គ្រាប់​បាល់​ទី​មួយរបស់​ខ្សែប្រយុទ្ធជម្រើស​ជាតិ​កម្ពុជា ចាន់ វឌ្ឍនាកា ដែល​ស៊ុត​បញ្ចូល​ទី​ក្រុម​ជម្រើស​ជាតិ​ឡាវ​ស្ថិត​ក្នុង​បញ្ជី​គ្រាប់​បាល់​ស៊ុត​បញ្ចូល​ទី​ល្អបំផុត​ទាំង១០​ក្នុងពាន​រង្វាន់ AFF Suzuki Cup 2020 ដែរល​ទើប​និង​ចប់​កាល​ពី​អាទិត្យមុន។

ក្នុងជ័យជម្នះ៣ទល់០ទល់​ឡាវ​នាការ​ប្រកួត​ទី​៣ក្នុងពូល B ចាន់ វឌ្ឍនាការក​បាន​២​គ្រាប់​។ សម្រាប់​គ្រាប់​ទី​មួួ​យនេះ វឌ្ឍនាកា បានហក់ចូលទៅក្នុងប្រអប់ ហើយគៀបបាល់ចេញពីអ្នកចាំទី ហើយ​អូសបាល់ផុត​ខ្សែការពារ​ក្នុង​ប្រអប់​ទី​រួច​បញ្ចប់​គ្រាប់​បាល់​ដោយ​ជើង​ឆ្វេង​ដ៏​ជំនាញរបស់​ខ្លួន​ ក៏​ដូចជា​ការ​បើក​ផ្លូវ​ឱ្យ​មាន​គ្រាប់​បាល់​ជាបន្តបន្ទាប់​ផង​ដែរ។

ការប្រកួតពានរង្វាន់ AFF Suzuki Cup 2020 បានបញ្ចប់ដោយក្រុមថៃបានយកឈ្នះលើក្រុមឥណ្ឌូណេស៊ីក្នុងវគ្គផ្តាច់ព្រ័ត្រកាលពីថ្ងៃសៅរ៍ ដើម្បីលើកពានជាលើកទីប្រាំមួយក្នុងប្រវត្តិសាស្រ្តរបស់ខ្លួន ខណៈដែលមានការស៊ុតបញ្ចូលទីសរុបចំនួន 88 គ្រាប់ក្នុងចំណោម 26 ប្រកួត។

គេហទំព័រ AFF Suzuki Cup  ​បាន​រើស​យក​ការ​ស៊ុត​បាល់​ដ៏​អស្ចារ្យចំនួន 10 គ្រាប់​មក​បោះឆ្នោត​ជា​គ្រាប់​បាល់​ល្អ​បំផុត​នៃ AFF Suzuki Cup 2020 ដូច្នេះ​សូម​បោះ​ឆ្នោត​របស់​អ្នក​ក្នុង​ការ​ស្ទង់​មតិ​តាម​រយៈលីងភ្ជាប់ ទី នេះ៕