ភាពជោគជ័យរបស់ក្រុម Kuala Lumpur (KL City) ក្នុងការឈានទៅវគ្គផ្តាច់ព្រ័ត្រនៃពានរង្វាន់ AFC Cup ឆ្នាំ 2022 បង្ហាញឱ្យឃើញថា ជាក្រុមតូចមួយដែលចំណាយតិចតួចអាចឈានទៅវគ្គបន្តនៅលើឆាកអាស៊ី។
គាត់បាននិយាយក្នុងវេបសាយរបស់ AFC ថា៖ “នេះគឺជាជោគជ័យមិនគួរឱ្យជឿ និងល្អសម្រាប់បាល់ទាត់ម៉ាឡេស៊ី យើងនឹងព្យាយាមទៅកាន់ចុងបញ្ចប់នៃការប្រកួតនេះ និងឈ្នះពានរង្វាន់»។
នៅក្នុងការប្រកួតកាលពីម្សិលម្ងៃ អ្នកចាំទី Kevin Medonza របស់ក្លឹប KL City បានបញ្ចេញសមត្ថភាពយ៉ាងអស្ចារ្យ នៅពេលដែលគាត់បានបដិសេធការប៉ុនប៉ងដ៏គ្រោះថ្នាក់របស់ Sogdiana ចាប់តាំងពីពាក់កណ្តាលតង់ទីមួយ។
Bojan Hodak នៅតែមានយុទ្ធសាស្ត្រការពាររហូតដល់ការស៊ុតបាល់ប៉េណាល់ទីកាត់សេចក្ដី។ ឱកាសនេះត្រូវបាន KL City ទាញយកប្រយោជន៍ នៅពេលដែលពួកគេបានបញ្ចប់ការទាត់បាល់ប៉េណាល់ទីចូលទាំងអស់ ហើយឈានទៅវគ្គផ្តាច់ព្រ័ត្រ។
«ខ្ញុំសង្កត់ធ្ងន់ចំពោះកីឡាករ គុណភាពបាល់ទាត់របស់អូសបេគីស្ថានគឺខ្ពស់ជាងម៉ាឡេស៊ី។ យើងរំពឹងថាការប្រកួតនឹងពិបាក យើងគិតថាពួកគេនឹងគ្រប់គ្រងក្នុងផ្ទះ ប៉ុន្តែយើងបានបដិសេធឱកាសរបស់ពួកគេ ហើយរង់ចាំតែការវាយបកប៉ុណ្ណោះ»។
លោក Hodak ពន្យល់ថា៖« យើងមានឱកាសល្អបំផុត 2 ទៅ 3 ដើម្បីស៊ុតបញ្ចូលទី ប៉ុន្តែនៅទីបញ្ចប់ វាត្រូវបានអូសយើងទៅការស៊ុតបាល់ប៉េណាល់ទី ដែលសំណាងស្ថិតនៅខាងយើង» ។
បទពិសោធន៍ទល់នឹងក្លឹបវៀតណាម Viettel FC និងក្លឹបឥណ្ឌា ATK Mohun Bagan បានបង្រៀន KL City ឱ្យលេងកាន់តែស្ងប់ស្ងាត់ និងស្រូបយករាល់ការជម្រុញពីកីឡាករដែលប្រឆាំង។
លទ្ធផលនៃជ័យជម្នះនេះមានន័យថា KL City នឹងជួបក្លឹបមកពីប្រទេសអូម៉ង់ Al Seeb ក្នុងការប្រកួតចុងក្រោយនៃពានរង្វាន់ AFC Cup 2022 ដែលនឹងធ្វើឡើងនៅថ្ងៃទី 22 ខែតុលា។ ពួកគេមានឱកាសតាមស្មើសមិទ្ធផលរបស់ JDT ដែលបានឈ្នះពានរង្វាន់ AFC Cup ក្នុងឆ្នាំ 2015 ។
Bojan Hodak បានសង្កត់ធ្ងន់៖«យើងបានធ្វើវានៅវៀតណាម ឥណ្ឌា និងនៅទីនេះ។ ជាមួយនឹងក្រុមដែលអនុវត្តស្ទីលវាយលុកលឿន អ្នកតែងតែស្វែងរកវិធីដើម្បីតបត ឬឈុតមួយ យើងតែងតែព្យាយាមឱ្យអស់ពីសមត្ថភាព ហើយយើងនឹងសិក្សា Al Seeb និងមើលពីរបៀបដែលយើងអាចយកឈ្នះពួកគេ» ។
