ក្លិប FC Barcelona បានប្រកាសជាផ្លូវការអំពីការចាកចេញរបស់ Phillipe Coutinho ទៅកាន់ Aston Villa។
The show goes on… pic.twitter.com/1WYAnUV8gU
— Aston Villa (@AVFCOfficial) May 12, 2022
Coutinho បានចូលរួមជាមួយ Barcelona នៅក្នុងឆ្នាំ ២០១៨ ពី Liverpool ក្នុងតម្លៃខ្លួនរហូតដល់ទៅ ១៦០លានអឺរ៉ូ ប៉ុន្តែ ការលេងរបស់គេហាក់មិនសមប្រកបជាមួយនឹងក្រុមឡើយ ដែលជាហេតុធ្វើឲ្យរូបគេពុំសូវបានបង្ហាញខ្លួននៅលើទីលាន បូករួមទាំងបញ្ហារបួសញឹកញ៉ាប់ ធ្វើឲ្យក្រុមសម្រេចចិត្តលក់រូបគេតែម្តង។
ចំពោះតម្លៃខ្លួនដែល Barcelona ទទួលបានការពីការលក់ Coutinho ទៅកាន់ Aston មានចំនួន ២០លានអឺរ៉ូ ខណៈ Barcelona នឹងទទួលបានប្រាក់បន្ថែម ៥០ភាគរយទៀត នៅថ្ងៃណាមួយដែល Aston លក់កីឡាករសញ្ជាតិប្រេស៊ីលខាងលើទៅកាន់ក្លិបផ្សេង៕
