ព័ត៌មានកីឡាអន្តរជាតិ

កាលពីថ្ងៃសៅរ៍ទី៤ ខែមករា ឆ្នាំ២០២៤ កន្លងទៅ នៅឯសេតវិមានប្រធានាធិបតីជិតផុតអាណត្តិ លោកចូ បៃដិន ប្រារព្ធពិធីប្រគល់មេដាយសេរីភាពដើម្បីផ្តល់កិត្តិយសដល់មនុស្ស ១៩ នាក់សម្រាប់សមិទ្ធិផលរបស់ពួកគេកន្លងមក។ ការ​ខកខាន​មិន​បាន​បង្ហាញ​ខ្លួន​ដើម្បី​ទទួល​រង្វាន់​ពី​ប្រធានាធិបតី​បាន​ធ្វើ​ឱ្យមនុស្ស​ជា​ច្រើន​ភ្ញាក់​ផ្អើល។ ទោះជាយ៉ាងណាក្តី វីរបុរស​បាល់ទាត់​អាហ្សង់ទីន និង​តារា​ឆ្នើម​របស់ Inter Miami ​មិន​​បានបង្ហាញវត្តមាន​នៅចំពោះមុខប្រធានាធិបតីអាមេរិកនោះទេ ។

ជុំវិញនឹងបញ្ហានេះ Messi បានបំភ្លឺថា សេតវិមានបានជូនដំណឹងដល់ FIFA ដែលបានជូនដំណឹងដល់ក្លឹបកាលពីចុងខែធ្នូថា Leo នឹងត្រូវបានទទួលបានមេដាយនេះ។ Leo តាមរយៈក្លិបបានផ្ញើលិខិតមួយទៅកាន់សេតវិមានដោយនិយាយថាខ្ញុំពិតជាមានអារម្មណ៍ថាមានកិត្តិយសយ៉ាងខ្លាំង ហើយវាពិតជាអស្ចារ្យណាស់ ក្នុងការទទួលបានការទទួលស្គាល់នេះ ប៉ុន្តែដោយសារការកំណត់កាលវិភាគ និងការប្តេជ្ញាចិត្តរបស់ខ្ញុំពីមុន ខ្ញុំនឹងមិនអាចចូលរួមបានទេ។ ខ្ញុំសូមអរគុណ​ចំពោះ​កាយវិការ​នេះ ហើយ​ ​សង្ឃឹម​ថា​នឹង​មាន​ឱកាស​ជួប​ជាមួយ​ប្រធានាធិបតីដោយផ្ទាល់ក្នុង​ពេល​ដ៏​ខ្លី​ខាង​មុខ។Messi កំពុងវិស្សមកាលជាមួយក្រុមគ្រួសារ។ Messi ត្រូវបានគេផ្តល់កិត្តិយសសម្រាប់ការរួមចំណែករបស់គាត់ចំពោះការថែទាំសុខភាព និងការអប់រំក្នុងនាមជាឯកអគ្គរដ្ឋទូតសុច្ឆន្ទៈរបស់អង្គការយូនីសេហ្វ និងតាមរយៈមូលនិធិ Leo Messi ៕

ព័ត៌មានកីឡាជាតិ

លោក ភា សុភ័ក្ក្រា ដែលជាគ្រូបង្វឹក TIffy Army FC បានប្រាប់ពីមូលហេតុដែលបញ្ចប់កិច្ចសន្យារបស់ខ្សែប្រយុទ្ធ Filipovic Nemanja និងខ្សែការពារ Soe Moe Kyaw នៅជើងទី ២ នៃក្របខណ្ឌលីគកំពូលកម្ពុជា ដោយសារពួកគេជួបប្រទះនឹងបញ្ហារបួស។ Filipovic Nemanja ជាកីទ្បាករសញ្ជាតិស៊ែប៊ីវ័យ ២៧ ឆ្នាំរូបនេះបានផ្លាស់មកកាន់ក្លិប Tiffy Army FC នៅឆ្នាំ ២០២៤ បន្ទាប់ពីចាកចេញ FK Omladinac Zablaće ដែលស្ថិតនៅក្នុងលីគទី ៣ របស់ប្រទេសស៊ែប៊ី ខណៈដែល Soe Moe Kyaw ជាកីទ្បាករសញ្ជាតិមីយ៉ាន់ម៉ាវ័យ ២៥ ឆ្នាំបានចាកចេញពីក្លិបភ្នំពេញក្រោន មកចូលរួមជាមួយនឹង Tiffy Army FC នៅឆ្នាំ ២០២៤ ផងដែរ។ យ៉ាងណា ជុំវិញការបញ្ចប់កិច្ចសន្យារបស់ពួកគេនៅជើងទី ២ លោក ភា សុភ័ក្ក្រា បានប្រាប់ឱ្យដឹងថា៖ «ការហ្វឹកហាត់ចុងក្រោយរបស់ Nemanja និង Soe ដែលថ្នាក់ដឹកនាំ និងក្រុមការងារក្លិបបានសម្រេចចិត្តបញ្ចប់កិច្ចសន្យារបស់គាត់ សម្រាប់ការត្រៀមខ្លួននៅជើងទី ២ ក្រោមហេតុផលលើកត្តាបញ្ហារបួស។ យើងចាំបានថា Nemanja គាត់បានចូលរួមជាមួយនឹង Tiffy Army FC ក្នុងរយៈពេលដ៏ខ្លី ដើម្បីប្រកួតដំបូងនៅដើមរដូវកាល ដោយធ្វើឱ្យប៉ះពាល់បញ្ហាទ្រនាប់ឆ្អឹងជង្គង់រហូតដល់មានការវះកាត់។ ដូច្នេះហើយ ការវិលត្រលប់មកវិញរបស់គាត់មិនទាន់អាចគ្រប់គ្រាន់ការបង្ហញសមត្ថភាពដោយសារបញ្ហារបួសនៅ FULL នៅទ្បើយ។ ដោយទ្បែក សម្រាប់ Soe ដែលមានភារកិច្ចជាមួយក្លិប និងជម្រើសជាតិ ធ្វើឱ្យរូបគេមានការប្រកួតច្រើន ប៉ះពាល់កាយសម្បទារ និងបញ្ហារបួសរបស់គាត់ផងដែរ ហេតុនេះហើយ ការត្រៀមខ្លួនជើងទី ២ យើងបានផ្តោតសំខាន់លើយុវជន និងផ្តល់ឱកាសឱ្យកីទ្បាករកម្ពុជា បានបង្ហាញខ្លួនច្រើនរួមផ្សំនឹងជាមួយនឹងកីទ្បាករជប៉ុន ៣ នាក់ដែលយើងនៅតែបន្តគាត់លេងនៅរដូវកាលនេះ»។ បច្ចុប្បន្ននេះក្រុមដែលស្ថិតនៅក្រោមការដឹកនាំរបស់លោក ភា សុភ័ក្ក្រា កំពុងតែធ្វើមិនបានល្អទ្ប់ើយ ដោយឆ្លងកាត់ការប្រកួត ៥ លើកចុងក្រោយ ពួកគេមិនទាន់ស្គាល់រសជាតិឈ្នះម្តងទេ។ Tiffy Army FC ក៏កំពុងតែស្ថិតនៅចំណាត់ថ្នាក់លេខ ៨ ផងដែរ ដោយពួកគេមាន ១៤ ពិន្ទុ សម្រាប់ការប្រកួតសប្តាហ៍ទី ១៥ នៃក្របខណ្ឌលីគកំពូលកម្ពុជា Cambodia Premier League រដូវកាល ២០២៤-២៥៕

ព័ត៌មានកីឡាអាស៊ី

ប្រធានសហព័ន្ធបាល់ទាត់វៀតណាម VFF លោក Tran Quoc Tuan បានបញ្ជាក់ថា៖ VFF កំពុងពន្លឿនដំណើរការចូលសញ្ជាតិរបស់ Jason Quang Vinhnh Pendant (១៩៩៧) ដែលជាកីទ្បាករបារាំង-វៀតណាម។ ដំណើរការចូលសញ្ជាតិ Jason Quang Vinh Pendant ត្រូវបានគេរំពឹងថានឹងបញ្ចប់មុន ខែមីនា ឆ្នាំ២០២៤ ដើម្បីអនុញ្ញាតឱ្យរូបគេចូលរួមជាមួយនឹងក្រុមទាន់ពេលសម្រាប់ការប្រកួតសំខាន់ៗ។   Jason Quang Vinhnh Pendant មានម្តាយជាជនជាតិវៀតណាម និងឪពុកជាជនជាតិបារាំង។ បច្ចុប្បន្នរូបគេលេងតួនាទីជាខ្សែការពារកូដឆ្វេងឱ្យក្លិប Hanoi Police នៅក្នុងក្របខណ្ឌលីគកំពូលវៀតណាម V-League 1។ គួរជម្រាបថា រូបគេក៏ធ្លាប់លេងឱ្យក្រុមជម្រើសជាតិបារាំងអាយុក្រោម ១៦ និង ១៨ ឆ្នាំ ក៏ដូចជាលេងឱ្យក្លិប Sochaux និង Quevilly-Rouen នៅលីគទី ២ របស់ប្រទេសបារាំង ក្នុងឆ្នាំ២០២០ ហើយក្លិប New York Red ដែលស្ថិតនៅក្នុងក្រខណ្ឌលីគកំពូលអាម៉េរិក MLS ផងដែរ៕ ប្រភព៖ Aseanfootball

ព័ត៌មានកីឡាអាស៊ី

ក្រុមបាល់ទះបុរសវៀតណាមបានកំណត់គោលដៅឈានទៅវគ្គផ្តាច់ព្រ័ត្រនៃស៊ីហ្គេមលើកទី៣៣នៅឆ្នាំ២០២៥។ យ៉ាងណាក៏ដោយ បើតាមអ្នកជំនាញ និងគ្រូបង្វឹក Tran Dinh Tien ក្រុមរបស់គាត់ប្រាកដជាត្រូវប្រឈមមុខនឹងគូប្រជែងសំខាន់ៗជាច្រើនរួមមាន កម្ពុជា ឥណ្ឌូនេស៊ី ហ្វីលីពីន និងម្ចាស់ផ្ទះថៃ។

លោក Le Tri Truong បានមានប្រសាសន៍ថា៖ «យើងបានទទួលរបាយការណ៍បឋមពីគ្រូបង្វឹកក្រុមបាល់ទះបុរសអំពីផែនការអាជីពដែលត្រូវបានបង្កើតឡើង។ ស៊ីហ្គេមលើកទី 33 ឆ្នាំ 2025 រំពឹងថានឹងមានការប្រកួតប្រជែងខ្លាំងហើយកីឡាកររបស់យើងមានការប្តេជ្ញាចិត្តខ្ពស់»។

នៅស៊ីហ្គេមលើកទី៣១ ក្រុមបាល់ទះបុរសវៀតណាមបានឈានដល់វគ្គផ្តាច់ព្រ័ត្រដោយឈ្នះមេដាយប្រាក់មួយ (ចាញ់ឥណ្ឌូនេស៊ីនៅវគ្គផ្តាច់ព្រ័ត្រ)។ នៅ​ស៊ីហ្គេម​លើក​ទី​៣២ យើង​ឈ្នះ​បាន​មេដាយ​សំរឹទ្ធ​មួយ (ឈ្នះ​ថៃ​ក្នុង​ការ​ប្រកួត​លេខ​៣)។

បន្ទាប់ពី 2 ឆ្នាំ ក្រុមទាំងអស់បានធ្វើការផ្លាស់ប្តូរជាវិជ្ជមាន។ ក្រុម​បាល់ទះ​បុរស​វៀតណាម​ក៏​ត្រូវ​បន្ត​កម្លាំង​ដើម្បី​មាន​ឱកាស​ទទួល​បាន​ជោគជ័យ»។

នៅឆ្នាំ 2023 និង 2024 យើងនឹងមានឱកាសចូលរួមប្រកួតក្នុងការប្រកួត SEA V.League និង AVC Challenge Cup ដូច្នេះវានឹងក្លាយជាឱកាសសម្រាប់កីឡាករវៀតណាមដើម្បីទទួលបានបទពិសោធន៍ដ៏សំខាន់»។

យោងតាមការរៀបចំនេះ នាយកដ្ឋានកីឡា និងហ្វឹកហ្វឺនកាយសម្បទា នឹងបញ្ជូនក្រុមបាល់ទះបុរសវៀតណាមទៅកាន់មជ្ឈមណ្ឌលហ្វឹកហ្វឺនកីឡាជាតិ Da Nang ដើម្បីហ្វឹកហាត់ដើម្បីសម្របខ្លួនទៅនឹងអាកាសធាតុស្រដៀងនឹងប្រទេសថៃ។

លោកអគ្គលេខាធិការ Le Tri Truong បន្ថែមថា៖ “ប្រសិនបើកីឡាករបុរសវៀតណាមលេងបានល្អ យើងនឹងមានឱកាស។ នៅសល់ ១១ ខែទៀតរហូតដល់ស៊ីហ្គេមលើកទី ៣៣ ឆ្នាំ ២០២៥ កើតឡើង យើងនឹងចាប់ផ្តើមរៀបចំចាប់ពីពេលនេះតទៅ” ។

ព័ត៌មានកីឡាអាស៊ី

បន្ទាប់ពីរកបាន ២ គ្រាប់ម្នាក់ឯងក្នុងជំនួបវគ្គផ្តាច់ព្រ័ត្រ នៃពានរង្វាន់ ASEAN Cup ឆ្នាំ ២០២៤ នាជើងទី ១ ដែលក្រុមជម្រើសជាតិវៀតណាម បានយកឈ្នះលើថៃ បញ្ចប់លទ្ធផល ២-១ នៅឯកីទ្បដ្ឋាន​ Viet Tri ខ្សែប្រយុទ្ធ Nguyen Xuan Son មានសញ្ជាតិដើមប្រេស៊ីល ទទួលបានការគាំទ្រ និងពេញចិត្តយ៉ាងខ្លាំងពីសំណាក់អ្នកគាំទ្រជាតិ ក្រោយពីបង្ហាញគុណផល នៃលេងល្អខ្លាំងមែនទែន ប៉ុន្មានប្រកួតចុងក្រោយ។ ២ គ្រាប់របស់ Nguyen Xuan So ក៏បានធ្វើឱ្យក្រុមជម្រើសជាតិវៀតណាម បានបំបែកកំណត់ត្រាឈ្នះថៃនៅក្នុងដីខ្លួនឯងជាលើកដំបូងក្នុងរយៈពេល ២៧ ឆ្នាំផងដែរ។

យ៉ាងណា មុនពេលរូបគេបានបង្កើតកេរ្តិ៍ឈ្មោះដ៏ល្បីល្បាញនៅវៀតណាម បើក្រទ្បែកទៅ ៥ ឆ្នាំមុន Nguyen Xuan Son ព្យាយាមស្វែងរកឱកាសលេងនៅក្នុងប្រទេសថៃ។ កាលពីជំនាន់នោះ ភ្នាក់ងាររបស់រូបគេបានស្នើឱ្យកីទ្បាករទៅក្រុមលីគ ១ និង ២ របស់ថៃ ដើម្បីពិចារណារួមជាមួយនឹងថ្លៃនឿយហត់ ២៥ ម៉ឺនបាតក្នុង១ខែ ប៉ុន្តែមិនមានក្រុមថៃណាមួយទទួលនោះទេ។ ចុងក្រោយ Nguyen Xuan Son ក៏បានសម្រេចចិត្តផ្លាស់ទៅលេងឱ្យលីគកំពូលវៀតណាម ដោយលេងឱ្យក្លិប Nam Dinh F.C នៅឆ្នាំ ២០២០។

 

Nguyen Xuan Son បានបង្កើតកេរ្តិ៍ឈ្មោះដ៏ល្បីល្បាញនៅក្នុងបាល់ទាត់វៀតណាម រហូតដល់ទទួលបានសញ្ជាតិ និងត្រូវបានកោះហៅចូលក្រុមជម្រើសជាតិ ដើម្បីចូលរួមក្នុងងពានរង្វាន់ ASEAN Cup។ Nguyen Xuan Son បង្ហាញខ្លួនឱ្យវៀតណាម៤ប្រកួតរកបាន៧គ្រាប់ និងក្លាយជាកីទ្បាករដែលរកគ្រាប់បាល់ច្រើនជាងគេនៅក្នុងពានរង្វាន់ខាងលើនេះផងដែរ។  គួរជម្រាបថា ចំពោះប្រាក់ខែបច្ចុប្បន្នរបស់ខ្សែប្រយុទ្ធ Nguyen Xuan Son ប្រព័ន្ធផ្សព្វផ្សាយវៀតណាមបានរាយការណ៍ថាក្លិប Nam Dinh បានផ្តល់ថ្លៃនឿយហត់ដល់រូបគេប្រមាណជាង ២៥,០០០ ដុល្លារអាម៉េរិកទេក្នុង១ខែ៕

ប្រភព៖ Think Cirve

ព័ត៌មានកីឡាជាតិ

ក្លិបបឹងកេត បានចុះហត្ថលេខានាំយកខ្សែការពារកូនកាត់ហ្វីលីពីន-ន័រវេស Scott Wood ពីក្លិប Muangthong United នៃក្របខណ្ឌលីគទី១ របស់ប្រទេសថៃ ដើម្បីចូលរួមប្រកួតប្រជែង ក៏ដូចជាពង្រឹងក្រុមនៅប្រព័ន្ធខាងក្រោមបន្ថែមទៀត។ Scott Wood ដែលមានវ័យ ២៤ ឆ្នាំខាងលើនេះនឹងលេងឱ្យក្រុមបឹងកេត ដែលស្ថិតនៅក្រោមកាដឹកនាំរបស់លោក Conor Nestor ក្នុងនាមជាកីទ្បាករកូតាអាស៊ាន សម្រាប់ការប្រកួតជើងទី២ ក្នុងក្របខណ្ឌ Cambodia Premier League នារដូវកាល ២០២៤-២៥។

យ៉ាងណា មុនពេលផ្លាស់មកកាន់ក្លិបបឹងកេត ខ្សែការពារ Scott Wood មានបទសោធន៍ជាច្រើនលេងនៅក្នុងប្រទេសន័រវេស ដោយរូបគេលេងឱ្យក្លិប IL Flint ឆ្នាំ២០២២-២៣ និង Eik Tønsberg ឆ្នាំ២០២៣-២៤ នៅលីគទី៣ របស់ប្រទេសន័រវេស ក៏ដូចជាក្លិប Azkals Development Team ឆ្នាំ២០២២ នៅលីគកំពូលហ្វីលីពីន ហើយក្លិប Muangthong United ឆ្នាំ២០២៤-២៥ នៅលីគកំពូលថៃជាដើម។ មិនត្រឹមតែប៉ុណ្ណោះ កីទ្បាករ Scott Wood ក៏ធ្លាប់ជាប់ជម្រើសជាតិហ្វីលីពីនឈុតធំ និងអាយុក្រោម ២៣ឆ្នាំនៅឆ្នាំ២០២២-២៤ ផងដែរ។ គួរជម្រាបថា Scott Wood គឺជាកីទ្បាករទី ២ របស់ក្លិបបឹងកេត សម្រាប់ការនាំចូលនៅជើងទី ២ ក្នុងក្របខណ្ឌ Cambodia Premier League នាំអំទ្បុងពេលទីផ្សារដោះកីទ្បាករលើកទី ២ នៅកម្ពុជា បន្ទាប់ពីខ្សែការពារសញ្ជាតិអូស្ត្រាលី Alex Baker ដែលមានវ័យ ២៣ ឆ្នាំ៕

ព័ត៌មានកីឡាអាស៊ី

នៅទីបំផុត! ក្រុមជម្រើសជាតិវៀតណាម បានយកឈ្នះលើថៃ ក្នុងវគ្គផ្តាច់ព្រ័ត្រ នៃពានរង្វាន់ ASEAN Cup ឆ្នាំ ២០២៤ ជើងទី ១ ដោយបញ្ចប់លទ្ធផល ២-១ នៅឯកីទ្បដ្ឋាន Viet​ Tri​ ជាលើកដំបូងក្នុងរយៈពេល ២៧ ឆ្នាំ កាលពីយប់មិញ។ ២ គ្រាប់របស់ក្រុមជម្រើសជាតិវៀតណាម រកបានដោយខ្សែប្រយុទ្ធ Nguyễn Xuân Son ដែលជាកីទ្បាករចូលសញ្ជាតិចំនួន ២ គ្រាប់ម្នាក់ឯងនៅនាទី ៥៩ និង ៦៣ ខណៈដែលក្រុមជម្រើសជាតិថៃ រកបានដោយខ្សែការពារ Chalermsak Aukkee នៅនាទី ៨៣។

ជ័យជម្នះខាងលើនេះបានធ្វើឱ្យក្រុមជម្រើសជាតិវៀតណាម ដែលស្ថិតនៅក្រោមការចង្អុលបង្ហាញរបស់គ្រូបង្វឹកសញ្ជាតិកូរ៉េខាងត្បូង លោក Kim Sang-sik ដឹកនាំក្រុមនៅក្នុងការប្រកួតពានរង្វាន់ ASEAN Cup ឈ្នះថៃក្នុងទឹកដីខ្លួនឯងជាលើកដំបូងក្នុងរយៈពេល ២៧ ឆ្នាំ បន្ទាប់ពីពួកគេធ្លាប់ធ្វើបាននៅក្នុងឆ្នាំ ១៩៩៨ ដោយពួកគេបានឈ្នះ ៣-០ នៅវគ្គពាក់កណ្តាលផ្តាច់ព្រ័ត្រ។ គួរជម្រាបថា ការប្រកួតជើងទី ២ នៃពានរង្វាន់ខាងលើនេះរវាងក្រុមជម្រើសជាតិថៃ និងវៀតណាម ត្រូវលេងនៅឯពហុកីទ្បដ្ឋានជាតិ Rajamangala Stadium ក្នុងទីក្រុងបាងកក ប្រទេសថៃ ថ្ងៃទី០៥ ខែមករា ឆ្នាំ២០២៥ ខាងមុខនេះ៕

ព័ត៌មានកីឡាអាស៊ី

ខ្សែការពារជម្រើសជាតិថៃ Jonathan Khemdee បាននិយាយថាក្រុមរបស់ខ្លួនមិនគ្រាន់តែចង់លេងក្នុងការប្រកួតនេះទេ ហើយក៏នឹងព្យាយាម Attack ពួកគេ (វៀតណាម) ផងដែរ សម្រាប់ការប្រកួតវគ្គ ផ្តាច់ព្រ័ត្រ នៃពានរង្វាន់ ASEAN Cup ឆ្នាំ ២០២៤ នាជើងទី ១ យប់នេះ។

កីទ្បាករកូនកាត់ថៃ-ដាណឺម៉ាកវ័យ ២២ ឆ្នាំរូបនេះបាននិយាយថា៖ «ការប៉ះវៀតណាម គឺជារឿងដ៏ពិបាកមួយ។ ពួកគេមានអ្នកគាំទ្រជាច្រើន ហើយពួកគេក៏ជាក្រុមដ៏ល្អ ប៉ុន្តែពួកយើងនឹងព្យាយាមធ្វើឱ្យបានល្អ។ ខ្ញុំគិតថាពួកយើងអាចធ្វើវាបាន នៅពេលពួកយើងធ្វើដំណើរទៅកាន់វៀតណាម ពួកយើងមិនគ្រាន់តែចង់លេងក្នុងការប្រកួតនេះទេ ប៉ុន្តែពួកយើងនឹងព្យាយាម Attack ពួកគេ ហើយព្យាយាមមិនឱ្យរបូតគ្រាប់បាល់ផងដែរ»។

ការប្រកួតវគ្គផ្តាច់ព្រ័ត្រ នៃពានរង្វាន់ ASEAN Cup ឆ្នាំ ២០២៤ នាជើងទី ១ ដែលត្រូវលេងនៅឯកីទ្បដ្ឋាន Viet Chi Stadium វេលាម៉ោង ២០:០០ ថ្ងៃទី០២ ខែមករា  ខណៈដែលជើងទី ២ នឹងត្រូវលេងនៅឯពហុកីទ្បដ្ឋានជាតិ Rajamangala នាថ្ងៃទី០៥ ខែមករា ឆ្នាំ២០២៥ ខាងមុខនេះ៕

ប្រភព៖ Ball Thai

ព័ត៌មានកីឡាអន្តរជាតិ

ពិតជាមិនធម្មតាមែន! ខ្សែប្រយុទ្ធ Lionel Messi បានជាប់ជាកីឡាករដែលមានប្រជាប្រិយភាពបំផុតប្រចាំឆ្នាំ​២០២៤ ។ ការជ្រើសរើសកីឡាករដែលមានប្រជាប្រិយភាព ត្រូវបានគេធ្វើឡើងដោយផ្អែកលើទស្សនៈ ការបញ្ចេញមតិយោបល់ និងការចែករំលែកអត្ថបទដែលទាក់ទងនឹងកីឡាករ។

កីទ្បាករសញ្ជាតិធអាហ្សង់ទីនវ័យ ៣៧ ឆ្នាំខាងលើនេះទទួលបានពិន្ទុ ៣លាន ៦៥ម៉ឺន នាំមុខលើខ្សែប្រយុទ្ធសញ្ជាតិបារាំង Kylian Mbappe ដែលទទួលពិន្ទុបានតែ ៣លាន ៣៤ម៉ឺនប៉ុណ្ណោះ ។ Messi បានឈ្នះពានរង្វាន់ FIFA Best Male Player ឆ្នាំ ២០២៣ បានរួមចំណែកជួយឱ្យ Inter Miami ឈ្នះជើងឯក MLS រដូវកាលធម្មតា និងអាហ្សង់ទីនឈ្នះពាន Copa America ។

គួរជម្រាបថា សម្រាប់ចំណាត់ថ្នាក់លេខ ៣ ទៅលើកីទ្បាករសញ្ជាតិប្រេស៊ីល Vinicius JR ដែលទទួលបានពិន្ទុ ៣លាន ១២ម៉ឺន ខណៈដែលលេខ ៤ បានទៅលើ Jude ​Bellingham ជាមួយនឹងពិន្ទុ ២លាន៩២ម៉ឺន។ ដោយទ្បែក Cristiano Ronaldo ឈរនៅចំណាត់ថ្នាក់ទី ៥ ជាមួយនឹងពិន្ទុ ជាង ២លាន ៧០ម៉ឺន៕

ប្រភព៖ m.allfootballapp.com