Tyrell Malacia ត្រូវបានបញ្ជាក់ជាផ្លូវការថាជាកីឡាករថ្មីរបស់ Man United នៅថ្ងៃអង្គារ ទី 5 ខែកក្កដា ឆ្នាំ 2022 ម្សិលមិញ។ គាត់បានក្លាយជាកីឡាករដំបូងគេនៅក្នុងយុគសម័យ Erik ten Hag បន្ទាប់ពីបិសាចក្រហមអាចស្ទាក់ផ្លូវប្លន់យកកិច្ចព្រមព្រៀងពី Lyon និងចុះហត្ថលេខាគាត់ពី Feyenoord ។
\
ភ្លាមៗបន្ទាប់ពីត្រូវបានគេបញ្ជាក់ថាជាកីឡាករថ្មីរបស់បិសាចក្រហម Malacia បានផ្តល់បទសម្ភាសន៍ជាមួយប្រព័ន្ធផ្សព្វផ្សាយផ្ទាល់របស់ក្លឹប។ នេះគឺជាខ្លឹមសារដ៏ល្អបំផុតមួយចំនួនពីការចុះហត្ថលេខាថ្មីបំផុត។
ជួបនិយាយគ្នាជាមួយ Ten Hag
នៅពេលសួរថាតើគាត់បាននិយាយជាមួយ Erik ten Hag មុនពេលធ្វើការផ្ទេរមកនេះឬទេ Tyrell បាននិយាយថា៖ “បាទ ខ្ញុំបាននិយាយជាមួយគាត់តាមទូរស័ព្ទ នៅពេលដែលអ្វីៗត្រូវបានយល់ព្រម ហើយវាពិតជាអារម្មណ៍ល្អ និងអារម្មណ៍វិជ្ជមាន ហើយគាត់ចង់កែលម្អអ្វីគ្រប់យ៉ាង និងចង់បានខ្ញុំដើម្បីឈ្នះពាន ដូច្នេះខ្ញុំទន្ទឹងរង់ចាំវា”។
ការពិពណ៌នាអំពីលក្ខណៈល្អបំផុតរបស់គាត់
Malacia ក៏បានពណ៌នាខ្លួនគាត់ថាជាកីឡាករល្អដែរ ដោយពន្យល់ថា៖ «ក្នុងនាមជាកីឡាករបាល់ទាត់ ខ្ញុំខ្លាំងក្នុងការការពារ ហើយក៏ចូលចិត្តប្រយុទ្ធ។ បាទ ខ្ញុំមានថាមពលខ្លាំង ហើយមិនបោះបង់ឡើយ»។
Tyrell Malacia compared to defenders during the 2021/22 Eredivisie season:
◉ Most shots
◉ Most take-ons completed
◉ Most successful through balls
◎ 2nd-most final ⅓ passes
◎ 3rd-most tackles made
◎ 3rd-most touches in the opp. boxMan Utd have made a signing. ? pic.twitter.com/7daz4WNRc9
— Squawka (@Squawka) July 5, 2022
ការបំផុសគំនិតពី Edgar Davids
កីឡាករវ័យ 22 ឆ្នាំរូបនេះបាននិយាយថា ការបំផុសគំនិតមួយរបស់គាត់គឺអតីតខ្សែបម្រើសញ្ជាតិហូឡង់ Edgar Davids ។ គាត់ក៏បានបង្ហើបពីអ្វីដែលអតីតខ្សែបម្រើបានប្រាប់គាត់នាពេលកន្លងមកថា៖ “បាទ ខ្ញុំបាននិយាយជាមួយគាត់នៅក្រុមជម្រើសជាតិ ហើយគាត់បាននិយាយថា ‘អ្នកមិនទាន់ដល់កម្រិតរបស់ខ្ញុំទេ ប៉ុន្តែប្រសិនបើអ្នកធ្វើការជាមួយខ្ញុំ ហើយលេងបាល់ទាត់ជាមួយខ្ញុំ អ្នកនឹងទៅដល់ទីនោះ’ ដូច្នេះខ្ញុំចង់ដឹងចង់ឃើញវា»។
វីរបុរសបាល់ទាត់ពេញចិត្តបំផុត
នៅពេលត្រូវបានសួរអំពីអ្នកណាជាវីរបុរសបាល់ទាត់ដ៏គួរឱ្យពេញចចិត្តបំផុត Malacia បាននិយាយថា៖ “កាលនៅក្មេង ខ្ញុំពិតជាមិនមានវីរបុរសទេ។ វីរបុរសដ៏ធំបំផុតរបស់ខ្ញុំគឺឪពុករបស់ខ្ញុំ ហើយគាតតែងតែល្អសម្រាប់ខ្ញុំ។ មិនមែនដោយសារបាល់ទាត់ទេ តែដោយសារជាមនុស្ស។ ហើយពេលដែលខ្ញុំលេងបាល់តាមដងផ្លូវជាមួយមិត្តភក្តិរបស់ខ្ញុំ ខ្ញុំតែងតែសម្លឹងមើល Ronaldinho”។
ចំណង់ចំណូលចិត្តផ្ទាល់ខ្លួន
និយាយពីអ្វីដែលគាត់ចូលចិត្តធ្វើក្រៅពីការលេងបាល់ទាត់ ខ្សែការពារវ័យក្មេងបានពន្យល់ថា៖ “ខ្ញុំចូលចិត្តតន្ត្រី ប៉ុន្តែខ្ញុំចូលចិត្តលក្ខណៈបុគ្គលខ្លួនឯង ឬជាមួយគ្រួសាររបស់ខ្ញុំ ប៉ុន្តែខ្ញុំមិនចូលចិត្តចេញទៅក្រៅ ឬធ្វើរឿងបែបនេះទេ។ វាមិនមែនជារឿងរបស់ខ្ញុំទេ»។
សារសម្រាប់អ្នកគាំទ្រ United
Tyrell ថ្លែងថា៖ “សួស្តីអ្នកគាំទ្រ Manchester United ! Tyrell នៅទីនេះហើយ។ ខ្ញុំចង់និយាយថាអរគុណ ហើយខ្ញុំទន្ទឹងរង់ចាំលេងសម្រាប់អ្នក ហើយលេងសម្រាប់ផ្លាកសញ្ញានេះនៅលើអាវរបស់ខ្ញុំ។ តោះយើងទៅ។”
ប្រភព៖ Manutd.com
