គេច​មិន​ផុត​នោះទេ! Mason Mount បានប្រឈមមុខនឹងអ្នក​កាសែតដែល​ចង់សំណួរអំពីអនាគត ពេល​គាត់​ទៅទស្សនាព្រឹត្តិការណ៍ប្រណាំងឡាន F1 Spanish Grand Prix ក្នុងទីក្រុង Barcelona ។

មុនពេលការប្រណាំងបាន​ចាប់​ផ្ដើម អ្នកយកព័ត៌មាន Sky Sports បានឡើងជួប Mount បន្ទាប់ពីអ្នក​កាសែត​រូប​នោះជជែកជាមួយ Ben Chilwell ហើយបាននិយាយបែបលេងសើចថា៖«គាត់ ( Chilwell) បាននិយាយថាអ្នកនឹងទៅ Manchester United» ។

បន្ទាប់​ពី​សើច​មួយ​សិន Mount បាន​ឆ្លើយ​ថា​៖ «ខ្ញុំ​មក​នេះ​ដើម្បី​រីករាយ​នឹង​ការ​ប្រណាំង​ឡានទេ។ ​ថ្ងៃ​នេះជា​ថ្ងៃ​អស្ចារ្យ ខ្ញុំ​កំពុងទន្ទឹង​រង់ចាំមើល​ការ​ប្រណាំង​ឡាន​»។

Mount ត្រូវ​បាន​គេ​អះអាង​ថា​កំពុង​ពិភាក្សា​ក្នុងការ​ចុះ​ហត្ថលេខា​ជាមួយ Man United ដោយ​បញ្ហា​ធំ​បំផុត​គឺ​ការ​ទាមទារ​តម្លៃខ្លួនខ្ពស់របស់ Chelsea សម្រាប់​កីឡាករូប​នេះ​រ​ដែល​កុងត្រារបស់​គាត់​នឹង​អស់សុពលភាព​រយៈពេល​មួយឆ្នាំទៀត។