(English) ខ្សែការពារ Nathan Ake របស់ក្លិប Manchester City នឹងត្រូវសម្រាក​ព្យាបាល បន្ទាប់ពីទទួល​ការ​វះកាត់​របួស​បាក់ឆ្អឹងប្រអប់ជើង។  កីទ្បាករអន្តរជាតិហុល្លង់វ័យ ៣០ ឆ្នាំលេងនៅពាក់កណ្តាលតង់ក្នុងការប្រកួត FA Cup កាលពីថ្ងៃសៅរ៍ទល់នឹងក្រុម Plymouth ជាមួយនឹងរបួសដែលរូបគេបាននិយាយថា៖ «វាបានរំខានខ្ញុំជាច្រើនខែ»។

Ake បានធ្វើការវះកាត់កាលពីថ្ងៃចន្ទ ហើយក្រោយមករូបគេក៏បានបង្ហោះរូបភាពរបស់ខ្លួនឯងនៅលើបណ្តាញសង្គម។  Ake ត្រូវ​បាន​ដាក់​កំហិត​ក្នុង​ការ​បង្ហាញ​ខ្លួន​ចំនួន ១៨ លើក​មក​ទល់​ពេល​នេះ​នៅ​រដូវ​កាល​នេះ​ដោយ​សារ​តែ​របួស​រយៈពេល​ខ្លី​ជា​បន្តបន្ទាប់។ ខ្សែការពារ John Stones និង Manuel Akanji ក៏ខកខានការទទួលជ័យជម្នះជុំទីប្រាំកាលពីថ្ងៃសៅរ៍លើ Plymouth ដោយសាររបួសផងដែរ។

ប្រភព៖ BBC

(English) លោក Benni McCarthy ត្រូវបានតែងតាំងជាគ្រូបង្វឹករបស់ក្រុមជម្រើសជាតិកេនយ៉ា ជាមួយនឹងកិច្ចសន្យារយៈពេល ២ ឆ្នាំ មានន័យថាលោកនឹងដឹកនាំក្រុមរហូតដល់ព្រឹត្តិការណ៍បាល់ទាត់ប្រចាំទ្វីបអាហ្រ្វិក Africa Cup of Nations ឆ្នាំ ២០២៧ ដែលជាការប្រកួតនឹងធ្វើឡើងនៅលើទឹកដីកំណើតនៅអាហ្វ្រិកខាងកើតដោយមានប្រទេសកេនយ៉ា តង់ហ្សានី និងអ៊ូហ្គង់ដាធ្វើជាម្ចាស់ផ្ទះរួមគ្នា។

បុរសសញ្ជាតិអាហ្វ្រិកខាងត្បូងវ័យ ៤៧ ឆ្នាំរូបនេះបានស្នងតំណែងពីគ្រូបង្វឹកបណ្នោះអាសន្ន លោក Francis Kimanzi ដែលទទួលបន្ទុកចាប់តាំងពីគ្រូបង្វឹកតួកគី លោក Engin Firat លាលែងពីដំណែងកាលពីចុងឆ្នាំមុន។  លោក Benni McCarthy នឹងទទួលបន្ទុកដឹកនាំក្រុមជម្រើសជាតិនុងនាមជាគ្រូបង្វឹក ដែលត្រូវប្រកួតជម្រុះ World Cup ក្នុងខែ​នេះនៅ​ក្រៅ​ផ្ទះ​ក្នុង​ប្រទេសហ្គាំប៊ី និងក្នុងដីទល់​នឹងហ្គាបុង។

បច្ចុប្បន្ន កេនយ៉ា ឈរនៅលេខរៀងទី៤ ក្នុងចំណោមក្រុមទាំង ៥ ក្នុងពូល F ដោយមាន ៥ ពិន្ទុក្នុងចំណោមប្រកួត ៤ ដែលតាមពីក្រោយក្រុមកំពូលកូតឌីវ័រ ៥ ពិន្ទុ ។ លោក Benni McCarthy ក៏ធ្លាប់ធ្វើជាក្រុមការងារគ្រូបង្វឹករបស់ក្លិប Manchester United ក្នុងឆ្នាំ ២០២២-២៤ ក្នុងគ្រាដែលលោក Erik Ten Hag បានកំពុងដឹកនាំក្រុម៕

(English) ខ្សែការពារកូដឆ្វេង Joao Cancelo របស់ក្លិប Al-Hilal នឹងអវត្តមាន ២ ខែដោយសាររបួសសរសៃពួរ។ នេះបើយោងតាមការបញ្ជាក់ពីម្ចាស់ជ់ើងឯក Saudi Pro League កាលពីថ្ងៃអាទិត្យ។ កីទ្បាករអន្តរជាតិព័រទុយហ្គាល់វ័យ ៣០ ឆ្នាំរូបនេះបានចូលរួមជាមួយនឹងក្លិប Al-Hilal ពី Manchester City កាលពីខែសីហា ឆ្នាំ២០២៤ ក៏នឹងអវត្តមានជួយក្រុមជម្រើសជាតិ លេងទល់នឹងដាណឺម៉ាក សម្រាប់ការប្រកួត Nations League នាវគ្គ ៨ ក្រុមចុងក្រោយ នៅថ្ងៃទី២៤ ខែមីនា ឆ្នាំ២០២៥ ខាងមុខនេះ។

អតីតកីទ្បាករ Juventus, Inter Milan, Manchester City, Bayern Munich និង Barcelona បានបញ្ជូនបាល់ឱ្យមិត្តរួមក្រុមបញ្ចប់ទីចំនួន ១១ ដង និងរកបាន ២ គ្រាប់ឱ្យ Al-Hilal ក្នុងចំណោម ៣១ ប្រកួតគ្រប់កម្មវិធី។

ក្រុមរបស់លោក Jorge Jesus ដែលឈរនៅលេខរៀងទី ២ ក្នុងតារាង Saudi Pro League ដោយមាន ៥១ ពិន្ទុតាមពីក្រោយក្រុម Al-Ittihad ចំនួន ៦ ពិន្ទុ នឹងជួបជាមួយ Pakhtakor របស់ Uzbekistan ក្នុងវគ្គ ១៦ ក្រុមចុងក្រោយនៃ AFC Champions League Elite នៅថ្ងៃអង្គារ៕

ប្រភព៖ CNA

(English)

អ្នកចាត់ការទូទៅរបស់ក្លិប Manchester City លោក Pep Guardiola បានប្រាប់ឱ្យដឹងថារូបលោកពិតជារីករាយចំពោះការជាសះស្បើយរបស់ខ្សែបម្រើ Rodri ហើយរូបលោកសង្ឃឹមថាម្ចាស់ពានរង្វាន់ Ballon d’Or នឹងត្រលប់មកវិញ មុនពេលបញ្ចប់រដូវកាលនេះ។

ដំបូងទ្បើយ លោក Pep Guardiola បានច្រានចោល Rodri សម្រាប់ការវិលត្រលប់នៅរដូវកាលនេះ បន្ទាប់ពីកីទ្បាករអន្តរជាតិអេស្ប៉ាញវ័យ ២៨ ឆ្នាំខាងលើ បានដាច់សរសៃពួរជង្គង់ ACL កាលខែកញ្ញា ឆ្នាំ២០២៤ មកម្លេះ។  យ៉ាងណា បញ្ហាខាងលើនេះ Rodri ក៏បានកំណត់គោលដៅរបស់ខ្លួនក្នុងការត្រលប់មកទីលានវិញ បន្ទាប់ពីធ្វើការវះកាត់ ខណៈពេលនេះរូបគេក៏បានបន្តហ្វឹកហាត់លក្ខណៈឯកជនវិញផងដែរ។

គួរបញ្ជាក់ថា ការអវត្តមានរបស់ Rodri បានធ្វើឱ្យ City ដែលជាក្រុមការពារតំណែងជើងឯក English premier League កំពុងតែប្រដេញតាមពីក្រោមក្រុមកំពូលតារាង Liverpool​ រហូតដល់ ២០ ពិន្ទុ និងធ្លាក់ចេញពីក្របខណ្ឌ UEFA Champions League ក្នុងពូលថែមទៀតផង៕

ប្រភព៖ CNA

(English) ខ្សែប្រយុទ្ធ Suphanat Mueanta របស់ក្លិប Buriram United ត្រូវបានក្លិប Kawasaki Frontal កំពុងតែចាប់អារម្មណ៍ចង់បានរូបគេមកកាន់លីគកំពូលជប៉ុន J-League 1 ។ កីទ្បាករអន្តរជាតិថៃវ័យ ២២ ឆ្នាំរូបនេះបានចំណាយកាលពីរដូវកាលមុន លេងឱ្យក្លិប OH Leuven. Mueanta នៃក្របខណ្ឌលីគកំពូលបែលហ្ស៊ិក Belgian Pro League ក្នុងលក្ខខណ្ឌខ្ចីជើង។

បច្ចុប្បន្ន Suphanat Mueanta រកបាន ៦ គ្រាប់ បញ្ចូនបាល់ឱ្យមិត្តរួមក្រុមបញ្ចប់ទី ៤ លើក ក្នុងចំណោមបង្ហាញឱ្យក្រុមនៅលីគកំពូលថៃ Thai League ចំនួន ៧ ប្រកួត៕

ប្រភព៖ Markaj News

V-League ដែលជាលីគកំពូលរបស់វៀតណាមកំពុងរៀបចំកែសម្រួលកាលវិភាគរបស់ខ្លួន សម្រាប់ការប្រកួតក្នុងអំឡុងពេល FIFA Day ក្នុងខែមីនា។

សហព័ន្ធកីឡាបាល់ទាត់វៀតណាមកំពុងរៀបចំកាលវិភាគ សម្រាប់ការសម្រាករយៈពេលវែងដើម្បីអនុញ្ញាតឱ្យ “ក្រុមជម្រើសជាតិវៀតណាម” ត្រៀមខ្លួនសម្រាប់ការប្រកួតជម្រុះ Asian Cup ឆ្នាំ 2027 ។

គេបានបង្ហាញថា V-League នឹងផ្អាកការប្រកួតរបស់ខ្លួនចាប់ពីថ្ងៃទី 10 ខែមីនាដល់ថ្ងៃទី 30 ខែមីនាឆ្នាំ 2025 ហើយនឹងត្រលប់មកទីលានវិញនៅដើមខែមេសា។

សម្រាប់ក្រុមជម្រើសជាតិវៀតណាម នឹងមានការប្រកួតកម្ដៅសាច់ដុំជាមួយក្រុមជម្រើសជាតិកម្ពុជា នៅថ្ងៃទី១៩ ខែមីនា ឆ្នាំ២០២៥ បន្ទាប់មកគឺវគ្គជម្រុះ Asian Cup 2027 ត្រូវជួបក្រុមជម្រើសជាតិឡាវ ប្រកួតដំបូងនៅថ្ងៃទី២៥ ខែមីនា ឆ្នាំ២០២៥។

ក្រុមបិសាចក្រហម Manchester United នឹងត្រលប់មកម៉ាឡេស៊ីវិញជាលើកដំបូងក្នុងរយៈពេល ១៦ឆ្នាំ ដើម្បីជួបក្រុម Asean All-Star ក្នុងការប្រកួតមិត្តភាពនៅពហុកីឡដ្ឋានជាតិក្នុងទីក្រុង Bukit Jalil នៅថ្ងៃទី 28 ខែឧសភា។

ប្រភពមួយបានបង្ហាញថា អតីតម្ចាស់ជើងឯក Premier League នឹងធ្វើដំណើការប្រកួតមិត្តភាពពីរនៅអាស៊ី រួមទាំងទីក្រុងហុងកុង ជាផ្នែកនៃដំណើរកម្សាន្តក្រោយរដូវកាលរបស់ពួកគេ។

ប្រភពដ៏គួរឱ្យទុកចិត្តមួយបាននិយាយថា៖ “ការប្រកួតនេះគឺជាផ្នែកមួយនៃការធ្វើដំណើរក្រៅប្រទេសរបស់ពួកគេទៅកាន់ប្រទេសម៉ាឡេស៊ី និងហុងកុង។ Man United នឹងហោះហើរទៅកាន់ទីក្រុងកូឡាំឡាំពួរជាលើកដំបូងបន្ទាប់ពីការប្រកួត Premier League ចុងក្រោយរបស់ពួកគេជាមួយនឹងក្រុម Aston Villa នៅថ្ងៃទី 25 ខែឧសភា” ។

A post shared by Semuanya tentang bola sepak ⚽️ (@semuabola.my)

“អតីតម្ចាស់ជើងឯក Champions League មានអ្នកគាំទ្រច្រើននៅអាស៊ីអាគ្នេយ៍ ហើយការលេងជាមួយក្រុម Asean All-Star នឹងទាក់ទាញអ្នកគាំទ្រមកពីទូទាំងតំបន់។ វានឹងក្លាយជាការយកចិត្តទុកដាក់ដ៏ល្អសម្រាប់អ្នកស្រលាញ់កីឡាបាល់ទាត់»។

បិសាចក្រហមដែលបច្ចុប្បន្នដែលដឹកនាំដោយលោក Ruben Amorim កំពុងយាប់យ៉ឺនរដូវកាលនេះនៅ Premier League ដោយកំពុងឈរនៅលេខរៀងទី 14 ក្នុងតារាង ដែលមានត្រឹមតែ 16 ពិន្ទុពីលើតំបន់កាត់ចោល។

របាយការណ៍មុននេះបានលើកឡើងថា United នឹងទៅលេងទីក្រុង Kuala Lumpur ក្នុងអំឡុងពេលដំណើរទេសចរណ៍មុនរដូវកាលរបស់ពួកគេ ប្រហែលជានៅក្នុងខែឧសភា ឬខែមិថុនា សម្រាប់ការប្រកួតមិត្តភាពជាមួយក្រុមអឺរ៉ុបមួយផ្សេងទៀត។

Man United បានលេងចុងក្រោយនៅប្រទេសម៉ាឡេស៊ីក្នុងអំឡុងពេលដំណើរទេសចរណ៍មុនរដូវកាលឆ្នាំ 2009 ដែលកាលនោះពួគគេជួបក្រុមជម្រើសជាតិម៉ាឡេស៊ីពីរដងនៅពហុកីឡដ្ឋានជាតិ Bukit Jalil ។ ពួកគេបានឈ្នះ 3-2 នៅថ្ងៃទី 18 ខែកក្កដា និង 2-0 នៅថ្ងៃទី 20 ខែកក្កដា។

(English)

ការចូលរួមដេញថ្លៃធ្វើជាម្ចាស់ផ្ទះក្នុងព្រឹត្តិការណ៍បាល់ទាត់ទ្វីបអាស៊ី Asian Cup ឆ្នាំ ២០៣១ កំពុងតែទ្បើងកម្តៅហើយ បន្ទាប់ពីសមាគមបាល់ទាត់កូរ៉េខាងត្បូង បានឱ្យដឹងថាពួកគេដាក់បានលិខិត ដើម្បីចូលរួមប្រជែងដណ្តើមធ្វើជាម្ចាស់ផ្ទះរៀបចំការប្រកួតនេះ ទៅកាន់សហព័ន្ធបាល់ទាត់អាស៊ី AFC ។ ជាការពិតណាស់ មកទាន់នឹងពេលនេះមាន ៨ ប្រទេសបានដាក់លិខិតដើម្បីចូលរួមប្រជែងដណ្តើមធ្វើជាម្ចាស់ផ្ទះរៀបចំការប្រកួតខាងលើនេះរួមមាន៖ ឥណ្ឌូនេស៊ី, អូស្ត្រាលី, គុយវ៉ែត, អេមីរ៉ាត់អារ៉ាប់រួម ក៏ដូចជាសហម្ចាស់រួមគ្នារវាងប្រទេស តាជីកីស្ថាន, អ៊ូសបេគីស្ថាន និងកៀហ្ស៊ីស៊ីស្ថាន ហើយចុងក្រោយកូរ៉េខាងត្បូង ដែលមានសក្តានុពលចំពោះការដេញថ្លៃនេះ ។

កូរ៉េខាងត្បូង ធ្លាប់រៀបចំធ្វើជាម្ចាស់ផ្ទះ នៃពានរង្វាន់ទ្វីបអាស៊ី Asian Cup ចុងក្រោយក្នុងឆ្នាំ ១៩៦០ ដែលពេលនោះមានត្រឹម ៤ ក្រុមចូលរួមប្រកួត មានប្រទេសអ៊ីស្រាអែល, វៀតណាមខាងត្បូង និងតៃវ៉ាន់ ពេលស្ថិតក្រោមសាធារណៈរដ្ឋចិន។ កូរ៉េខាងត្បូងនឹងក្លាយជាគូប្រជែងដ៏ធំមួយសម្រាប់ឆ្នាំ ២០៣១ ក្នុងនាមជាមហាអំណាចបាល់ទាត់ក្នុងតំបន់ដែលមានហេដ្ឋារចនាសម្ព័ន្ធបាល់ទាត់ដ៏ល្អឥតខ្ចោះដែលភាគច្រើនត្រូវបានសាងសង់ឡើងសម្រាប់ធ្វើជាសហម្ចាស់ផ្ទះការប្រកួតវគ្គផ្តាច់ព្រ័ត្រ World Cup ឆ្នាំ ២០០២ ជាមួយប្រទេសជប៉ុន។

គួរបញ្ជាក់ថា សម្រាប់ម្ចាស់ផ្ទះសិទ្ធិរៀបចំការប្រកួត Asian Cup ឆ្នាំ២០៣១ នឹងត្រូវបានវាយតម្លៃពី AFC ដែលត្រូវបង្ហាញនៅឆ្នាំ២០២៦ មុនពេលអារ៉ាប៊ីសាអូឌីត រៀបចំចាប់ពីថ្ងៃទី០៧ ខែមករា រហូតដល់ថ្ងៃទី០៥ ខែកុម្ភៈ ឆ្នាំ២០២៧ ហើយកូរ៉េខាងត្បូង ធ្លាប់ជាម្ចាស់ពាននេះនៅការរៀបចំ ២លើកដំបូង៕

ប្រភព៖ Reuter

(English) តារាបាល់ទាត់របស់បិសាចក្រហម Manchester United មានការខកចិត្តនិងខឹងសម្បារយ៉ាងខ្លាំងជាមួយគ្រូបង្វឹក Ruben Amorim បន្ទាប់ពីគាត់បានស្តីបន្ទោសចំពោះលទ្ធផលមិនល្អរបស់ពួកគេដែលជាហេតុផលធ្វីឲ្យបុគ្គលិកក្លឹបជាង ២០០ នាក់ត្រូវបានកាត់ចោល។ គ្រូបង្វឹកដែលកំពុងអង្គុយលើកៅអីភ្លើង បានបញ្ចេញមតិដោយត្រង់ៗថា ការបរាជ័យរបស់ United ក្នុងការប្រកួត Champions League និងទម្រង់លេងនៅ Premier League មិនល្អ គឺជាផ្នែកមួយដែលធ្វើឱ្យបុគ្គលិកក្លឹបបាត់បង់ការងារ។ ការអះអាងរបស់គាត់បានធ្វើឱ្យតារាបាល់ទាត់ឆ្នីមៗមួយចំនួនបានខឹងសម្បារ ដោយសារតែពួកគេជឿថាគាត់បានដឹងពីស្ថានភាពហិរញ្ញវត្ថុរបស់ក្លឹប មុនពេលចូលរួមពាក់កណ្តាលរដូវកាល។

សេចក្តីថ្លែងការណ៍នេះបាននាំឱ្យមានគម្លាតរវាង លោកAmorim និងកីឡាករ ដែលកំពុងសម្របខ្លួនទៅនឹងការទាមទារវិធីសាស្រ្តនិងយុទ្ធសាស្រ្តរបស់ចៅហ្វាយថ្មីសញ្ជាតិព័រទុយហ្គាល់ផងដែរ។ ប្រភព​មួយ​បាន​និយាយ​ថា៖ ប្រសិន​បើ​អ្នក​មើលពីខាងក្រៅ អ្នក​នឹង​គិត​ថា​កីឡាករ និងគ្រូបង្វឹកកំពុង​តែ​មាន​ភាព​អស្ចារ្យប៉ុន្តែការពិតគឺកីឡាករមានការខកចិត្តចំពោះការស្តីបន្ទោស។ ទោះ​បី​ជា​យ៉ាង​ណា​កីឡាករមិន​បាន​ តវ៉ាជាមួយ​អ្នក​គ្រប់​គ្រង​ដោយ​សារ​ពួក​គេ​មិន​ទាន់​បាន​បង្កើត​ទំនាក់​ទំនងល្អ ជាមួយ​គាត់​។គាត់ច្បាស់ក្នុងអ្វីដែលគាត់ចង់បានពីពួកគេនៅលើទីលាន ហើយពួកគេកំពុងព្យាយាមអនុវត្តវា៕

ប្រភព៖ The Sun