ក្លិប​ FC Barcelona បានដាក់លក់ដេញថ្លៃសោររបស់ Lionel Messi នៅក្នុងកីឡដ្ឋាន Camp Nou ជាមួយនឹងតម្លៃចាប់ពីជាង៣៦ម៉ឺនដុល្លារ។ ការដេញថ្លៃនឹងធ្វើឡើងចាប់ពីម៉ោង ១០ ព្រឹកថ្ងៃទី២៣ ខែមករា ដល់ម៉ោង៤ ព្រឹកថ្ងៃទី១៣ ខែកុម្ភៈ។ ចំណែកឯសោររបស់កីឡាករល្បីៗផ្សេងទៀតដូចជា Ronaldinho, Pique, Neymar, Gavi, និង Suarez ត្រូវបានវាយតម្លៃក្នុងតម្លៃទាប។

ពីមុនមកក៏មានសេចក្តីរាយការណ៍ថា Barcelona នឹងរៀបចំការដេញថ្លៃសម្រាប់វត្ថុផ្សេងៗពី Camp Nou រួមទាំងសោរពីបន្ទប់សំលៀកបំពាក់ ទង់សម្រាប់ដោតនៅជ្រុងតារាង បំណែកនៃទីលានដែលមានបាល់ពិន័យ កញ្ចក់ការពារពីកៅអីបម្រុង ក៏ដូចជារូបថតក្រុមដែលឈ្នះពានរង្វាន់ Champions League ដែលត្រូវបានដាក់បង្ហាញនៅក្នុងបរិវេណខាងក្រោមរបស់កីឡដ្ឋាន៕

អតីតគ្រូបង្វឹក Chelsea និង Brighton លោក Graham Potter នឹងត្រូវតែងតាំងជាគ្រូបង្វឹកថ្មីរបស់ក្លិប West Ham United ជាមួយនឹងកិច្ចសន្យារយៈពេល ២ ឆ្នាំកន្លះ បន្ទាប់ពីក្លិបបានបញ្ចប់តួនាទី លោក Julen Lopetegui ។ ហើយការបង្ហាញខ្លួនជាផ្លូវការរបស់លោក Graham Potter នឹងធ្វើទ្ប់ើងនៅក្នុងសន្និសីទសារព័ត៌មានថ្ងៃព្រហស្បតិ៍ នៅកីឡដ្ឋាន London ផ្ទាល់តែម្តង។

លោក Julen Lopetegui ដែលជាជនជាតិអេស្ប៉ាញ ធ្លាប់ដឹកនាំក្រុម Real Madrid រួមទាំងក្រុមជម្រើសជាតិអេស្ប៉ាញ ត្រូវបានបណ្តេញចេញពីតួនាទីគ្រូបង្វឹក ក្រោយដឹកនាំក្រុមបានតែ ៦ខែប៉ុណ្ណោះ។ បុរសសញ្ជាតិអេស្ប៉ាញវ័យ ៥៨ ឆ្នាំរូបនេះដែលធ្លាប់ដឹកនាំ Wolves ត្រូវបានតែងតាំងដឹកនាំ West Ham នាអំឡុងខែឧសភា ដើម្បីជំនួសកៅអីលោក David Moyes ដែលបានចាកចេញពីក្លិប៕

ប្រភព៖ BBC

នៅក្នុងកម្មវិធី The Honest Bunch podcast អ្នកជំនាញហិរញ្ញវត្ថុនីហ្សេរីយ៉ា លោក Emmanuel Obruste ដែលត្រូវបានគេស្គាល់រហស្សនាមថា Geh Geh បានចែករំលែកគំនិតរបស់គាត់អំពីមូលហេតុដែល Ronaldo មិនទាន់រៀបការជាផ្លូវការជាមួយដៃគូរបស់គាត់គឺនាង Georgina ។ អ្នកជំនាញផ្នែកហិរញ្ញវត្ថុរូបនេះ បានសង្កត់ធ្ងន់ថា អាពាហ៍ពិពាហ៍ជារឿយៗគឺជាការខ្ជះខ្ជាយលុយដែលរកបានដោយលំបាក  ហើយនេះទំនងជាមូលហេតុដែល Ronaldo មិនបានទទួលយកគំនិតនេះទាំងស្រុង។

លោក Geh Geh បានគូសបញ្ជាក់ពីបន្ទុកហិរញ្ញវត្ថុសំខាន់ៗដែលអាចកើតឡើងក្នុងករណីមានការបែកបាក់ ជាពិសេសការចំណាយទាក់ទងនឹងការបង់ថ្លៃអាហារូបត្ថម្ភ។ គាត់បានលេីកឡីងថាការពិចារណាផ្នែកហិរញ្ញវត្ថុទាំងនេះអាចនៅពីក្រោយការស្ទាក់ស្ទើររបស់តារាបាល់ទាត់ក្លឹប Al Nassr ក្នុងការរៀបការជាផ្លូវការជាមួយ Georgina ។

ចំណែកឯប្រព័ន្ធផ្សព្វផ្សាយសង្គមក៏បានចង្អុលបង្ហាញថា Ronaldo ប្រហែលជាកំពុងព្យាយាមគេចពីបញ្ហាដែលអាចកើតមាន ដោយកត់សម្គាល់ឧទាហរណ៍ជាច្រើននៃស្ថានភាពអកុសលលែងលះគ្នាបែបនេះក្នុងចំណោមតារាកីឡាជាច្រើនឆ្នាំកន្លងមក។ការលែងលះគ្នារបស់តារាល្បីៗគឺត្រូវការចំណាយច្រីនណាស់ រហូតដល់ខ្ទង់រយលានដុល្លារ។

ទស្សនវិស័យរបស់ Geh Geh បានជំរុញឱ្យមានប្រតិកម្មពីអ្នកគាំទ្រពេញប្រព័ន្ធផ្សព្វផ្សាយសង្គម ដោយមនុស្សជាច្រើនបានចែករំលែកយោបល់របស់ពួកគេយ៉ាងឆាប់រហ័សខណៈអ្នកខ្លះយល់ស្របនឹងការវែកញែករបស់គាត់ អ្នកផ្សេងទៀតបានរិះគន់ទស្សនៈរបស់គាត់ ដោយបង្ហាញថាសមត្ថភាពហិរញ្ញវត្ថុរបស់គាត់អាចមានឥទ្ធិពលលើគោលជំហររបស់គាត់ចំពោះបញ្ហាបែបនេះ។ ទោះបីជាវានៅតែមិនច្បាស់ថាហេតុអ្វីបានជា Ronaldo មិនទាន់រៀបការជាមួយ Georgina ប៉ុន្តែវាពិបាកក្នុងការច្រានចោលទាំងស្រុងនូវគំនិតរបស់លោក Geh Geh ៕

ខ្សែប្រយុទ្ធ Son Heung-min បានចុះកិច្ចសន្យាថ្មីបន្តលេងឱ្យក្លិបមាន់ខ្នាយមាស Tottenham Hotspur រហូតដល់ឆ្នាំ ២០២៦។ កីទ្បាករសញ្ជាតិកូរ៉េខាងត្បូងវ័យ ៣២ ឆ្នាំរូបនេះបានចូលរួមជាមួយនឹង Spurs នៅឆ្នាំ ២០១៥ ផ្ទេរពី Bayer Leverkusen និងរកបាន ១៦៩ គ្រាប់ក្នុងការបង្ហាញខ្លួនចំនួន ៤៣១ ប្រកួតឱ្យក្លិប។ នៅ Premier League រូបគេបង្ហាញខ្លួនសរុប ៣២០ ប្រកួត រកបាន ១២៥ គ្រាប់ និងបញ្ជូនបាល់បាន ៦៨ លើក។

Son ជាតួអង្គដ៏សំខាន់របស់ Spurs ក្នុងការជួយឱ្យក្រុមទ្បើងវគ្គផ្តាច់ព្រ័ត្រ UEFA Champions League ឆ្នាំ២០១៩ ជាលើកដំបូងរបស់ក្លិប ប៉ុន្តែកាលនោះពួកគេបានបរាជ័យក្រោមថ្វីជើងរបស់ Liverpool។ រយៈពេល ៩ ឆ្នាំហើយ ដែល Son រួមរស់ជាមួយនឹង Spurs ហើយក៏មិនទាន់ឈ្នះពានរង្វាន់មួយទ្បើយ។ គួរជម្រាបថា បច្ចុប្បន្ន Spurs កំពុងឈរលេខរៀងទី ១២ នៅ Premier League ខណៈដែល Son ស៊ុតបញ្ចូលទីបាន ៥ គ្រាប់និង ៦ បាល់បញ្ជូនក្នុងចំណោមការបង្ហាញខ្លួន ១៧ ប្រកួត៕

ប្រភព៖ BBC

លោក Didier Deschamps គ្រូបង្វឹកក្រុមជម្រើសជាតិដែលបម្រើការយូរបំផុតរបស់ប្រទេសបារាំង នឹងមិនបន្តកិច្ចសន្យារបស់គាត់ដែលនឹងផុតកំណត់នៅឆ្នាំ២០២៦ នោះទេ។ លោក Deschamps បានដឹកនាំក្រុមជម្រើសជាតិបារាំងតាំងពីឆ្នាំ២០១២ ជាមួយនឹងជោគជ័យជាច្រើនក្នុងអំឡុងពេលកាន់តំណែងរបស់គាត់។

សមិទ្ធិផលមួយក្នុងចំណោមសមិទ្ធិផលដ៏គួរឱ្យកត់សម្គាល់បំផុតរបស់លោក Deschamps គឺការដឹកនាំប្រទេសបារាំងឱ្យឈ្នះការប្រកួត World Cup ឆ្នាំ២០១៨។លោក​ក៏​បាន​ដឹក​នាំ​ក្រុម​ឲ្យ​ឈាន​ទៅ​វគ្គ​បន្ត​ក្នុង​ការ​ប្រកួត World Cup ឆ្នាំ ២០២២។ លើសពីនេះទៀតលោក Deschamps ក៏បានដឹកនាំក្រុមជម្រីសជាតិបារាំងឈ្នះពាន UEFA Nations League ឆ្នាំ ២០២១។

ការសម្រេចចិត្តរបស់លោក Deschamps ក្នុងការចុះចេញពីតំណែង បន្ទាប់ពីការប្រកួតបាល់ទាត់ពិភពលោកឆ្នាំ២០២៦ នឹងនាំមកនូវការបញ្ចប់នូវជំពូកដ៏អស្ចារ្យមួយនៅក្នុងប្រវត្តិសាស្ត្របាល់ទាត់របស់បារាំង៕

ប្រភព៖ Reuters

ក្លិប PSM Makassar ស្ថិតក្នុងនិន្នាការមិនល្អសោះ​នៅ​ចុងឆ្នាំ២០២៤។ ពួកគេបានចាញ់ 2-1 ក្រោមស្នាដៃក្រុម Persita Tangerang កាលពីថ្ងៃអាទិត្យ (12/29/2024)។

លើសពីនេះទៀត PSM Makassar ត្រូវបានពិន័យសម្រាប់ការចាញ់ 3-0 ទៅ Barito Putera; ការ​កាត់​បី​ពិន្ទុ និង​ពិន័យ​ជា​ប្រាក់ 90 លាន​រូពីពីបទបន្លំកីឡាករលើទីលាន។

ជាលទ្ធផល PSM Makassar បានបញ្ចប់ជុំទីមួយនៃលីគកំពូលឥណ្ឌូណេស៊ី Liga 1 រដូវ​កាល 2024/2025 ក្នុងចំណាត់ថ្នាក់ទី 11 ជាមួយនឹង 24 ពិន្ទុ។

ដូច្នេះហើយ PSM Makassar បាន​កំណត់គោលដៅ​ថា ជំណួប​ជាមួយស្វាយរៀងក្នុងការប្រកួតលើកទី៣ នៃពានរង្វាន់ក្លិបជើងឯកអាស៊ានឆ្នាំ២០២៤/២០២៥ (ACC) ជាកន្លែងស្ដារមុខមាត់របស់ខ្លួនឡើង​វិញ។

ជ័យជំនះគឺជាគោលដៅរបស់​ពួកគេ ទោះបីជាពួកគេកំពុងដើរតួជាភ្ញៀវនៅឯពហុកីឡដ្ឋានជាតិអូឡាំពិកកម្ពុជា សម្រាប់​ការ​ប្រកួតនៅថ្ងៃពុធនេះក៏ដោយ។ ។ PSM Makassar ត្រូវការ​បី​ពិន្ទុ​ដើម្បី​រក្សា​ឱកាស​ឡើង​ទៅ​វគ្គ​៨​ក្រុម​ចុងក្រោយ។

ពេល​នេះក្រុមរបស់​លោក Bernardo Tavares កំពុងឈរកំពូលតារាងពូល A ដោយមាន 4 ពិន្ទុពីការឈ្នះមួយ និងស្មើមួយ។ ប្រធានក្រុម Akbar Tanjung បាន​និយាយថា៖ «សង្ឃឹម​ថា​ក្នុង​ការ​ប្រកួត​លើក​ក្រោយ​ យើង​អាច​ទទួល​បាន​លទ្ធផល​ដែល​ចង់​បាន (ឈ្នះ)»។ យ៉ាង​ណា​មិញ ការ​នាំ​យក​បី​ពិន្ទុ​មក​ផ្ទះ​នឹង​មិន​ងាយ​ស្រួល​ឡើយ។ ស្វាយរៀង ជាជើងឯកលីគកំពូលកម្ពុជា ឆ្នាំ២០២៣/២០២៤»។

«ការលេងដ៏ជាប់លាប់របស់ពួកគេនៅតែបន្តក្នុងរដូវកាលនេះ។ តាម​ពិត​ទៅ ពួក​គេ​បច្ចុប្បន្ន​កំពុង​តែ​ស្ថិត​ក្នុង​ចំណាត់​ថ្នាក់​លេខ​២​ក្នុង​តារាង​ដែល​មាន​៣៧​ពិន្ទុ។ ៣ពិន្ទុតាមពីក្រោយក្រុមកំពូលតារាងលីគកំពូលកម្ពុជា ភ្នំពេញក្រោន»។

នៅក្នុង ACC ក្រុមរបស់លោក Pep Munoz ស្ថិតក្នុងចំណាត់ថ្នាក់ទី 4 ដោយមានបីពិន្ទុ។

អ្នក​សង្កេត​ការណ៍​កីឡា​បាល់​ទាត់ឥណ្ឌូណេស៊ីលោក Basri Badussalam នៅ​តែ​វិភាគថា PSM Makassar នឹងឈ្នះ​លើ​ក្រុម​ស្វាយរៀង។

ការ​វិភាគនេះ​ មើល​​តាម​ការ​ប្រកួត​ដែល​ក្រុម​ទាំង​ពីរ​បាន​ឆ្លង​កាត់រួច​មក​ហើយ។ PSM Makassar ត្រូវ​បាន​គេ​ចាត់​ទុក​ថា​ល្អ​ជាង ​ព្រោះ​ការ​ប្រកួត​ League 1 មាន​ការ​ប្រកួត​ប្រជែង​ជាង​លីគ​កម្ពុជា។

លោក​បាន​មាន​ប្រសាសន៍ថា៖ «​ខ្ញុំ​គិត​ថា PSM Makassar នៅ​តែ​អាចឈ្នះ ​ក្រុម​ស្វាយរៀង​បាន»។

យោងតាមគេហទំព័រGoal.com ចេញផ្សាយកាលពីថ្ងៃ អង្គារ​ទី៧ ខែមករា ឆ្នាំ២០២៥ បានឱ្យដឹងថាខ្សែប្រយុទ្ធកូរ៉េខាងត្បូង Heung-min Son ទទួលបានប្រាក់ខែខ្ពស់ជាងគេបំផុតនៅក្នុងក្លិបមាន់ខ្នាយមាស Tottenham។ ប្រភពខាងលើដដែលនេះបានឱ្យដឹងថា Son ទទួលបានប្រាក់ឈ្នួល ២៤២ ៧១១ ដុល្លារក្នុងមួយសប្តាហ៍ឬស្មើនឹងជាង ១២ លានដុល្លារក្នុងមួយឆ្នាំ។

ខ្សែប្រយុទ្ធដ៏លេចធ្លោរបស់អាស៊ីរូបនេះនៅសល់កុងត្រារយៈពេល ១ ឆ្នាំទៀតជាមួយក្លឹបដែលមានមូលដ្ឋាននៅទីក្រុងឡុង។ ចំណែកឯកីឡាករដែលទទួលបានប្រាក់ឈ្នួលខ្ពស់លំដាប់ទី២គឺខ្សែបម្រើអង់គ្លេស James Maddison។  ខ្សែបម្រវ័យ២៧ឆ្នាំទទួលបានប្រាក់ឈ្នួលប្រចាំសប្តាហ៍ជាង ២១៧ ១៦៣ដុល្លារឬស្មើនឹងជាង ១១លានដុល្លារក្នុងមួយឆ្នាំ។ James Maddisonនៅសល់កុងត្រា៤ឆ្នាំទៀតជាមួយTottenahm។

ជាបន្តបន្ទាប់កីឡាករ​ខ្សែប្រយុទ្ធ Timo Werner និង Cristian Romero ក៏ទទួលបានប្រាក់ខែខ្ពស់ដូចគ្នាគឺ ២១០ ៧៧៦ម៉ឺនដុល្លារឬស្មជាង១០លានដុល្លារក្នុងមួយឆ្នាំ។ ក្លិប Tottenham ចំណាយ ជាង ២ លាន ៥៧ ម៉ឺនដុល្លារទៅលើប្រាក់ឈ្នួលកីឡាករក្នុងមួយសប្តាហ៍ឬស្មើនឹងជាង ១៣៣លាន ដុល្លារក្នុងមួយឆ្នាំ៕

ខ្សែប្រយុទ្ធ Luis Suarez របស់ក្លិប Inter Miami និងភរិយា បានចូលរួមបំពេញបេសកកម្មជួយបុរសម្នាក់ដែលប៉ុនប៉ងធ្វើអត្តឃាតបន្ទាប់ពីក្រុមជួយសង្គ្រោះប្រើរយៈពេលជាង២០ម៉ោង។ Suarez និងប្រពន្ធរបស់គាត់ Sofia Balbi បានចេញទៅដើរលេងនៅ Solymar promenade កាលពីថ្ងៃសុក្រ ហេីយពួកគេបានឃើញហេតុការណ៍នេះ។

បុរស​អាយុ​៤៩​ឆ្នាំ​ម្នាក់​បាន​ឡើង​ដើមឈើ​កម្ពស់​៦​ម៉ែត្រ​ដោយមាន​ខ្សែពួរនិង​គំរាម​លោតសម្លាប់ខ្លួន​។គាត់បានទាមទារឱ្យដៃគូរបស់គាត់ដែលជាស្ត្រីវ័យ៥៣ ឆ្នាំមកកន្លែងកើតហេតុ។ នៅក្នុងហេតុការណ៍នេះ ខ្សែប្រយុទ្ធវ័យ ៣៧ ឆ្នាំបាននិយាយទៅកាន់បុរសនោះដោយលើកទឹកចិត្តគាត់ឱ្យចុះមក។អង្គការក្រៅរដ្ឋាភិបាលដែលមានឯកទេសខាងចិត្តវិទ្យា និង Suarez នៅទីបំផុតបានបញ្ចុះបញ្ចូលបុរសនោះចុះពីដើមឈើដោយសុវត្ថិភាព។

Andrea ដែល​មក​ពី​ក្រុម​ដែល​បាន​ជួយ​សង្គ្រោះ​​បាន​ប្រាប់​ប្រព័ន្ធ​ផ្សព្វផ្សាយ​ក្នុង​ស្រុក​ថា៖ Suarez ដែល​ជា​កីឡាករ​ដ៏ល្បី​របស់​អ៊ុយរូហ្គាយ​បាន​មក​ជួយពួក​យើង។បច្ចុប្បន្ន​បុរស​រូប​នេះ​ត្រូវ​បាន​ប្រគល់​ឱ្យ​អង្គភាពជំនាញ​ថែទាំ​។ អតីតខ្សែប្រយុទ្ធរបស់ Liverpool និង Barcelona បានក្លាយជាវីរបុរសដែលមិននឹកស្មានដល់នៅដែលគាត់ត្រលប់មកប្រទេសកំណើតអ៊ុយរូហ្គាយ៕

ប្រភព៖ The Sun

នាថ្ងៃទី០៦ ខែមករា ឆ្នាំ២០២៥ សហព័ន្ធកីទ្បាបាល់ទាត់ឥណ្ឌូនេស៊ី (PSSI) បានធ្វើការប្រកាសអំពីចែកផ្លូវគ្នាជាមួយនឹងគ្រូបង្វឹករបស់ក្រុមជម្រើសជាតិ លោក Shin Tae Yong បន្ទាប់ពីដឹកនាំក្រុមធ្លាក់ចេញពីវគ្គចែកពូល B នៃពានរង្វាន់ ASEAN Cup ឆ្នាំ ២០២៤ កន្លងទៅ។ ក្រោយពីប្រកាសចែកផ្លូវគ្នាជាមួយនឹងគ្រូបង្វឹកសញ្ជាតិកូរ៉េខាងត្បូងវ័យ ៥៤ ឆ្នាំរូបនេះ សហព័ន្ធកីទ្បាបាល់ទាត់ឥណ្ឌូនេស៊ី (PSSI) ក៏បានតែងតាំងលោក Patrick Kluivert ជាគ្រូបង្វឹកថ្មីរបស់ក្រុមជម្រើសជាតិវិញ។

យ៉ាងណា PSSI បានទម្លាយ​មូលហេតុ​ដែលចែកផ្លូវគ្នាជាមួយនឹងលោក Shin Tae Yong ថា៖ លោក Erik Thohir ក៏បានបង្ហាញពីចេតនារបស់លោកក្នុងការបណ្តេញ Shin Tae Yon ចេញពីតំណែងផងដែរ បន្ទាប់ពីចប់ការប្រកួតជម្រុះ World Cup ឆ្នាំ២០២៦ ប្រចាំតំបន់អាស៊ី ជុំទី៣ ដែលបានចាញ់ ក្រុមជម្រើសជាតិចិន ១-២ កាលពីថ្ងៃទី ១៥ ខែតុលា ឆ្នាំ ២០២៤ មកម្ល៉េះ ប៉ុន្តែនៅពេលនោះ មិនមែនជាពេលវេលាត្រឹមត្រូវ និងសបស្របនោះទេ។

លោក Erik Thohir បានទុក​ថា​បើបណ្ដេញលោក Shin Tae Yon នៅពេលនោះ វាអាចប៉ះពាល់ដល់ក្រុមទាំងមូល ដោយសារតែរយៈពេលនៃ FIFA Day គឺខ្លីពេករហូតដល់លោក Shin Tae Yong ដឹកនាំក្រុមប្រមូលបាន ៣ពិន្ទុពី ២ប្រកួត (ឈ្នះ១ចាញ់ ១) ក្នុងខែវិច្ឆិកា ឆ្នាំ ២០២៤ ដែលជាកម្មវិធីចុងក្រោយសម្រាប់វគ្គជម្រុះ World Cup។

ជាមួយគ្នានោះ លោក Eric Thohir ក៏​បាន​បង្ហើប​ប្រាប់ផងដែរ​ដែរថា លោកក៏បានស្វែងរកគ្រូបង្វឹកថ្មី​តាំងពីខែវិច្ឆិកាឆ្នាំមុនមកម្ល៉េះ មុនពេលលោក Patrick Kluivert អតីតខ្សែប្រយុទ្ធ Barcelona និងជម្រើសជាតិហូឡង់ នឹងមកទទួលដឹកនាំក្រុមជម្រើសជាតិដែលនឹងបង្ហាញខ្លួនជាផ្លូវការនៅថ្ងៃទី ១២ ខែមករានេះ៕

ប្រភព៖ Ballthai