាក្រុម ដោយមានស្មារតីល្អ ហើយនោះជាអ្វីដែលយើងបានឃើញនៅថ្ងៃនេះ។ ខ្ញុំបានប្រាប់ពួកគេថា យើងត្រូវតែធ្វើសកម្មភាព កុំនិយាយច្រើន យើងត្រូវតស៊ូ ត្រូវក្លាហាន»។
“ពិតណាស់ យើងសប្បាយចិត្ត ខ្ញុំដឹងពីការប្រកួតទល់នឹង Liverpool ដែលជាគូប្រជែង ពួកយើងកុំគ្រាន់តែលេងល្អទល់នឹង Liverpool យើងត្រូវលេងបែបនេះ ក្នុងគ្រប់ការប្រកួត”។
Manchester United បានឈ្នះការប្រកួតដំបូងរបស់ពួកគេនៃរដូវកាល Premier League 2022/23 បន្ទាប់ពីយកឈ្នះ Liverpool ក្នុងលទ្ធផល 2-1 នៅ Old Trafford កាលពីយប់ថ្ងៃចន្ទ។
Erik ten Hag is so happy with Man United’s first win he swears during his post-match interview ?? pic.twitter.com/eECpBMzGOL
— Football Daily (@footballdaily) August 22, 2022
Ten Hag បានធ្វើការផ្លាស់ប្តូរដ៏សំខាន់ចំពោះការចាប់ផ្តើមក្នុងជម្រើស១១នាក់របស់គាត់ ដោយទម្លាក់ប្រធានក្រុម Harry Maguire និង Cristiano Ronaldo បន្ទាប់ពីការបរាជ័យពីរលើកជាប់ៗគ្នា។
