Erik ten Hag បានប្រាប់ ITV អំពីគុណផលលេងរបស់ Marcel Sabitzer បន្ទាប់ពីយកឈ្នះ Fulham ថា៖ «គាត់មានការសម្តែងដ៏អស្ចារ្យ។ យើងរីករាយដែលគាត់ជាសះស្បើយពីរបួស»។
«យើងនឹងលេងហ្គេមរៀងរាល់បីថ្ងៃនៅចន្លោះពេលនេះ ដល់ចុងរដូវកាល ដូច្នេះយើងត្រូវការកីឡាករច្រើនតាមដែលអាចធ្វើទៅបាន ហើយគាត់ជាកីឡាករដែលយើងត្រូវការ»។
Sabitzer បានបង្ហាញខ្លួនចំនួន 9 ដងសម្រាប់ Man United ចាប់តាំងពីចាកចេញពីក្លិប Bayern ក្នុងលក្ខខណ្ឌខ្ចីជើងក្នុងខែមករា។ គ្រាប់បាល់ឈ្នះក្នុងការប្រកួតទល់នឹង Fulham បានក្លាយជាក្រាប់បាល់លើកទីមួយដែលកីឡាករវ័យ 29 ឆ្នាំរូបនេះរកបានលើតារាងពិន្ទុសម្រាប់ក្លឹបថ្មីរបស់គាត់។
រហូតមកដល់ពេលនេះ វាមិនច្បាស់ទេថាតើ United មានគម្រោងធ្វើការចុះកុងត្រាជាអចិន្ត្រៃយ៍ឬអត់នោះទេ។ ទោះជាយ៉ាងណាក៏ដោយ ដោយវិនិច្ឆ័យតាមសម្ដីរបស់ Ten Hag Sabitzer នឹងមានឱកាសបង្ហាញតម្លៃរបស់គាត់ចំពោះក្លឹបនៅប៉ុន្មានសប្តាហ៍ខាងមុខនេះ។
