ប្រធាន La Liga លោក Javier Tebas បានប្រកាសថា Barcelona នឹងបន្តផ្អាកពីការទិញកីឡាករក្នុងទីផ្សារដោះដូរកីឡាករនាពេលខាងមុខ។ នេះ​មាន​ន័យ​ថា Barcelona ក៏​ត្រូវ​បាន​ហាម​ឃាត់​ក្នុង​ការ​ផ្ទេរ​កីឡាករ​ចំនួន 2 លើក​ជាប់​គ្នា​ផង​ដែរ។

លោក Joan Laporta ពីមុនមានទំនុកចិត្តថា ក្រុមរបស់គាត់នឹងត្រូវបានអនុញ្ញាតឱ្យទិញ និងចុះហត្ថលេខាលើកីឡាករនៅក្នុងទីផ្សារដោះដូរកីឡាករនាពេលខាងមុខ។ តែជាអកុសល Barcelona ត្រូវបានគេស្នើសុំឱ្យរកលុយថែមដោយលក់កីឡាករដែលពួកគេមានរួចហើយនៅចន្លោះស្មើភាពគ្នារវាង​បញ្ចីបង់ឈ្នួលកីឡាករ​និង​បញ្ជីចំណូលចំណាយ ប្រហែល 178 លានផោន / 200 លានអឺរ៉ូ  ដើម្បីចូលទៅក្នុងទីផ្សារផ្ទេរបាន។ Barcelona ច្បាស់ជាពិបាករកប្រាក់ចំណូលពីការលក់ច្រើនបែបនេះ ដោយសារពួកគេខ្លួនឯងត្រូវការកីឡាករដែលមានស្រាប់ដើម្បីជួយក្លិប​ក្នុង​ការ​ប្រជែងពាន។

Laporta ធ្លាប់បានកំណត់ថាក្លឹបមិនចាំបាច់ភ័យស្លន់ស្លោក្នុងការលក់កីឡាករនោះទេ ប៉ុន្តែផ្ទុយទៅវិញនឹងព្យាយាមកាត់បន្ថយប្រាក់ឈ្នួលរបស់កីឡាកររហូតដល់ 150 លានផោន។ ក្លឹបបានចំណាយប្រាក់យ៉ាងច្រើនក្នុងរដូវក្តៅឆ្នាំ 2022 ដោយទទួលបានតារាដូចជា Robert Lewandowski, Raphinha និង Jules Kounde ទោះបីជាកំពុងញាំញីដោយបញ្ហាហិរញ្ញវត្ថុក៏ដោយ។ ទោះយ៉ាងណាក៏ដោយនៅពេលនោះពួកគេបានធ្វើសកម្មភាពវិធានការជាច្រើនដើម្បីបង្កើនប្រាក់ចំណូល ក្នុង​ចំណោម​ពួក​គេ​ដោយ​ការ​លក់​មួយ​ផ្នែក​នៃ​សិទ្ធិ​ទូរទស្សន៍​របស់​ពួក​គេ​។

Barcelona បានកាត់បន្ថយបំណុលរបស់ពួកគេយ៉ាងខ្លាំង។ នៅពេលមួយបំណុលរបស់ពួកគេឈានដល់ 1,3 ពាន់លានផោន។ ការខកខានក្នុងការបន្តនៅ UCL និងការ​ធ្លាក់ចេញពីការប្រកួត UEL ដោយសារ Manchester United ក៏មានផលប៉ះពាល់ដល់ប្រាក់ចំណូលរបស់ក្លឹបផងដែរ។ Javier Tebas ខណៈពេលដែលនៅទីក្រុងឡុងដ៍ចូលរួមក្នុងកិច្ចប្រជុំកំពូលពាណិជ្ជកម្មបាល់ទាត់របស់ Financial Times បាននិយាយថា៖

«Barcelona បានចូលរួមក្នុងសកម្មភាពគួរឱ្យសង្ស័យជាច្រើនហើយ La Liga កំពុងធ្វើសកម្មភាពយ៉ាងឆាប់រហ័សតាមដែលអាចធ្វើទៅបាន» ។

«យើង​បាន​កំណត់​រួច​ហើយ​ថា ពួកគេ​មិន​អាច​ចុះ​ហត្ថលេខា​លើ​កីឡាករ​បន្ថែម​ទៀត​បាន​ទេ។ ពួកគេបានលក់សិទ្ធិទូរទស្សន៍របស់ពួកគេ ហើយទទួលបាន 700 លានអឺរ៉ូ ព្យាយាមវិធីផ្សេងទៀតដើម្បីដោះស្រាយស្ថានភាព» ។

«ទោះជាយ៉ាងណាក៏ដោយ រដូវកាលក្រោយ ពួកគេនឹងមិនអាចធ្វើដូច្នេះបានទេ។ យើងមានការគ្រប់គ្រងសេដ្ឋកិច្ចយ៉ាងតឹងរឹងនៅ La Liga ។ នៅគ្រប់ទីផ្សារដោះដូរកីឡាករ យើងនឹងប្រាប់ពួកគេថាតើពួកគេអាចចំណាយប្រាក់ប៉ុន្មាន»។

បន្ទាប់មក La Liga បានកំណត់ថា Barcelona ត្រូវការប្រាក់ប្រហែល 200 លានអឺរ៉ូបន្ថែមទៀត ដើម្បីអាចឱ្យពួកគេទិញកីឡាករក្នុងទីផ្សារដោះដូរកីឡាករនាពេលខាងមុខ។

«ក្នុងន័យនេះ Barcelona គួរតែកាត់បន្ថយការចំណាយលើប្រាក់ឈ្នួលកីឡាករ និងការទិញកីឡាករពីប្រហែល 650 លានអឺរ៉ូទៅ 450 លានអឺរ៉ូ។ ដូច្នេះថវិការបស់ពួកគេនៅតែអវិជ្ជមាន 200 លានអឺរ៉ូ»។