(English)

ក្លិបបាល់ទាត់ អឹមអូអាយ កំពង់ដេវ៉ា បានចុះហត្ថលេខាលើខ្សែ​បម្រើ Arthur Lucas របស់ព្រះខ័នរាជស្វាយរៀងក្នុងលក្ខខណ្ឌខ្ចីជើងរយៈពេលខ្លី ពោលគឺពីពេលនេះរហូតដល់បញ្ចប់រដូវកាល។

ការចូលរួមជាមួយនឹងក្រុមខាងលើនេះកីទ្បាករកូនកាត់ខ្មែរ-បារាំងវ័យ ២៧ ឆ្នាំរូបនេះត្រូវគេរំពឹងថានឹងមានឱកាសបង្ហាញខ្លួនច្រើនជាងកាលពីលេងព្រះខ័នរាជស្វាយរៀង ពិសេសក្នុងការប្រកួតជើងទី២ ក៏ដូចជាពានរង្វាន់ផ្សេងៗនៅក្នុងស្រុក ដើម្បីឈានទៅពង្រឹងសមត្ថភាពរបស់គេបន្ថែមទៀត។ គួរជម្រាបថា Arthur Lucas បានផ្លាស់មកកាន់ក្លិបព្រះខ័នរាជស្វាយរៀង កាលពីដើមខែមករា ឆ្នាំ២០២៥ មកម្ល៉េះ បន្ទាប់ពីរូបគេចាកចេញពីក្លិប Jura Dolois Football ក្នុងក្របខណ្ឌលីគទី ៥ របស់ប្រទេសបារាំង៕

អត្តបទ៖ យ៉េ សេរីជប៉ុន

(English) យោងតាមប្រភពព័ត៌មានBBC ចេញផ្សាយកាលពីថ្ងៃចន្ទ ទី ២៤ វិច្ឆិកា ២០២៥ បានឲ្យដឹងថា អ្នកចាត់ការក្រុមបាល់ទាត់ដែលបម្រើការយូរជាងគេបំផុតរបស់ពិភពលោកទទួលស្គាល់ដោយសៀវភៅកំណត់ត្រា Guinness លោក Roly Howard បានទទួលមរណភាពក្នុងវ័យ៩០ឆ្នាំ ។ ការស្លាប់របស់លោក Howard ត្រូវបានប្រកាសមុនពេលការប្រកួតលីគជាតិចាប់ផ្តើមកាលពីថ្ងៃសៅរ៍ ខណៈដែលការស្មឹងស្មាធមួយនាទីត្រូវបានធ្វើឡើងដើម្បីគោរពវិញ្ញាណក្ខន្ធ។ លោក Paul Leary ប្រធានកងម៉ារីនបានសម្តែងការគោរព ដោយប្រាប់វិទ្យុ BBC Merseyside ថា គាត់គឺជាវីរបុរស។ អស់រយៈពេល៣៣ ឆ្នាំ លោកបានផ្តល់អ្វីៗគ្រប់យ៉ាងដល់ក្លឹបបាល់ទាត់កងម៉ារីន ហើយគាត់ទទួលបានជោគជ័យ។

លោក Roly Howard ដឹកនាំ ការប្រកួតដំបូង នៅថ្ងៃទី១២ខែសីហា ឆ្នាំ១៩៧២ បន្តរហូតដល់រដូវកាល២០០៤-០៥ដែលជារដូវកាលទី៣៣និងជារដូវកាលចុងក្រោយរបស់គាត់។ ក្នុងអំឡុងពេលនោះ លោក Howard បានចូលរួមក្នុងការប្រកួតចំនួន១៩៧៥ ដោយឈ្នះពានរង្វាន់លីគចំនួនប្រាំ និងការប្រកួតពានរង្វាន់ខាប់ចំនួន១៥ រួមទាំងជ័យជម្នះចំនួនប្រាំបីលើកនៅក្នុងពានរង្វាន់ Liverpool Senior Cup និងបួនលើកនៅក្នុងពានរង្វាន់ Lancashire FA Trophy។ Howard ក៏បានគ្រប់គ្រងក្រុមតំណាង Northern Premier League អស់រយៈពេល ១៦ ឆ្នាំផងដែរ៕

(English) ក្រុមជម្រីសជាតិ នីហ្សេរីយ៉ា​អាច​នឹង​ទទួល​បាន​ឱកាស​ប្រកួត​បាល់ទាត់​អន្តរជាតិ​នៅ​ឆ្នាំ២០២៦ បើ​ទោះ​ជា​ក្រុមរបស់គេ មិន​បាន​ចូលរួម​ព្រឹត្តិការណ៍ FIFA World Cup២០២៦  ដែលរៀបចំដោយសហម្ចាស់ផ្ទះ អាមេរិក កាណាដា និង ម៉ិកសិក​ ក៏​ដោយ។  របាយការណ៍​បាន​បង្ហាញ​ថា រុស្ស៊ី​កំពុង​ស្នើ​ឲ្យ​មាន​ការ​ប្រកួត​ប្រជែងលក្ខណៈអន្តរជាតិមួយ​សម្រាប់​តែ​ប្រទេស​ដែល​មិន​បាន​ចូល​រួម​ព្រឹត្តិការណ៍ World Cup ២០២៦។

គំនិតផ្តួចផ្តើមរបស់រុស្ស៊ី ដែលមិនទាន់ផ្លូវការនៅឡើយទេ ប៉ុន្តែកំពុងទទួលបានការចាប់អារម្មណ៍ មានគោលបំណងដើម្បីផ្តល់ឱកាសប្រកួតប្រជែង និងការបង្ហាញសមត្ថភាពសម្រាប់ក្រុមដែលត្រូវបានដកចេញពីការប្រកួតដ៏សំខាន់។

យោងតាម ​​World Soccer Talk ផែនការនេះត្រូវបានគេរាយការណ៍ថាផ្តោតលើប្រទេសចំនួនប្រាំបីទៅដប់ពីរ ដោយមានក្រុម Super Eagles របស់ប្រទេសនីហ្សេរីយ៉ាស្ថិតក្នុងចំណោមនោះដែរ។ អ្នកចូលរួមដែលមានសក្តានុពលផ្សេងទៀតរួមមាន រុស្ស៊ី ស៊ែប៊ី ក្រិក ឈីលី ប៉េរូ វេណេស៊ុយអេឡា កាមេរូន ចិន និងអាមេនី។ ដោយប្រើប្រាស់ពហុកីឡដ្ឋានពីព្រឹត្តិការណ៍បាល់ទាត់ពិភពលោកឆ្នាំ ២០១៨ ៕

ប្រភព៖ Legit.ng

(English) ទីភ្នាក់ងារទិញដូរ កីឡាកររបស់ប្រទេសអារ៉ាប៊ីសាអូឌីតបានផ្តល់ជូនសំណើដ៏គួរឱ្យទាក់ទាញមួយដែលមានតម្លៃសរុបជាង១ពាន់លានដុល្លារសម្រាប់កីឡាក Vinicius ក្នុងរយៈពេលប្រាំរដូវកាល ។នេះបើយោងតាមលោក Ben Jacobs អ្នករាយការណ៍ព័ត៌មានកីឡារបស់គេហទំព័រ Givemesport.com ។ ប្រភពដដែលបានបន្តថាក្លឹបបាល់ទាត់អារ៉ាប៊ីសាអ៊ូឌីត (តែគេមិនទាន់ប្រាប់ឈ្មោះក្លឹប) នឹងផ្តល់តម្លៃខ្លួនដល់កីឡាករ Vinicius ជាង​២៨៨លានដុល្លារ ក្នុងមួយឆ្នាំបន្ទាប់ពីបង់ពន្ធសម្រាប់រយៈពេលប្រាំឆ្នាំ ប្រសិនបើគាត់សម្រេចចិត្តទទួលយកកិច្ចព្រមព្រៀងនេះ។

ទោះបីជាគេមិនទាន់បង្ហេីបឲ្យដឹងថា ក្លិបបាល់ទាត់ណាមួយរបស់ អារ៉ាប៊ីសាអ៊ូឌីត ក៏ប៉ុន្តែទំនងជា Al-Ahli ដែលមានមូលដ្ឋាននៅទីក្រុង Jeddah ។ អារ៉ាប៊ីសាអូឌីតបានតាមដានការជាប់គាំងកិច្ចសន្យារបស់ Vinicius ជាមួយ Real Madrid អស់រយៈពេលជាងមួយឆ្នាំ។

កាលពីពេលថ្មីៗនេះមានព័ត៌មានលេចឭថា  Vinicius បានជូនដំណឹងដល់ប្រធាន Real Madrid អំពីការសម្រេចចិត្តរបស់គាត់ក្នុងការមិនបន្តកិច្ចសន្យា ប្រសិនបើលោក Xabi Alonso នៅតែជាគ្រូបង្វឹក។វាផ្ទុយនឹងចរិតរបស់ Vinicius ដែលតែងតែនិយាយថាគាត់ចង់ឃើញអាជីពរបស់គាត់នៅ Real Madrid ចប់។

ទោះជាយ៉ាងណាក៏ដោយ ទម្រង់លេងរបស់ Vini និងការមិនសប្បាយចិត្តជាមួយលោក Alonso អាចធ្វើឱ្យការចាកចេញរបស់គាត់ពីក្លឹបលឿនជាងមុន ជាពិសេសជាមួយនឹងការដែលអារ៉ាប៊ីសាអូឌីតកំពុងព្យួរការ៉ុត៕

(English) មូលនិធិសម្រាប់ការអភិវឌ្ឍន៍របស់អារ៉ាប៊ីសាអូឌីត (SFD) នឹងផ្តល់ប្រាក់កម្ចីសម្បទានរហូតដល់ ១ ពាន់លានដុល្លារ ដើម្បីសាងសង់ ឬពង្រឹងហេដ្ឋារចនាសម្ព័ន្ធកីឡាបាល់ទាត់ក្នុងប្រទេសកំពុងអភិវឌ្ឍន៍ ក្រោមអនុស្សរណៈនៃការយោគយល់គ្នាជាមួយ FIFA ដែលបានប្រកាសកាលពីថ្ងៃចន្ទ។ គំនិតផ្តួចផ្តើមនេះមានគោលបំណងលើកកម្ពស់ការអភិវឌ្ឍប្រកបដោយចីរភាពតាមរយៈការវិនិយោគលើសម្ភារៈកីឡា ដោយផ្តោតលើការរួមបញ្ចូលសង្គម ការពង្រឹងសមត្ថភាពយុវជន និងកំណើនសេដ្ឋកិច្ច។

ប្រធាន FIFA លោក Gianni Infantino បាននិយាយនៅក្នុងសេចក្តីថ្លែងការណ៍មួយថា “តួនាទីរបស់ FIFA គឺដើម្បីអភិវឌ្ឍបាល់ទាត់ទូទាំងពិភពលោក ហើយសមាគមសមាជិក FIFA របស់យើងជាច្រើនត្រូវការការគាំទ្របន្ថែមសម្រាប់ហេដ្ឋារចនាសម្ព័ន្ធចាំបាច់សម្រាប់រៀបចំការប្រកួត” ។ “កិច្ចព្រមព្រៀងនេះគឺជាជំហានដ៏សំខាន់មួយក្នុងការធានាឱ្យសមាគមសមាជិក FIFA របស់យើងមានសម្ភារៈបរិក្ខារក្នុងការធ្វើឱ្យបាល់ទាត់ជាសកលពិតប្រាកដ”។

ប្រទេសអារ៉ាប៊ីសាអូឌីតបានបណ្តាក់ទុនរាប់ពាន់លានដុល្លារក្នុងព្រឹត្តិការណ៍កីឡា រួមទាំងបាល់ទាត់ ហ្វមមូឡាវ័ន ប្រដាល់ និងវាយកូនហ្គោល ដោយមានអ្នករិះគន់បានចោទប្រកាន់ប្រទេសនេះថាបានចូលរួមក្នុង “sportswashing ” លើកំណត់ត្រាសិទ្ធិមនុស្សរបស់ខ្លួន។ ព្រះរាជាណាចក្របានបដិសេធការចោទប្រកាន់អំពីការរំលោភសិទ្ធិមនុស្ស។ SFD ផ្តល់ប្រាក់កម្ចីសម្បទាន និងជំនួយបច្ចេកទេស ដើម្បីផ្តល់មូលនិធិដល់គម្រោងក្នុងប្រទេសកំពុងអភិវឌ្ឍន៍ផងដែរ៕

ប្រភព៖ CNA

(English) លោក Florentino Pérez ប្រធានក្លឹប Real Madrid កំពុងពិចារណាអនុញ្ញាតឱ្យអ្នកវិនិយោគិនទិញភាគហ៊ុនរហូតដល់១០ % នៅក្នុងក្លិប ហើយបានទទូចថាការប្រកួតពានរង្វាន់អឺរ៉ុប Super League នៅតែជាគម្រោងដែលមិនអាចខ្វះបានសម្រាប់អនាគតនៃបាល់ទាត់។ ថ្លែងទៅកាន់សមាជិកក្លិបនៅឯមហាសន្និបាតកាលពីថ្ងៃអាទិត្យ លោក Pérez បាននិយាយថា៖ លោកនឹងស្នើកំណែទម្រង់ច្បាប់ក្នុងអំឡុងពេលមហាសន្និបាតវិសាមញ្ញនៅពេលខាងមុខនេះ ដើម្បីអនុញ្ញាតឱ្យអ្នកវិនិយោគិន អាចមានលទ្ធភាពវិនិយោគ កាន់កាប់ភាគហ៊ុនភាគតិចនៅក្នុងក្លិប។

លោកបានមានប្រសាសន៍ថា យើងនឹងបន្តធ្វើជាក្លិបសមាជិក ប៉ុន្តែយើងត្រូវតែបង្កើតក្រុមហ៊ុនបុត្រសម្ព័ន្ធមួយដែលសមាជិក១០ម៉ឺន នាក់របស់ Real Madrid នឹងរក្សាការគ្រប់គ្រង។ ដោយផ្អែកលើមូលដ្ឋាននោះ ក្រុមហ៊ុនបុត្រសម្ព័ន្ធនេះអាចទិញភាគហ៊ុន ភាគតិច ឧទាហរណ៍៥ % ឬមិនលើសពី១០ % ពីអ្នកវិនិយោគិនម្នាក់ ឬច្រើននាក់ដែលប្តេជ្ញាចិត្ត និងមានឆន្ទៈចូលរួមចំណែក ធនធានផ្ទាល់ខ្លួនរបស់ពួកគេរយៈពេលវែង ។ ទោះជាយ៉ាងណា លោក​បាន​មាន​ប្រសាសន៍​ថា​​អ្នកវិនិយោគ​ទាំងអស់ ត្រូវតែ​គោរព​តម្លៃ​របស់​យើង ចូលរួមចំណែក​ដល់​ការរីកចម្រើន​របស់​ក្លឹប និង​ជួយ​ការពារ​ទ្រព្យសម្បត្តិ​របស់​យើង​ពី​ការវាយប្រហារ​ពី​ខាងក្រៅ។

យោងតាម ​​Deloitte Real Madrid គឺជាក្លិបតែមួយគត់ក្នុងពិភពបាល់ទាត់ដែលមានប្រាក់ចំណូលលើសពី១,២ពាន់លានដុល្លារ)។ ប្រាក់ចំណូលសម្រាប់រដូវកាល 2024/2025 បានកើនឡើងដល់ ជាង១ពាន់លានដុល្លារ  ខណៈដែលប្រាក់ចំណូលសុទ្ធបន្ទាប់ពីបង់ពន្ធបានកើនឡើង៥៦ភាគរយដល់ ជាង២៥លានដុល្លារ។លោក Perez បាននិយាយកាលពីថ្ងៃអាទិត្យ។ យោងតាមទស្សនាវដ្តីពាណិជ្ជកម្ម Forbes បានឱ្យដឹងថា ក្លឹបនេះមានតម្លៃខ្ពស់បំផុតក្នុងពិភពបាល់ទាត់ ដោយមានតម្លៃ ជាង៦,៧៥ ពាន់លានដុល្លារ។ ស្របពេលជាមួយគ្នានេះដែរក្លឹប Real Madrid កំពុងត្រូវបានវិនិយោគិនធំៗពីររូបគឺ Sixth Street និង Bernard Arnault បានត្រៀមខ្លួនទិញភាគហ៊ុន១០% ក្នុងតម្លៃប្រហែលជាង១ពាន់លានដុល្លារ។នេះបើយោងតាមរបាយការណ៍ ​​Vozpopuliចេញផ្សាយកាលពីថ្ងៃអាទិត្យ៕

ប្រភព៖ AP

(English) យោងតាមការចេញផ្សាយរបស់គេហទំព័រ Givemesport.com កាលពីថ្ងៃសុក្រទី២១​ ខែវិច្ឆិកា ឆ្នាំ២០២៥ បានឲ្យដឹងថាក្រុមជម្រើសជាតិគោជល់អេស្ប៉ាញ មានភាគរយខ្ពស់ជាងគេក្នុងការឈ្នះពានរង្វាន់បាល់ទាត់ពិភពលោកឆ្នាំ ២០២៦ បើទោះជាពេលនេះ មានត្រឹមតែ៤២ក្រុម មានកៅអីស្វ័យប្រវត្តិនិងរង់ចាំ៦កៅអីទៀតប្រកួតវគ្គPlay Off។ ការអះអាងបែបនេះក៏ដោយសារតែ ផ្អែកលើទម្រង់លេង និងភាពជោគជ័យបច្ចុប្បន្នរបស់ក្រុមគោជល់ ដែលគេរំពឹងថានឹងលើកពានរង្វាន់មាសនៅឯកីឡដ្ឋាន MetLife ក្នុងទីក្រុង East Rutherford រដ្ឋ New Jersey។

ការវាយតម្លៃចំណាត់ថ្នាក់ផ្អែកទៅលើកត្តាធំៗ៣គឺ

១-ប្រវត្តិ​ព្រឹត្តិការណ៍​បាល់ទាត់​ពិភពលោក

២-សកម្មភាពប្រកួត​ថ្មីៗ (​មាន​ទម្រង់​លេង​ល្អ ឬ​មិន​សូវ​ល្អ)។

៣-គុណភាព​ក្រុម(កីឡាករ) និង​គ្រូបង្វឹក។

អេស្ប៉ាញមិនត្រឹមតែឈ្នះ Euro 2024 ប៉ុណ្ណោះទេ ពួកគេបានធ្វើសេចក្តីថ្លែងការណ៍មួយដោយអះអាងថានឹងធ្វេីជាប្រទេសបាល់ទាត់ល្អបំផុតនៅលើពិភពលោកម្តងទៀត។ ក្រុមរបស់លោក Luis de la Fuente ធ្លាប់បានយកឈ្នះបារាំង អាល្លឺម៉ង់ អ៊ីតាលី និងអង់គ្លេស ដើម្បីដណ្តើមយកពានរង្វាន់យូរ៉ូ ២០២៤នៅប្រទេសអង់គ្លេស។

ក្រុមអេស្ប៉ាញកំពុងស្ថិតនៅក្នុងជំនាន់មាស និង ក្លាយជាក្រុមបាល់ទាត់ដ៏ល្បីល្បាញបំផុតមួយក្នុងប្រវត្តិសាស្ត្រ។ Lamine Yamal ដែលមានអាយុត្រឹមតែ១៨ឆ្នាំប៉ុន្តែគេលេងបានល្អឥតខ្ចោះ ខណៈដែល Rodri ដែលឈ្នះពានរង្វាន់ Ballon d’Or គឺជាកីឡាករម្នាក់ក្នុងចំណោមកីឡាករខ្សែបម្រើដ៏មានឥទ្ធិពលសម្រាប់គ្រូបង្វឹក De la Fuente ជ្រើសរើស។ ចំណែកឯក្រុមដែលមានភាគរយខ្ពស់៩ផ្សេងទៀតរួមមានៈ បារាំង (២)  អង់គ្លេស (៣) អាហ្សង់ទីន(៤) ព័រទុយហ្គាល់(៥) ប្រេស៊ីល (៦) ហូឡង់(៧) អាល្លឺម៉ង់ (៨) អ៊ុយរ៉ូហ្គាយ (៩) និង ន័រវែស (១០)៕

(English) ការមានលក្ខណៈសម្បត្តិគ្រប់គ្រាន់សម្រាប់ព្រឹត្តិការណ៍បាល់ទាត់ពិភពលោកគឺជាសមិទ្ធផលដ៏ធំមួយរបស់ប្រទេសនីមួយៗនៅនៅលើពិភពលោក ប៉ុន្តែសម្រាប់ប្រទេសមួយចំនួន វាគឺជាអព្ភូតហេតុ។ ចាប់ពីដំណើរដ៏អស្ចារ្យរបស់ប្រទេសអ៊ីស្លង់ក្នុងឆ្នាំ ២០១៨ មានលក្ខណៈសម្បត្តិគ្រប់គ្រាន់ជាប្រវត្តិសាស្ត្រនៅក្នុងព្រឹត្តិការណ៍បាល់ទាត់ពិភពលោក អីលូវនេះប្រទេសពីរគឺ Curacao និង Cape Verde បានក្លាយជាប្រទេសតូចបំផុតនៅក្នុងការប្រកួតបាល់ទាត់ពិភពលោកឆ្នាំ ២០២៦ ។

ខាងក្រោមនេះគឺជាបញ្ជីប្រទេសតូចបំផុតទាំង ១០ មានកៅអីប្រកួត World Cup

១ – គូរ៉ាកៅ (Curacao )World Cup ២០២៦ ប្រជាជន១៥ម៉ឺន៦ពាន់នាក់។

២ – អ៊ីស្លង់(Iceland) World Cup  ២០១៨ ប្រជាជន ៣៥ម៉ឺន២ពាន់នាក់។

៣ – កាប់វើដ(Cape Verde)  World Cup  ២០២៦ ប្រជាជន ៥២ម៉ឺន ៥ពាន់នាក់។

៤ – ទ្រីនីដាដ និងតូបាហ្គោ(Trinidad and Tobago )  World Cup  ២០០៦ប្រជាជន១លាន ៣សែននាក់។

៥ – អៀរឡង់ខាងជើង (Northern Ireland) World Cup  ១៩៥៨ ប្រជាជន១លាន៤សែននាក់

៦ – ប៉ារ៉ាហ្គាយ(Paraguay ) World Cup   ១៩៥០ ប្រជាជន១លាន៥សែននាក់។

៧ – គុយវ៉ែត(Kuwait) World Cup  ១៩៨២ ប្រជាជន ១លាន៧សែននាក់។

៨ – អេមីរ៉ាតអារ៉ាប់រួម (United Arab Emirates)  World Cup  ១៩៩០ ប្រជាជន១លាន៩សែននាក់។

៩ – ស្លូវេនី(Slovenia) World Cup ២០០២ ប្រជាជន២លាននាក់។

១០ – អ៊ុយរូហ្គាយ(Uruguay) World Cup  ១៩៥០ ប្រជាជន ២​ ២០០០០០នាក់៕

(English) គិតមកត្រឹមពេលនេះ ប្រទេសចំនួន៤២ កក់បានកៅអីឡើងទៅប្រកួតព្រឹត្តិការណ៍ World Cup ឆ្នាំ ២០២៦ដែលរៀបចំឡើងដោយសហម្ចាស់ផ្ទះ អាមេរិក កាណាដា និងម៉ិកស៊ិក​ខណៈកៅអីចំនួន ៦ ទៀតរង់ចាំប្រកួតវគ្គPlay Off បង្គ្រប់៤៨ក្រុមដែលជាការពង្រីកចំនួនក្រុមពី៣២ទៅ៤៨លេីកដំបូង។ ជាការក្នុងចំណោមក្រុមដែលបានកក់កន្លែងរួចហើយគឺប្រទេស Curacao នៅកោះ Caribbean បានក្លាយជាប្រទេសតូចបំផុតដែលមិនធ្លាប់មានកៅអីទៅព្រឹត្តិការណ៍ World Cup។

ការប្រកួតវគ្គ Play-off ពានរង្វាន់បាល់ទាត់ពិភពលោកសម្រាប់ទ្វីបអឺរ៉ុបនឹងប្រព្រឹត្តទៅនៅខែមីនា ឆ្នាំ២០២៦ ។កៅអីពីរផ្សេងទៀតដែលនៅសល់ក្នុងព្រឹត្តិការណ៍ World Cup នឹងត្រូវដណ្តើមយកដោយក្រុមមកពីសហព័ន្ធផ្សេងទៀត ដោយមានអ៊ីរ៉ាក់ សាធារណរដ្ឋប្រជាធិបតេយ្យកុងហ្គោ បូលីវី ហ្សាម៉ាអ៊ីក នូវែលកាឡេដូនី និងស៊ូរីណាម ដែលកំពុងប្រជែងគ្នាដើម្បីឱកាសឡើងទៅវគ្គបន្តតាមរយៈផ្លូវអន្តរសហព័ន្ធទាំងពីរ។

បញ្ជីឈ្មោះប្រទេសទាំង៤២មកពីទ្វីបនីមួយៗ

I-ប្រទេសម្ចាស់ផ្ទះ

១ សហរដ្ឋអាមេរិក

២ កាណាដា

៣ ម៉ិកស៊ិក

II-ទ្វីបអាស៊ី(៨កៅអី)

១- អូស្ត្រាលី

២-អ៊ីរ៉ង់

៣-ជប៉ុន

៤-ហ្ស៊កដានី

៥-កាតា

៦- អារ៉ាប៊ីសាអូឌីត

៧-កូរ៉េខាងត្បូង

៨-អ៊ូសបេគីស្ថាន

III-អាមេរិកខាងជើង និងអាមេរិកកណ្តាល

១-គូរ៉ាកៅ

២-ហៃទី

៣-ប៉ាណាម៉ា

IV-អាមេរិកខាងត្បូង

១- អាហ្សង់ទីន

២-ប្រេស៊ីល

៣- កូឡុំប៊ី

៤- អេក្វាឌ័រ

៥- ប៉ារ៉ាហ្គាយ

៦- អ៊ុយរូហ្គាយ

V-ទ្វីបអូសេអានី(១កៅអី)

១- នូវែលសេឡង់

VI-ទ្វីបអាហ្វ្រិក(៩ក្រុម)

១- អាល់ហ្សេរី

២-កាប់វើ

៣-អេហ្ស៊ីប

៤- ហ្គាណា

៥- កូតឌីវ័រ

៦- ម៉ារ៉ុក

៧- សេណេហ្គាល់

៨- អាហ្វ្រិកខាងត្បូង

៩- ទុយនីស៊ី

VII-ទ្វីបអឺរ៉ុប(១៦ក្រុម)

១- អូទ្រីស

២- បែលហ្ស៊ិក

៣- ក្រូអាស៊ី

៤- អង់គ្លេស

៥- បារាំង

៦-អាល្លឺម៉ង់

៧- ហូឡង់

៨- ន័រវេស

៩- ព័រទុយហ្គាល់

១០- ស្កុតឡែន

១១- អេស្ប៉ាញ

១២- ស្វីស

១៣- កៅអីPlay off

១៤-កៅអីPlay off

១៥-កៅអីPlay off

១៦-កៅអីPlay off៕