(English) មន្ត្រីសេតវិមានបានបញ្ជាក់ថា៖ ប្រធានាធិបតីសហរដ្ឋអាមេរិក លោក ដូណាល់ ត្រាំ នឹងចូលរួមការប្រកួតវគ្គផ្តាច់ព្រ័ត្រ FIFA World Cup ឆ្នាំ២០២៦ នៅថ្ងៃអាទិត្យ រវាងអេស្ប៉ាញ និងអាហ្សង់ទីន នៅកីឡដ្ឋានពហុកីឡដ្ឋាន MetLife។ លេខាធិការសារព័ត៌មានសេតវិមាន លោកស្រី Karoline Leavitt បានប្រកាសថា លោក ត្រាំ នឹងបង្ហាញខ្លួនជាលើកដំបូងនៅក្នុងការប្រកួតនេះ សម្រាប់វគ្គផ្តាច់ព្រ័ត្រដ៏អស្ចារ្យ។ជាការបញ្ចប់ដ៏សមស្របមួយចំពោះការប្រកួត ដែលបង្ហាញពីសមត្ថភាពរបស់អាមេរិកក្នុងការធ្វើជាម្ចាស់ផ្ទះពិភពលោកនៅលើឆាកដ៏អស្ចារ្យបំផុត”។

ជាមួយគ្នានេះដែរប្រធាន FIFA លោក Gianni Infantino បានបង្ហាញថា៖ លោក ត្រាំ នឹងចូលរួមជាមួយលោកក្នុងការប្រគល់ពានរង្វាន់ World Cup ដល់ក្រុមដែលឈ្នះបន្ទាប់ពីវគ្គផ្តាច់ព្រ័ត្រ។ លោកស្រី Leavitt បាននិយាយថា លោកស្រីមិនប្រាកដថា ប្រធានាធិបតីនឹងគាំទ្រក្រុមណានៅវគ្គផ្តាច់ព្រ័ត្រនោះទេ ទោះបីជាមានភាពតានតឹងផ្នែកនយោបាយថ្មីៗរវាងលោក ត្រាំ និងអេស្ប៉ាញ បន្ទាប់ពីមានការអត្ថាធិប្បាយក្នុងកិច្ចប្រជុំកំពូល NATO កាលពីសប្តាហ៍មុន។

លោក ត្រាំ មិនបានចូលរួមការប្រកួតណាមួយក្នុងអំឡុងពេលការប្រកួតនោះទេ ប៉ុន្តែត្រូវបានគេរំពឹងថានឹងមានវត្តមានសម្រាប់ការប្រកួតជើងឯកនៅថ្ងៃអាទិត្យ។ការប្រកួតវគ្គផ្តាច់ព្រ័ត្រ FIFA World Cup ឆ្នាំ២០២៦ នឹងឃើញអេស្ប៉ាញប្រកួតជាមួយអាហ្សង់ទីន នៅកីឡដ្ឋាន MetLife ដោយប្រធាន FIFA លោក Gianni Infantino ក៏ត្រូវបានគេរំពឹងថានឹងចូលរួមក្នុងពិធីប្រគល់ពានរង្វាន់ក្រោយការប្រកួតផងដែរ៕

(English) អាវរបស់លោក Pele វីរបុរសបាល់ទាត់ប្រេស៊ីល ពេលស៊ុតបញ្ចូលទីបានពីរគ្រាប់ក្នុងវគ្គផ្តាច់ព្រ័ត្រ World Cup ឆ្នាំ១៩៥៨ ត្រូវបានលក់ដេញថ្លៃក្នុងតម្លៃ ៤,៩ លានដុល្លារ។ វាក៏បានក្លាយជាវត្ថុអនុស្សាវរីយ៍ដ៏មានតម្លៃបំផុតលំដាប់ទី ២ ផងដែរ។ នេះបើយោងតាមការចុះផ្សាយរបស់ក្រុមហ៊ុនដេញថ្លៃ Sotheby’s កាលពីថ្ងៃព្រហស្បតិ៍។

អាវយឺតនេះធ្លាប់ត្រូវបានលក់ដេញថ្លៃក្នុងឆ្នាំ ២០០៤ ក្នុងតម្លៃត្រឹមតែជាង ១០ ម៉ឺនដុល្លារប៉ុណ្ណោះ។ នេះបើយោងតាមប្រភពខាងលើ។ អាវលេខ ១០ ដែលពាក់ដោយកីឡាករអាយុ ១៧ ឆ្នាំនៅពេលនោះ ខណៈដែលប្រេស៊ីលបានយកឈ្នះម្ចាស់ផ្ទះស៊ុយអែត ៥-២ នៅទីក្រុងស្តុកហូម ដើម្បីឈ្នះពានរង្វាន់ពិភពលោកលើកដំបូងរបស់ពួកគេ បានទាក់ទាញការដេញថ្លៃចំនួន ១០ ពីអ្នកដេញថ្លៃ។

ការលក់នេះបានធ្វើឱ្យវាក្លាយជាអាវបាល់ទាត់ថ្លៃបំផុតទីពីរតាមពីក្រោយអាវរបស់លោក Diego Maradona ដែលលក់បានក្នុងតម្លៃជាង ៩,៣ លានដុល្លារក្នុងឆ្នាំ២០២២ នៅពេលដែលគាត់ស៊ុតបញ្ចូលទីគ្រាប់បាល់ “Hand of God” សម្រាប់អាហ្សង់ទីនទល់នឹងអង់គ្លេសនៅ World Cup ឆ្នាំ១៩៨៦។

លោក Pele ដែលបានទទួលមរណភាពនៅឆ្នាំ២០២២ ក្នុងអាយុ៨២ ឆ្នាំ បានស៊ុតបញ្ចូលទីបានពីរគ្រាប់ក្នុងការប្រកួតវគ្គផ្តាច់ព្រ័ត្រឆ្នាំ 1958 ហើយនៅតែជាកីឡាករវ័យក្មេងបំផុតដែលស៊ុតបញ្ចូលទីបានក្នុងវគ្គផ្តាច់ព្រ័ត្រនៃព្រឹត្តិការណ៍បាល់ទាត់ពិភពលោក៕

(English) ក្រុមអាហ្សង់ទីនប្រឈមមុខនឹងការពិន័យបន្ទាប់ពីកីឡាកររបស់ពួកគេបានអបអរសាទរជ័យជម្នះវគ្គពាក់កណ្តាលផ្តាច់ព្រ័ត្រ World Cup លើក្រុមអង់គ្លេសដោយលើកបដាដែលអះអាងថាពួកគេគឺជាម្ចាស់កោះ Falkland។

Lisandro Martinez ស៊ុតបញ្ចូលទីពីរគ្រាប់នៅចុងម៉ោងដើម្បីបំបែកបេះដូងអង់គ្លេសនៅទីក្រុងអាត្លង់តា ខណៈក្រុមការពារជើងឯកបានវាយបកពីការចាញ់មួយគ្រាប់ទៅជាជ័យជម្នះ ២-១វិញ។ បន្ទាប់ពីអាជ្ញាកណ្តាលផ្លុំកញ្ចែបញ្ចប់ការប្រកួត កីឡាកររបស់ពួកគេដែលរីករាយនឹងជ័យជម្នះបានលើកបដាមួយសរសេរថា “Las Malvinas son Argentinas”  ដែលបកប្រែថា “កោះហ្វកឡែនគឺជាប្រទេសអាហ្សង់ទីន។ប្រធានក្រុម Tottenham គឺ Cristian Romero អតីតខ្សែបម្រើក្រុម Spurs គឺ Giovani Lo Celso និងខ្សែការពារក្រុម Manchester United គឺ Lisandro Martinez ស្ថិតក្នុងចំណោមអ្នកដែលកាន់បដានោះដែរ។

ខ្សែបម្រើ Leandro Paredes បានប្រាប់អ្នកយកព័ត៌មានម្នាក់នៅក្នុងបទសម្ភាសន៍ក្រោយការប្រកួតថា កោះហ្វកឡែន នឹងនៅតែជាទឺកដីប្រទេសអាហ្សង់ទីនជានិច្ច”។កោះហ្វកឡែនគឺជាទឹកដីនៅក្រៅប្រទេសរបស់អង់គ្លេសនៅភាគនិរតីនៃមហាសមុទ្រអាត្លង់ទិក ចម្ងាយជាង៤៨០គីឡូម៉ែត្រពីឆ្នេរសមុទ្រខាងកើតរបស់ប្រទេសអាហ្សង់ទីន។ ប្រទេសអាហ្សង់ទីនបានជំទាស់ថាខ្លួនគួរតែជាកម្មសិទ្ធិរបស់ចក្រភពអង់គ្លេស ហើយថែមទាំងបានធ្វើសង្គ្រាមដណ្តើមយកទឹកដីនេះរវាងខែមេសា និងខែមិថុនា ឆ្នាំ១៩៨២។

ជម្លោះរយៈពេល ៧៤ថ្ងៃបាននាំឱ្យមានការស្លាប់របស់ទាហានអង់គ្លេសចំនួន ២៥៥នាក់ និងទាហានអាហ្សង់ទីនចំនួន ៦៥៥នាក់ ខណៈដែលមនុស្សបីនាក់មកពីកោះទាំងនោះក៏បានស្លាប់ផងដែរ។ FIFA បានដាក់ពិន័យអាហ្សង់ទីនចំនួនជាង៣០០០០ដុល្លារ រួចហើយក្នុងឆ្នាំ២០១៤ ចំពោះការលើកបដាដែលមានសារដូចគ្នាមុនពេលការប្រកួតមិត្តភាពជាមួយស្លូវេនី៕

(English) នៅមុនថ្ងៃប្រកួតផ្តាច់ព្រ័ត្រនៃព្រឹត្តិការណ៍បាល់ទាត់ពិភពលោកឆ្នាំ២០២៦ រវាងអាហ្សង់ទីន និងអេស្ប៉ាញ លោក Lionel Scaloni បានធ្វើឲ្យមនុស្សគ្រប់គ្នាភ្ញាក់ផ្អើលជាមួយនឹងសារមួយផ្ញើទៅកាន់អ្នកគាំទ្រអេស្ប៉ាញ ដោយបង្ហាញពីមរតកដ៏ធំសម្បើមដែល Lionel Messi បានបន្សល់ទុកក្នុងអំឡុងពេលដែលគាត់លេងបាល់ទាត់អេស្ប៉ាញ។ គ្រូបង្វឹកអាហ្សង់ទីនបានសម្តែងក្តីសង្ឃឹមរបស់គាត់ថា នៅក្នុងប្រទេសអេស្ប៉ាញ ពួកគេក៏កោតសរសើរចំពោះវត្តមានរបស់ប្រធានក្រុម Albiceleste ក្នុងវគ្គផ្តាច់ព្រ័ត្រព្រឹត្តិការណ៍បាល់ទាត់ពិភពលោកមួយផ្សេងទៀតផងដែរ។

លោកបាននិយាយថា “ខ្ញុំសង្ឃឹមថាជនជាតិអេស្ប៉ាញមានសេចក្តីសោមនស្សរីករាយដែលអាហ្សង់ទីនបានឡើងដល់វគ្គផ្តាច់ព្រ័ត្រ សម្រាប់សេចក្តីរីករាយទាំងអស់ដែល Leo Messi បានផ្តល់ឱ្យប្រទេសនោះ។ ខ្ញុំសង្ឃឹមថាពួកគេអាចយល់ពីទំហំពិតរបស់កីឡាកររូបនេះ”។

លោក Scaloni កាន់តែសង្កត់ធ្ងន់ថែមទៀតនៅពេលសំដៅទៅលើការជជែកវែកញែកអំពីកីឡាករបាល់ទាត់ដ៏អស្ចារ្យបំផុតគ្រប់ពេល។ លោកបានប្រកាសថា “តើគាត់ត្រូវធ្វើអ្វីខ្លះទៀតដើម្បីក្លាយជាកីឡាករបាល់ទាត់ដ៏ល្អបំផុតក្នុងប្រវត្តិសាស្ត្រ? សម្រាប់ខ្ញុំ គ្មានការសង្ស័យអ្វីឡើយ”។ គ្រូបង្វឹកបានបញ្ចប់សាររបស់លោកដោយអញ្ជើញអេស្ប៉ាញឱ្យរីករាយនឹងឱកាសដើម្បីមើល Messi លេងក្នុងវគ្គផ្តាច់ព្រ័ត្រព្រឹត្តិការណ៍បាល់ទាត់ពិភពលោកមួយផ្សេងទៀត។ លោកបានសន្និដ្ឋានថា “សូមឱ្យអេស្ប៉ាញរីករាយនឹងវាដែរ”៕

(English) សម្រាប់ជំនួបរវាងក្រុមជើងឯកការពារតំណែងជើងឯកអាហ្សង់ទីននិងតោកំណាចអង់គ្លេសវគ្គពាក់កណ្តាលផ្តាច់ព្រ័ត្រនៅរាត្រីពុធនេះ នៅទីក្រុងអាត្លង់តា សហរដ្ឋអាមេរិក កីឡាករ Lionel Messi និងក្រុមរបស់លោកនឹងប្តូរអាវឆ្នូតពណ៌ខៀវផ្ទៃមេឃ និងសតាមបែបប្រពៃណីរទៅជាឈុតពណ៌ខៀវចាស់វិញ ក្រោមហេតុផលអបិយជំនឿ។

ជុំវិញនឹងបញ្ហានេះអ្នកចាត់ការក្រុមអង់គ្លេស Thomas Tuchel យល់ពីអបិយជំនឿនេះ តែលោកមិនបារម្ភទេ។លោកបានប្រាប់អ្នកយកព័ត៌មានកាលពីថ្ងៃអង្គារថា ខ្ញុំនឹងធ្វើដូចគ្នាប្រសិនបើមានអបិយជំនឿណាមួយផ្សំជាមួយវា។ ដូច្នេះសូមសរសើរដល់ពួកគេ។ ខ្ញុំមិនបានដឹងអំពីរឿងនោះទេ។

គ្រូបង្វឹកជនជាតិអាល្លឺម៉ង់រូបនេះបានទទួលស្គាល់ថា អបិយជំនឿនៅតែជាកម្លាំងដ៏មានឥទ្ធិពលមួយ។ជាមួយគ្នានេះដែរលោក Thomas Tuchelបាននិយាយបែបលេងសេីចថា ខ្ញុំមានទម្លាប់និងអបិយជំនឿរបស់ខ្ញុំ។ ខ្ញុំនឹងមិនប្រាប់អ្នកទេ ព្រោះអបិយជំនឿមួយទៀតគឺថា ប្រសិនបើខ្ញុំប្រាប់អ្នក វានឹងមិនស័ក្តិសិទ្ធទេ។ គាត់និយាយ ដែលធ្វើឲ្យសើច។ ជាការពិតណាស់ យើងក៏មានមន្តស្នេហ៍របស់យើងផងដែរ ហើយរឿងទាំងនេះគឺជារឿងធម្មតានៅក្នុងកីឡាកម្រិតខ្ពស់។

ជាការឆ្លើយតបទៅនឹងអបិយជំនឿនេះ គ្រូបង្វឹកអាហ្សង់ទីនលោក Lionel Scaloni បាននិយាយថាប្រសិនបើជម្រើសអាវត្រូវបានជំរុញដោយប្រវត្តិសាស្ត្រ និងអបិយជំនឿ ខ្ញុំហាក់ដូចជាស្ទាក់ស្ទើរក្នុងការទទួលយករឿងរ៉ាវនេះ។មែនហើយ ខ្ញុំមិនបានសុំប្តូរពណ៌ខៀវទេ។ ខ្ញុំមិនដឹងថាអ្នកណាសុំទេ ប៉ុន្តែប្រហែលជាវាជាប្រពៃណី។

ក្រុមអាហ្សង់ទីនបានពាក់អាវពណ៌ខៀវចាស់ទល់នឹងក្រុមអង់គ្លេសក្នុងវគ្គ៨ក្រុមចុងក្រោយនៃព្រឹត្តិការណ៍បាល់ទាត់ពិភពលោកឆ្នាំ១៩៨៦នៅប្រទេសម៉ិកស៊ិក នៅពេលដែលកីឡាករ Diego Maradona បានស៊ុតបញ្ចូលទីគ្រាប់បាល់ដ៏ល្បីល្បាញរបស់គាត់ដែលគេហៅថា “Hand of God” និងការស៊ុតបញ្ចូលទីដ៏អស្ចារ្យរបស់គាត់ ដែលត្រូវបានគេដាក់រហ័សនាមថាជា គ្រាប់បាល់នៃសតវត្សរ៍ ក្នុងជ័យជម្នះ ២-១។

ដប់ពីរឆ្នាំក្រោយមក ក្រុមអាហ្សង់ទីនបានពាក់អាវពណ៌ខៀវចាស់ម្តងទៀតនៅពេលដែលពួកគេបានទម្លាក់ក្រុមអង់គ្លេសដោយការទាត់បាល់ប៉េណាល់ទីក្នុងវគ្គ១៦ក្រុមចុងក្រោយនៃព្រឹត្តិការណ៍បាល់ទាត់ពិភពលោកឆ្នាំ១៩៩៨ នៅប្រទេសបារាំង បន្ទាប់ពីលទ្ធផលស្មើ ២-២៕

(English) យោងតាមការចេញផ្សាយរបស់គេហទំព័រ m.allfootballapp.com បានឲ្យដឹងថា គ្រាប់បាល់ស៊ុតបញ្ចូលទីនៅក្នុងការប្រកួតពានរង្វាន់បាល់ទាត់ពិភពលោកឆ្នាំ ២០២៦ នេះមានអត្រាខ្ពស់បំផុតបេីធៀបទៅនឹងឆ្នាំមុនៗ។ ប្រភពដដែលនោះបានបន្តថា ជាមធ្យមមានគ្រាប់បាល់ចូលទី ២,៩២ គ្រាប់ក្នុងមួយប្រកួត ដែលជាចំនួនខ្ពស់បំផុតគិតចាប់តាំងពីឆ្នាំ១៩៧០។

ព្រឹត្តិការណ៍ FIFA World Cup មកដល់ពេលនេះមានការប្រកួតចំនួន១០០លើក ដោយមានគ្រាប់បាល់បញ្ចូលទីសរុបចំនួន២៩២ គ្រាប់គិតជជាមធ្យមមានគ្រាប់បាល់២,៩២  គ្រាប់ក្នុងមួយប្រកួត ដែលជាចំនួនខ្ពស់បំផុតចាប់តាំងពីឆ្នាំ១៩៧០។ ស្តិតការប្រកួតបាល់ទាត់បីលើកចុងក្រោយនេះគឺឆ្នាំ ២០១៨ ស៊ុតបាន ២,៦៤ក្នុងមួយប្រកួតទាបជាង ២០២២ ដែលជាមធ្យមស៊ុតបាន ២,៦៩ក្នុងមួយប្រកួត៕

(English) នាល្ងាចថ្ងៃទី១៤ ខែកក្កដា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានក្រុុមបាល់ទាត់ ស.ស.យ.ក. អលស្តារ បានអញ្ជើញជាអធិបតីក្នុងពិធីប្រកាសទទួលស្គាល់សមាសភាពកីឡាករក្រុមបាល់ទាត់ស.ស.យ.ក. អលស្តារ (UYFC All Star FT) នៅអគារ The Kampus។ ពិធីនេះមានការអញ្ជើញចូលរួមពីសំណាក់ ឯកឧត្តមអភិសន្តិបណ្ឌិត ស សុខា អនុប្រធាន ស.ស.យ.ក. ឯកឧត្តម លោកជំទាវ អនុប្រធា សមាជិក សមាជិកា គណៈអចិន្ត្រៃយ៍ ឯកឧត្តម លោកជំទាវ អ្នកឧកញ៉ា លោក លោកស្រី ភ្ញៀវកិត្តិយសដែលជាដៃគូសហការឧបត្ថម្ភ កីឡាករ និងក្រុមការងារចំណុះក្រុមបាល់ទាត់ ស.ស.យ.ក. អលស្តារ យ៉ាងច្រើនកុះករ។

ជាកិច្ចចាប់ផ្តើម ឯកឧត្តម សំហេង បុរស អនុប្រធានក្រុមបាល់ទាត់ ស.ស.យ.ក. អលស្តារ បានស្វាគមន៍យ៉ាងកក់ក្ដៅ ចំពោះវត្តមានដ៏ខ្ពង់ខ្ពស់របស់ ឯកឧត្តម ហ៊ុន ម៉ានី និងបានឡើងអានសេចក្តីសម្រេចទទួលស្គាល់សមាសភាពជាផ្លូវការ។

ជាកិច្ចបន្ទាប់ ឯកឧត្តម គួច វែងស្រ៊ុន អនុប្រធាន និងជាអ្នកចាត់ការទូទៅក្រុមបាល់ទាត់ ស.ស.យ.ក. អលស្តារ (UYFC All Star FT) បានធ្វើរបាយការសង្ខេប និងសម្តែងនូវការដឹងគុណយ៉ាងជ្រាលជ្រៅបំផុត ចំពោះឯកឧត្តម ហ៊ុន ម៉ានី ដែលតែងតែផ្តល់ការគាំទ្រយ៉ាងពេញទំហឹង ក៏ដូចជាឧបត្ថម្ភគាំទ្រដល់ក្រុមបាល់ទាត់ ឱ្យមានដំណើរការរីកចម្រើនជាបន្តបន្ទាប់។ ជាមួយគ្នានេះ ឯកឧត្តមក៏បានដាក់ចេញនូវការប្តេជ្ញាចិត្តយ៉ាងមុតមាំ ក្នុងការដឹកនាំស្មារតីក្រុមឱ្យមានសាមគ្គីភាព និងវិន័យខ្ពស់ រក្សាឱ្យបានដាច់ខាតនូវគោលការណ៍ស្នូល បន្តសកម្មភាពមនុស្សធម៌ដើម្បីបម្រើសង្គមជាតិ និងខិតខំពង្រីកសមាជិកភាពបន្ថែមទៀត ក្រោមស្មារតីរឹងមាំគឺ «កីឡា មិត្តភាព សប្បុរស»។

ថ្លែងមតិស្វាគមន៍ទៅកាន់អង្គពិធី ឯកឧត្តម ហ៊ុន ម៉ានី ប្រធានស.ស.យ.ក. និងប្រធានក្រុមបាល់ទាត់ ស.ស.យ.ក.អលស្តារ ក៏បានអបអរសាទរ និងស្វាគមន៍យ៉ាងកក់ក្តៅចំពោះសមាសភាពកីឡាករក្រុមបាល់ទាត់ ស.ស.យ.ក. អលស្តារ ដែលត្រូវបានទទួលស្គាល់ជាផ្លូវការនាពេលនេះ។ ជាមួយគ្នានេះ ឯកឧត្តមបានកោតសរសើរ វាយតម្លៃខ្ពស់ និងថ្លែងអំណរគុណយ៉ាងជ្រាលជ្រៅចំពោះ លោកគ្រូបង្វឹក និងកីឡាករទាំងអស់ ដែលបានស្ម័គ្រចិត្តចូលរួមក្នុងក្រុមបាល់ទាត់ ស.ស.យ.ក. អលស្តារ កន្លងមក ក្នុងសកម្មភាពសប្បុរសធម៌ និងមនុស្សធម៌ដើម្បីជួយដល់សង្គមជាតិ ព្រមទាំងប្តេជ្ញាចិត្តរួមគ្នាសម្រេចបាននូវទិសដៅការងាររបស់ក្រុមទាំងមូល។ទន្ទឹងនឹងនេះ ឯកឧត្តម ក៏បានគូសបញ្ជាក់ផងដែរថា ជំនួបគ្នាក្នុងថ្ងៃនេះមានសារៈសំខាន់បំផុត ពីព្រោះកីឡាបាននាំមកនូវឱកាសឱ្យយើងបានជួបជុំគ្នា និងកសាងនូវមិត្តភាព។ ភាពរឹងមាំ និងការរីកចម្រើននៃសង្គមជាតិមួយ គឺពិតជាត្រូវចាប់ផ្តើមចេញពីការកសាងស្មារតីមិត្តភាព និងសាមគ្គីភាពនេះឯង។

សូមជម្រាបជូនថា គោលបំណងសំខាន់នៃការបង្កើតក្រុមនេះឡើង គឺឈរលើស្មារតី «កីឡា មិត្តភាព សប្បុរសធម៌» ដើម្បីប្រមូលផ្តុំអ្នកស្នេហាវិស័យកីឡាបាល់ទាត់ លើកកម្ពស់សុខភាព សាមគ្គីភាព និងបង្កើតសកម្មភាពសង្គម ស្របតាមទិសដៅយុទ្ធសាស្ត្រ «ប្រជាជនម្នាក់លេងកីឡាមួយប្រភេទយ៉ាងតិចប្រចាំជីវិត»៕

(English) ក្រសួងយុត្តិធម៌សហរដ្ឋអាមេរិក និងការិយាល័យស៊ើបអង្កេតសហព័ន្ធ (FBI) បានបើកការស៊ើបអង្កេតបឋមមួយលើសមាគមបាល់ទាត់អាហ្សង់ទីនពីបទសង្ស័យថាមានកំហុសផ្នែកហិរញ្ញវត្ថុដែលទាក់ទងនឹងព្រឹត្តិការណ៍ FIFA World Cup ដែលកំពុងដំណើរការ។

FBI ក៏បានពង្រីកការស៊ើបអង្កេតរបស់ខ្លួនទៅកាន់ប្រធាន AFA លោក Claudio Tapia ផងដែរ។ យោងតាមគេហទំព័រ ​​GOAL អាជ្ញាធរសហព័ន្ធកំពុងពិនិត្យយ៉ាងម៉ត់ចត់ថាតើប្រាក់ប្រមាណ ៣០០ លានដុល្លារ ដែលជាប់ទាក់ទងនឹងកិច្ចព្រមព្រៀងឧបត្ថម្ភ និងប្រតិបត្តិការហិរញ្ញវត្ថុភាគីទីបីដែលបានឆ្លងកាត់ស្ថាប័នហិរញ្ញវត្ថុអាមេរិកក្នុងអំឡុងពេលនៃការប្រកួតនេះ គឺជាការក្លែងបន្លំតាមប្រព័ន្ធអេឡិចត្រូនិក ឬការលាងលុយកខ្វក់ក្រោមច្បាប់អាមេរិកឬអត់។

ចំណែកឯកាសែត Miami Herald បានរាយការណ៍អំពីការស៊ើបអង្កេតនេះ ដោយកត់សម្គាល់ថា ការផ្តោតសំខាន់ផ្តោតលើប្រតិបត្តិការដែលបានបញ្ជូនតាមរយៈធនាគារអាមេរិក នៅពេលដែលសហរដ្ឋអាមេរិកកំពុងធ្វើជាម្ចាស់ផ្ទះព្រឹត្តិការណ៍បាល់ទាត់ពិភពលោករួមគ្នាជាមួយកាណាដា និងម៉ិកស៊ិក។  ការស៊ើបអង្កេតរបស់ FBI បានបន្ថែមបន្ទុកផ្លូវច្បាប់ដ៏សំខាន់មួយទៅក្នុងការប្រកួតដ៏ច្របូកច្របល់រួចទៅហើយសម្រាប់ប្រទេសអាហ្សង់ទីន។

ប្រទេសអាល់ហ្សេរី និង​អេហ្ស៊ីប​សុទ្ធតែ​បាន​ដាក់​ញត្តិ​ផ្លូវការ​ដាច់ដោយឡែក​ពីគ្នា​ប្រឆាំង​នឹង​អាហ្សង់ទីន​នៅ​ព្រឹត្តិការណ៍ World Cup ទោះបីមិនមាន​មូលដ្ឋាន​ជាក់លាក់​ ​រៀបរាប់​លម្អិត​នៅក្នុង​បណ្តឹងនោះក៏ដោយ៕

(English) លោកស្រី Kely Nascimento អ្នកផលិតខ្សែភាពយន្ត និងជាកូនស្រីច្បងរបស់អតីតវីរបុរសបាល់ទាត់ប្រេស៊ីលលោកតា Pele បានប្រាប់សារព័តមានរ៉យទ័រក្នុងបទសម្ភាសន៍មួយថា ប្រព័ន្ធបាល់ទាត់របស់ប្រទេសប្រេស៊ីលត្រូវបានខូចខ្ទេចខ្ទីអស់ហេីយ ដោយសាកង្វះតម្លាភាព និងការទទួលខុសត្រូវនៅក្នុងរដ្ឋបាលរបស់ខ្លួនដែលឆ្លុះបញ្ចាំងយ៉ាងច្បាស់តាមរយៈការសម្តែងរបស់ក្រុមជម្រើសជាតិ។

លោកស្រីបានបញ្ជាក់ថាបាល់ទាត់ប្រេស៊ីលត្រូវបានខូច។ មិនថាវាជាអំពើពុករលួយទេ… វាដូចជាប្រព័ន្ធអេកូឡូស៊ីដែលបិទជិត និងមានភាពស្និទ្ធស្នាលខ្លាំង ដែលគ្មាននរណាម្នាក់អាចមើលឃើញខាងក្នុង ហើយមនុស្សគ្រប់គ្នាដឹងពីមូលហេតុដែលវាមិនដំណើរការ ប៉ុន្តែគ្មាននរណាម្នាក់អាចជួសជុលវាបាននោះទេ។ លោកស្រីបានបន្តថា ទេពកោសល្យដ៏សម្បូរបែបរបស់ប្រទេសនេះបានបន្តផលិតកីឡាករកំពូលៗ ប៉ុន្តែការតស៊ូរបស់ពួកគេនៅលើឆាកអន្តរជាតិគឺជារោគសញ្ញានៃបញ្ហារចនាសម្ព័ន្ធកាន់តែជ្រៅ។

ប្រេស៊ីលត្រូវបានជម្រុះចេញពីព្រឹត្តិការណ៍ World Cup ឆ្នាំនេះ បន្ទាប់ពីចាញ់ន័រវេស២-១ កាលពីថ្ងៃអាទិត្យ ដែលជាលើកដំបូងដែលពួកគេបានបរាជ័យក្នុងការឡើងដល់វគ្គ ៨ ក្រុមចុងក្រោយចាប់តាំងពីឆ្នាំ១៩៩០។ ពួកគេបានឈ្នះព្រឹត្តិការណ៍ World Cup ចុងក្រោយក្នុងចំណោមព្រឹត្តិការណ៍ World Cup ទាំងប្រាំដែលពួកគេបានឈ្នះក្នុងឆ្នាំ២០០២។

នាងបានបន្ថែមថាឪពុករបស់នាងដែលបានទទួលមរណភាពបានសម្តែងការព្រួយបារម្ភជាយូរមកហើយអំពីស្ថានភាពបាល់ទាត់ប្រេស៊ីល ហើយបានប្រៀបធៀបការធ្លាក់ចុះរបស់ប្រទេសជាមួយប្រទេសបារាំង ដែលនាងបាននិយាយថា ហាក់ដូចជាបានកសាងប្រព័ន្ធដែលមានប្រសិទ្ធភាពជាង៕